គ្រាប់ពូជស្មៅម៉ុមបាសាយ៉ាងម៉េចទើបដុះល្អ | Mombasa guinea seeds which is good скачать в хорошем качестве

គ្រាប់ពូជស្មៅម៉ុមបាសាយ៉ាងម៉េចទើបដុះល្អ | Mombasa guinea seeds which is good

ស្មៅម៉ុមបាសាហ្គីនេ Panicum Maximum cv. Mombasa ជាស្មៅគោមួយប្រភេទមានដើមខ្ពស់ ស្លឹកវែង ដែលគេនិយមដាំឲគោស៊ី ពិសេសនៅប្រទេសថៃ។ ស្មៅប្រភេទនេះមានដើមកំណើតនៅអាហ្វ្រិច ដែលត្រូវបាន នាំចូលទៅកាន់ប្រទេសប្រេស៊ីលនៅឆ្នាំ1993។ ស្មៅប្រភេទនេះមិនរើសដីដាំទេពោល គឺអាចដាំបាននៅលើដី ច្រើនប្រភេទ រាប់ទាំងដីមិនមានជីវជាតិគ្រប់គ្រាន់ផង តែគួរជៀសវាងតំបន់ ដែលមានទឹកលិចខ្លាំង ឬតំបន់មានទឹកជំនាន់។ ដាំសម្រាប់ៈ គោសាច់, គោចិញ្ចឹមយកទឹកដោះ, ពពែ, ចៀម, ក្របីជាដើម។ លក្ខណៈទូទៅ: ស្មៅប្រភេទនេះកំពុងដាំស្ទើរទូទាំងប្រទេសកម្ពុជាយើង ដោយសារវាធន់ទៅនឹងអាកាសធាតុរាំងស្ងួត។ ការច្រូតកាត់: អាចច្រូតឲគោស៊ីបានបន្ទាប់ពីដាំ 40ថ្ងៃ សម្រាប់រដូវវស្សា និង60ថ្ងៃនៅរដូវ ប្រាំង។ វដ្តជីវិត: អាចប្រមូលផលបានខ្ទង់5-6ឆ្នាំ ទើបដាំម្តងទៀត (ទុកបាន5-6ឆ្នាំ)។ ប្រូតេអ៊ីន: វាអាចផ្តល់ប្រូតេអ៊ីនពី 8-10%។ ទិន្នផល: ទទួលបានពីចន្លោះ 150-200តោន/ហិចតា ឬអាចច្រើនជាង 250តោន/ហិចតាក្នុង១ឆ្នាំ ចំពោះដីដែលមានជីវជាតិល្អ និងការថែទាំដិតដល់។ ការដាំដុះ: យើងអាចព្រោះគ្រាប់ពូជ បុកដាំ ឬដកកូនយកទៅស្ទូងជាជួរដូចស្រូវក៍បាន។ *បើព្រោះត្រូវប្រើគ្រាប់ពូជចន្លោះពី 12-18kg/ហិចតា។ ការផ្គត់ផ្គង់ចំណីសត្វ: 1000ម៉ែត្រការ៉េស្មៅ អាចចិញ្ចឹមគោបាន3ក្បាល ឬក្របី 3ក្បាល,ពពែ១០ក្បាល របៀបដាំគ្រាប់ពូជ គ្រាប់ពូជអាចដុះល្អអាស្រ័យដោយកត្តាមួយចំនួន៖ គុណភាពគ្រាប់ពូជ: គ្រាប់ពូជមិនហួសកំណត់ ចេញពីរោងចក្រត្រឹមត្រូវ ដោយឆ្លងកាត់ម៉ាស៊ីនតេស្តគ្រាប់។ កត្តាដី និងអាកាសធាតុ: គួរកែប្រែដីឲមានជីវជាតិជាមុនសិន ដោយការដាក់ជីទ្រាប់បាត ហើយត្រូវភ្ជួរដាស់ដីឲបានយ៉ាងតិច២សារ (ក្នុងមួយសារៗត្រូវហាលដី1-2សប្តាហ៍)។ ដាក់ជីកំប៉ុសលាយ ជាមួយជី ដេ អា ប៉េ ទ្រាប់បាត។ យើងគួរដាំស្មៅនៅខែវស្សា ដែលមានទឹកគ្រប់គ្រាន់ សម្រាប់ការលូតលាស់។ បច្ចេកទេស: មុនការដាំដោយព្រោះ គួរយកគ្រាប់ពូជទៅហាលថ្ងៃ1ឬ2ម៉ោងដើម្បីដាស់ដំណេកគ្រាប់ បន្ទាប់មកត្រាំទឹករយៈពេលពី 1-3ម៉ោង ហើយផ្អាប់ប្រហែល1ម៉ោងសឹមយកទៅព្រោះលើដីដែលធ្វើស្អាត។ ចំពោះការរាស់កុំឲដីហាប់ពេក (1ឬ2 រនាស់ជាការល្អ)។ កសិករមិនគួរដាំដោយវិធីព្រោះគ្រាប់ពូជទេ វាអាចខ្ចះខ្ជាយគ្រាប់ និងមិនសូវបានផលល្អ។ គួរដាំដោយឆូតជារង ជម្រៅពីកន្លះតឹកទៅ១តឹក យកជីកំប៉ុសលាយជាមួយជីគ្រាប់ ក្រាលបាត ច្របល់ដីនិងជីសិនសឹមដាំគ្រាប់ពូជ បន្ទាប់មកលុបដីពីលើថើរៗ។ សម្រាប់ខែវស្សាមិនចាំបាច់ត្រាំគ្រាប់ពូជទេ យកទៅដាំភ្លាមៗបានតែម្តង។ គួរជៀសវាងដាំពេលមិនមានភ្លៀង ឬពេលមានភ្លៀងជាប់ៗគ្នារាល់ថ្ងៃ។ កំណត់ចំណាំ: គួរកាត់ស្មៅទុក7cm មុនពេលចេញផ្កា ហើយកុំទុកឲស្មៅចាស់ពេក សត្វអាចមិនស៊ី។ ក្រោយកាត់ពី7-10ថ្ងៃត្រូវដាក់ជី UREA។ បើតំបន់ដាំដុះមានទឹកជំនាន់ជន់លិចរយៈពេល 15ថ្ងៃស្មៅ អាចងាប់។ វេបសាយ www.10xagri.com YouTube: 10x Agricluture, Tel: 0884970188/ 070634781