【娛樂山】陳健安新歌邀「餅碎」Miki出山舞動｜MV集四代香港人氣女團代表同框派彩蛋 скачать в хорошем качестве

【娛樂山】陳健安新歌邀「餅碎」Miki出山舞動｜MV集四代香港人氣女團代表同框派彩蛋

陳健安（安仔）將於明年1月在西九文化區舉行一連兩場《陳健安時的狀態演唱會2026》，早前信用咭客戶優先訂票，火速售罄，安仔拍片表示開心到爆。 安仔今年第四首派台作品《伊甸有歌》MV日前上架，邀請了Cookies成員楊愛謹（Miki）擔任女主角，並與之前3首作品的MV女主角，《不遲不早》的Super Girls成員陳穎欣（Yanny）、《額頭有字》Lolly Talk成員黃詠霖（阿蛋），以及《沒有時間》HotCha成員張惠雅（Regen）同框演出，集合香港4個不同年代的人氣女團成員，為MV拍攝彩蛋。 《伊甸有歌》是安仔今年音樂企劃的壓軸作品，與之前3首歌MV故事互相呼應，他說：「經歷隕石墜落，我哋成功避開咗災難，終於去到新伊甸園。呢個屬於我嘅新伊甸園，冇任何標籤，其中歌詞 『自在大師所見略同而舞動』，所以今次會跳舞。」問到Miki幾耐冇排舞？她說：「真係唔係講笑，真係好驚，雖然最近我有跳舞，只係for fun，但係拍MV就要認真，所以好有壓力，始終好耐冇郁過啦！覺得好好玩，係一個challenge自己嘅機會。」 安仔說：「呢首歌係演唱會前好重要嘅歌，藉住輕快嘅歌曲和舞步，畀大家感受到我明年一月戶外演唱會嘅氣氛。今次MV仲有舞者跳芭蕾舞、Locking ，有小朋友、有大人、有男有女，無論你跳乜嘢舞種，都可以喺呢個地方一齊enjoy！」更強烈建議樂迷將4個MV一氣呵成仔細欣賞，會發現很多細節早有舖排。 前年安仔左膝前十字韌帶完全斷裂，經過治療後已康復，會否擔心跳舞傷舊患？他說：「因為我好擔心隻腳，始終受過傷，所以會做足熱身。」坦言拍攝MV前一天咳嗽和睡眠不足，所以期待收工飛奔回家休息：「今年所有嘅歌已錄好、MV都完成晒，可以好好準備宣傳專輯和明年一月演唱會。」 Instagram 🔗｜ instagram.com/mountbuzz.official Facebook 🔗｜ facebook.com/@mountbuzz YouTube 🔗｜   / @mountbuzz   Threads🔗｜www.threads.com/@mountbuzz.official #娛樂山mountbuzz #mountbuzz #娛樂山 #娛樂新聞 #即時報道 #即時新聞 #獨家新聞 #專訪 #娛樂圈 #陳健安 #安仔 #楊愛瑾 #miki #cookies #伊甸有歌 #張惠雅 #Regen #hotcha #supergirls #陳穎欣 #yanny #lollytalk #黃詠霖阿蛋