2024香港小姐競選｜佳麗首晤傳媒勁緊張 即將分批到五地取景 скачать в хорошем качестве

2024香港小姐競選｜佳麗首晤傳媒勁緊張 即將分批到五地取景

2024香港小姐競選｜佳麗首晤傳媒勁緊張 即將分批到五地取景 TVB年度選美盛事《2024香港小姐競選》將於9月隆重舉行，經過兩輪面試同「港姐籌委會」成員專業評分，再加上「誰是入圍者」全球觀眾網上投票結果，得分最高嘅15位候選佳麗，喺7月15號正式會見傳媒。 佳麗即場進行編號抽籤，號碼順序分別係1號陳紫佟、2號倪樂琳、3號王汛文、4號謝淑怡、5號莊曉婷、6號李曼思、7號秦冀雯、8號盧凱怡、9號陳甜甜、10號吳芷靖、11號梁嘉莹、12號鍾翠詩、13號程姜月、14號楊梓瑤、15號俞可程。 樂易玲 呢日亦現場揭曉「誰是入圍者」得票最高五位佳麗，佢哋分別係2號倪樂琳、10號吳芷靖、11號梁嘉莹、6號李曼思同9號陳甜甜。15位佳麗經已開始接受連串儀態、化妝同口才等訓練，稍後將會進行外景拍攝。曾志偉又宣布今年5個外景拍攝地點分別係香港、新加坡、塞班島、內蒙古同菲律賓碧瑤。至於點解其中一個地點係留港拍攝，志偉就解釋因為有部份佳麗係由外地返港，佢哋從未喺香港生活，此舉可以令佢哋熟悉本土文化以及介紹香港特色。 15位候選佳麗初次正式會見傳媒，面對眾多媒體同鏡頭，佢哋都顯得格外緊張，但總算淡定自我介紹自己。獲封校花嘅2號倪樂琳就話平日好少著高踭鞋，前一晚專登喺屋企練習。鋼琴家4號謝淑怡雖然見慣大場面經常演奏，但第一次接觸選美舞台，特別緊張。3號王汛文則自稱心情好抗奮。 能夠成為觀眾網上投票最高票數頭五位，其中9號陳甜甜同10號吳芷靖都好開心，又多謝觀眾嘅支持同鍾意佢哋。而8號盧凱怡就話要勤加練習口才同急才嚟迎戰選美。 一眾候選佳麗經已對各個外景拍攝地點充滿期待，已經有心水想去嘅地方，11號梁嘉莹揀選香港，因為自己未曾在港居住過，覺得係個好好嘅生活體驗。13號程姜月就希望到內蒙，期待置身廣闊壯麗嘅大草原之中放眼世界。相信未來兩個月嘅選美旅程，對15位佳麗嚟講係人生一段難忘嘅經歷。 #2024香港小姐競選 #陳紫佟 #倪樂琳 #王汛文 #謝淑怡 #莊曉婷 #李曼思 #秦冀雯 #盧凱怡 #陳甜甜 #吳芷靖 #梁嘉莹 #鍾翠詩 #程姜月 #楊梓瑤 #俞可程 #港姐籌委會 #誰是入圍者 #曾志偉 #樂易玲 #香港 #新加坡 #塞班島 #內蒙古 #菲律賓碧瑤 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0