Kirathamoorthy Temple muthukurussi | കിരാതമൂർത്തി ക്ഷേത്രം | Hindu vision | Famous temples in Kerala скачать в хорошем качестве

Kirathamoorthy Temple muthukurussi | കിരാതമൂർത്തി ക്ഷേത്രം | Hindu vision | Famous temples in Kerala

പ്രകൃതിരമണീയമായ മുതുകുറുശ്ശിയുടെ ഹൃദയ സ്ഥാനത്ത് ശ്രീ കിരാതമൂർത്തി ശ്രീ മഹാവിഷ്ണു ക്ഷേത്രം സ്ഥിതി ചെയ്യുന്നു . പാലക്കാട് ജില്ലയിലെ മണ്ണാർക്കാട് താലൂക്കിൽ തച്ചമ്പാറ പഞ്ചായത്തിൽ ഉള്ള ഈ ക്ഷേത്രം പഴമ കൊണ്ടും ഐതിഹ്യപെരുപ്പം കൊണ്ടും സുപ്രസിദ്ധമാണ് . [ ഏകദേശം 800 കൊല്ലത്തിലധികം പഴക്കമുള്ള ഈ ക്ഷേത്രത്തിലെ പ്രധാന പ്രതിഷ്ഠ ശൈവതേജസ്സാർന്ന കിരാതമൂർത്തിയാണ് ഉഗ്രമൂർത്തിയായ ഭഗവാൻ പക്ഷേ ക്ഷിപ്രസാദി കൂടിയാണ് . അഭയവരദ നായകനായ ഭഗവാൻറെ കൃപാകടാക്ഷം ഈ പ്രദേശത്തു മാത്രമല്ല വിവിധ ദേശങ്ങളിൽ നിന്നു കൂടി ഇവിടെ എത്തിക്കുന്നുണ്ട് . പടിഞ്ഞാറോട്ട് അഭിമുഖമായി ഇരിക്കുന്ന ഈ ക്ഷേത്രത്തിന് ഉപദേവന്മാരായി പാർവ്വതി, ഗണപതി,ദുർഗ്ഗ, അയ്യപ്പൻ, നാഗങ്ങൾ, ബ്രഹ്മരക്ഷസ് എന്നിവ കൂടിയുണ്ട് . തൊട്ടടുത്തുതന്നെ ഒരു ദശകത്തോളം ആയി പണികഴിപ്പിച്ചിട്ടുള്ള കിഴക്കോട്ടു ഭിമുഖനായ മഹാവിഷ്ണു ക്ഷേത്രവും സ്ഥിതി ചെയ്യുന്നു . അതുകൊണ്ടുതന്നെ ശൈവ-വൈഷ്ണവ തേജസ്സു കുടികൊള്ളുന്ന ക്ഷേത്രസമുച്ചയം എന്ന ഖ്യാതി കൂടി ഈ ക്ഷേത്രത്തിലുണ്ട്. മനോഹരമായി പണിതീർത്ത ക്ഷേത്രക്കുളം ക്ഷേത്രത്തിൻറെ ഭംഗി വർദ്ധിപ്പിക്കുന്നു. ഊട്ടുപുര ഭജനമഠം എന്നിവയും ക്ഷേത്രത്തോടനുബന്ധിച്ച് സ്ഥിതിചെയ്യുന്നു. ഒറ്റപ്പാലം താലൂക്കിലെ പുലാപ്പറ്റ കുതിരവട്ടം സ്വരൂപം ആണ് ഈ ക്ഷേത്രത്തിൻറെ ഊരാളന്മാർ. കേരളത്തിലങ്ങോളമിങ്ങോളമുള്ള നിരവധി ക്ഷേത്രങ്ങളുടെ താന്ത്രിക ചുമതലവഹിക്കുന്ന ബ്രഹ്മശ്രീ അഴകത്ത് ശാസ്തൃശർമ്മൻ നമ്പൂതിരിപ്പാട് ആണ് ഈ ക്ഷേത്രത്തിലെ തന്ത്രി , ശ്രീ സുബ്രഹ്മണ്യസ്വാമി കിരാതമൂർത്തി ക്ഷേത്രതിന്റെയും ശ്രീ ജനാർദ്ദനൻ മഹാവിഷ്ണു ക്ഷേത്രത്തിന്റെയും പൂജാദികർമ്മങ്ങൾ ചെയ്തുവരുന്നു. അനേകം ഭക്തജനങ്ങൾ പങ്കെടുക്കുന്ന മഹാശിവരാത്രിയാണ് ഇവിടുത്തെ പ്രധാന ഉത്സവം. ഇതിനുപുറമേ മിഥുനമാസത്തലെ അനിഴം നാളിൽ ശ്രീ കിരാതമൂർത്തി ക്ഷേത്രത്തിലും മിഥുനമാസത്തിലെ പുണർതം നാളിൽ ശ്രീമഹാവിഷ്ണു ക്ഷേത്രത്തിലും പ്രതിഷ്ഠാ മഹോത്സവങ്ങൾ , ഗുരുവായൂർ ഏകാദശി,ശ്രീകൃഷ്ണജയന്തി, മഹാനവമി,വിജയദശമി, കാർത്തികവിളക്ക്, ഗണേശോത്സവം, നിറപുത്തരി, നാഗപൂജ, മണ്ഡലകാല പ്രത്യേകപൂജകൾ തുടങ്ങി വ്യത്യസ്തമായ ആഘോഷങ്ങൾ സംഘടിപ്പിക്കുന്നു.