A1 Report - Masakra, Luiza Xhuvani lë mandatin: Drejtësia le të veprojë скачать в хорошем качестве

A1 Report - Masakra, Luiza Xhuvani lë mandatin: Drejtësia le të veprojë

TIRANE- Deputetja e Partisë Socialiste Luiza Xhuvani i ka dorëzuar kryeministrit Rama dorëheqjen nga mandati i saj i deputetes në Sarandë, pas masakrës në Tiranë ku katër persona humbën jetën, ndërsa për këtë është arrestuar dhe djali i saj, Konstandin Xhuvani, si i dyshuari kryesor për ngjarjen. Mes lotësh e dhimbjes si nënë, e veshur në të zeza Luiza Xhuvani kërkoi që drejtësia të veprojë ashtu siç e parashikon ligji. Duke shprehur qëndrimin e tij për ngjarjen, kryeministri Rama tha se në 23 qershor ka përfunduar koha kur kishte një shtet për fëmijët e politikanëve dhe shtet për të tjerët. Duke e vlerësuar si grua, artiste, por edhe politikane, Luiza Xhuvanin, Rama tha se ajo është shembulli i etikës në politikë, dhe “Dorëheqja e Luizës t’i vlejë politikanëve e gjykatësve”. Kreu i qeverisë tha se ngjarja e rëndë e ndodhur mëngjesin e sotëm, ka prekur të gjitha familjet shqiptare, ndërsa duke theksuar se ligji është i barabartë për të gjithë tha se “Kostandin Xhuvani do ta ketë shumë të gjatë rrugën e kthimit në shtëpi”. “Fjalët nuk mjaftojnë për të shprehur dhimbjen për atë që ka ndodhur sot, ku 4 familje vajtojnë bijtë e tyre. Dhimbja e një nëne që e ka të pamundur të marrë përsipër fajin e së birit. E kuptoj që më e lehta sot është të fajësojmë prindërit, por Konstandini nuk është një fëmijë, por është një burrë. Edhe unë e dhe Gjergji përfaqësojmë një familje që nuk ka asnjë lidhje me krimin. Çdo prind dëshiron më të mirën për fëmijën e vet, por me sa duket kemi qenë të pafat në këtë drejtim. Ngjarja që ndodhur mëngjesin e sotëm është tragjike. Kjo nuk ka lidhje me familjen e Kostandinit, as me prindërit e tij, as me mandatin që nëna e tij përfaqëson. Janë 4 familje që sot vajtojnë humbjen e njerëzve më të shtrenjtë, dhe kërkojnë drejtësi, dhe drejtësia duhet të bëjë drejtësi, e duhet t’i trajtojë të gjithë si të barabartë përpara ligjit. Kush është prind më kupton, kush është nënë më kupton edhe më mirë. Kostandini është djali im, e pavarësisht të gjithave, ai do të mbetet djali im, e një nënë duhet të jetë në krah të djalit të saj. Për t’i hequr çdo lloj alibie çdo kujt që mendon se ligji nuk është i barabartë, në pamundësi për t’i shërbyer zonës që përfaqësoj, kam kërkuar dorëheqjen si deputete e rrethit të Sarandës. Mos i ndodhtë asnjë prindi ajo që më ka ndodhur mua, e mos i ndordhte akujt ajo tragjedi që i ka ndodhur këtyre familjeve. Jam nëna e Konstandini dhe ai do të jetë gjithmonë biri im, se ai është gjaku im. Po tërhiqem me peshë të parehabilitueshme në shpirt. Drejtësia le të bëjë drejtësi”, u shpreh Xhuvani mes lotësh në një konferencë shtypi me kryeministrin Edi Rama. - See more at: http://www.shqiptarja.com/home/1/masa...