ცხინვალის დე ფაქტო რეჟიმმა ინციდენტში მონაწილეების წინაამდეგ საქმე აღძრა скачать в хорошем качестве

ცხინვალის დე ფაქტო რეჟიმმა ინციდენტში მონაწილეების წინაამდეგ საქმე აღძრა

ცხინვალის რეგიონის საოკუპაციო რეჟიმმა 14 ივლისს მომხდარ ინციდენტში მონაწილე საქართველოს მოქალაქეების წინააღმდეგ სისხლის სამართლის საქმე აღძრა. მარიონეტული ხელისუფლება გამოძიებას ე.წ. საზღვრის, უკანონოდ გადაკვეთისა და ვანდალიზმის მუხლით აწარმოებს. ადგილობრივ მედიაში გავრცელებულ ე.წ. კა-გე-ბეს განცხადებაში აღნიშნულია, რომ ოპერატიულმა საგამოძიებო ჯგუფმა რამდენიმე დღის წინ მოხსნილი საინფორმაციო ბანერი სარწყავ არხში იპოვა და უკან დააბრუნა. მის ადგილზე დამონტაჟებული საქართველოს დროშა კი, როგორც განცხადებაშია აღნიშნული, საერთაშორისო ცერემონიის ტრადიციების დაცვით, მოიხსნა და ქართულ მხარეს ინციდენტების პრევენციისა და მათზე რეაგირების მექანიზმების ფარგლებში დაგეგმილ მორიგ შეხვედრაზე 20 ივლისს გადაეცემა. კიდევ ერთ განცხადებას დე ფაქტო საგარეო საქმეთა სამინისტრო ავრცელებს. ცხინვალის მარიონეტული ხელისუფლებისთვის გაუგებარია, რატომ დაგმო საქართველოს საგარეო საქმეთა სამინისტრომ რუსეთისა და ე.წ. სამხრეთ ოსეთის ერთობლივი სამხედრო წვრთნები. საოკუპაციო რეჟიმი კონტრბრალდებებით გამოდის. მათი თქმით, ყველა ერთობლივი პროექტი, რომელსაც საქართველო ნატო-სთან და ამერიკასთან ერთად ახორციელებს, ხელს უწყობს დაძაბულობის ესკალაციას და ქართულ მხარეს 14 ივლისს მომხდარი მსგავსი ინციდენტებისკენ უბიძგებს. “ნებისმიერი სახის დახმარება, განსაკუთრებით კი სამხედრო ხასიათის, ართულებს რეგიონში მშვიდობისა და სტაბილურობის გამყარების პერსპექტივებს”. - ნათვამია ცხინვალის მარიონეტული რეჟიმის განცხადებაში.