تقنية سهلة لربح الوقت في تفوير كسكس الولائم بكميات كبيرة لافراحكم و مناسباتكم كسكس مرق أحمر جزء أول скачать в хорошем качестве

تقنية سهلة لربح الوقت في تفوير كسكس الولائم بكميات كبيرة لافراحكم و مناسباتكم كسكس مرق أحمر جزء أول

السلام عليكم و رحمة الله و بركاته كما وعدتكم اخواتي اليوم الدرس الثالث من الطبخ في الاعراس و الدي سيكون بإذن الله كسكسكس مرقه حمرا ممكن جدا ديريها بلحم بقري ماكانش مشكل (لكن ماكاش احسن من الغنمي للكسكس) نحن في الوسط أنديرو مرقة بيضاء و لكن لا باس عندي طريقة يعملوها ناس الشرق للمرقة الحمراء و هي طريقة سهلة و لذيذة أختي قبل كل شيء بما أنك رايحة الديري لحم بقري من الأحسن فلفل أبيض (ما شي أسود) لأنه الأسود يكحل المرقة ممكن تخلطي شوية أبيض و شوية أسود للبنة أختي تحكمي كمية اللحم اللي تقدري تشريها و هذا حسب المقدور طبعا تحكمي خيط اللي يركبو فيه اللحم هذا الخيط يتباع عند اللي يبيعو لوازم الحلويات تشري إبرة كبيرة تتباع عند اللي يبيعوا لوازم الخياطة تركبي الخيط على 2 أو 4 باش ما يتقطعش كي ترفديه تركبي اللحم و لكن ديري 10 قطع مع بعض في خيط و لا 6 قطع باش إيجيك خفيف كي تحركي تركبي اللحم أنتاعك تحطيه في بسينة نقية أو جفنة و لكن من الأحسن بلاستيك لأن الحديد يتفاعل بعد مدة 1- أنحطو اللحم المركب في بسينة 2- نرحيو أو نسكرفجو البصل أختي ما نقدرش نعطيك الكمية بالضبط لأني ما نعرفش أشحال راكي رايحة الديري اللحم و لكن ديري 2 بصلات متوسطين لكل كيلو لحم 3- نضع في صحن غامق كاس زيت على حسب اللحم ممكن أكثر ممكن أقل أنضيفو ملعقة كبيرة عكري حلو أنخلطوها بالزيت مليح و نحطو فلفل الأسود و الأبيض و نحركو نقدرو أنديرو الملح كذلك و نخلطو جيدا و بعدها نفرغو الخليط على اللحم كاين اللي يضيف كذلك الطماطم المصبرة و نفرغو البصل و نحركو جيدا اللحم مع الخليط أنغطوه و أنحطوه جانبا. في هاد الوقت نرحيو 2-4 حبات طماطم و نوجدوهم جيه و نقشرو الخضرة تقدري ديري القرعة و اللفت أو الجز و القرعة أو تقدري الديري القرعة و الجزر و اللفت حلى حسب الاختيار و تكوني من قبل شمختي الحميصة من الأحسن نترك اللحم لمدة ساعتين أو أكثر كيما في الشتاء تقدري تحضري في الليل و طيبي في الصباح أما في الصيف تقدري تخلي اللحم في الخليط ليلة كاملة و لكن في الثلاجة كي تدي الوقت اللازم تحطي في قدر ماء و حمص و اعواد قرفة و بصلة و القليل من الفلفل الاسود و الزيت و بقاايا اللحم و العظم،لكن الملح نضيفه بعد نضج الحميصة ادا اضفناه من الاول يصعب عملية نضوج الحمص و نخلوها اطيب بجيه تحكمي قدرة كبيرة مناسبة للكمية اللي حابة تحضريها تحطيها على نار خفيفة و تفرغي فيها اللحم و تحكمي كاس ماء تشلي بيها البسينة و تفرغي الماء هاداك على اللحم لأنه فيه بقايا الخليط و تغطي القدرة و تخليها تتقلى الوقت اللازم من الأحسن تنقصي للنار و تدي وقت ظيل حتى يطلق اللحم كل عصارته ترمي عليها الطماطم المرحية و عود قرفة و تخليها حتة شوفي كل اللحم تقلا مليح تفرغي عليه الحمص بالماء المغلي اللي فيه و اتركي اللحم يطيب بعد ما تزيدي للنار بعدها مباشرة تكوني حضرتي ماء مغلي من جهة أخرى و تمرقي على حسب الكمية الزمة لطبخ اللحم في العادة على نار قاوية حوالي ساعة. بعد ما تمرقي تحضري الكسكس كل واحد و الطريقة اللي يشمخ بيها كاين اللي يدهن الكسكس بالزيت و يفورو في المرة الأولى كاين اللي يغسل الكسكس و يصفيه و يدهنو بالزيت كل واحد و طريقتو المهم للجفنة حوالي 3 كيلو يكفيك على حسب الكمية تقدري تزيدي أو تنقصي تحضري الكسكس و تحطيه على اللحم يتفور و تغلقي الكسكاس من الجوانب بالقفال ،انا نستعمل الفيلم الغذائي سيلوفان، هذا يسرع عملية طبخ اللحم كي يتفور تنحيه و ترشيه بالماء كالعادة و في هاذي كل واحد و طريقتو كذلك تفقدي اللحم ما تنسايهش تقدري تزيدي تفوري عليه للمرة 2 إذا مازال ماطاب عينك ميزانك كي يطيب اللحم تحكمي مغرف و ترفدي الخيط المركب تخليه يقطر شوية و بعدها تحطيه في حاجة جانبا و تغطيه باش يبقى سخون و طري و ما يتبدلش لونه قبل ما تنحي اللحم شوفي الملح تقدري تزيدي حسب الحاجة من الأحسن اللحم يكون مالح يعني ما يكونش ناقص ملح لأنه بعدها تزيدي تمرقي بالمء السخون حسب الكمية اللي تحبي و الازمة و ترمي الجزر بعد 15 دقيقة تزيدي ترمي اللفت بعد 15 دقيقة تركي القرعة كي ترمي الجزر إلا كنتي مازال ما كملتي التفوار انتع الكسكس تقدري تفوري على الخضرة عادي في كل هاد المدة تلاحظي كمية الطماطم إلا لازم تزيدي زيدي و كذلك الملح بعد ما يتفور الكسكس تدهنيه و ترشيه برشة خفيفة قرفة و تخلطي تقدري ما ديريهاش هاد الرشة على حسب الذوق بعد ما الطيب المرقة نضيفو لها ملعقة فلف اسود في الأخير و نطفو عليها تحكمي الجفنة تحطي فيها الكسكس ديري حفرة صغيرة في الوسط حطي فيها الحمص و زيني بالخضر و اللحم على حسب الذوق كسكس الوسط ،الجزائر العاصمة،البليدة،بومرداس،يعني مرق ابيض كسكس مرقه بيضاء اللي طلبت الكسكس بالمرقة البيضاء أختي رايحة نعطيك بالتفصيل مع كل أنواع اللحوم بصفة عامة الحاجة الأولى بالنسبة للحم البقري و الغنمي و الدجاج يعني الأساس واحد لا يتغير البصل المسكرفج مليح يعني هذا على حسب الكمية المراد طبخها لحوالي كيلو لحم 2 بصلات كبار أول شيء أنحطو السمن في القدرة مع 2 ملاعق زيت المائدة و نزيدو البصل و نخلوه يتقلا مليح بلا مايتحرق البصل بعدها نظيفو اللحم أم الدجاج نفس الشيء و نخلوه يتقلى لمدة 5دقائق قبل بعدها نظيفو التوابل للمرقة البيضاء الأحسن الفلف الأبيض ماشي الأسود إلا ما عندكش أنديرو فلف اسود (الفلف الأسود يكحل المرقة خاصة البقري) و نحطو عود قرفة و ملح حسب الكمية و نخلو اللحم يتقلا مليح مليح من جهة أخرى أنكونو حطينا في قدرة أخرى الماء مع الحمص اللي نقعناه ليلة كاملة ( لكل كيلو حمص ملعقة اكل ملح) عودين قرفة حبة بصل كاملة القليل من الزيت و بقايا اللحم و العظم و الشحم اللي قعدونا باش طيب الحميصة بنينة،انحو الرغوة كامل اللي تطفو على السطح و بعدها بعد ما يتقلى مليح اللحم نمرقوه بالماء المغلي. و نغلقو على القدرة في هاد الوقت نحضرو الكسكس كل واحد و الطريقة نتاعو في التحضير انا شخصيا نختار كسكس المفتول باليد و المتوسط لارضاء كل الاذواق نغسلو بالماء سريعا و نقطرو سريعا اذا شمخناه بزاف