Meri Duain Qabool Nehi Hoti Hakeem Muhammad Tariq скачать в хорошем качестве

Meri Duain Qabool Nehi Hoti Hakeem Muhammad Tariq

میری دعائیں قبول نہیں ہوتیں۔۔۔؟ کہتاہے میری دعائیں قبول نہیں ہوتیں، بڑے وظیفے میں نے پڑھے ، میں نے بڑی تسبیحاں پڑھیں، میں نے بیرون ملک جاناتھا ، میری بیٹی کی شادی ہونی تھی، مجھے فلاں نوکری اورفلاں جاب چاہیے تھی، میری دُعاقبول نہیں ہوتی۔ سن لیجئے اگریہ دیکھنی ہے آنکھوں سے آج دیکھادیتاہوں۔ اللہ کی قسم آنکھوں سے دیکھیں۔ کہتاہے میری دعائیں قبول نہیں ہوتی مجھے نوکری نہیں ملی۔ میرے بیٹے کی شادی، میرا بڑاگھر، میرے فلاں فلاں مسائل حل نہیں ہوئے۔ میں کہتاہوں حل ہوئے ہیں لیکن اس کااندازمختلف ہے ۔ میں آنکھوں سے دیکھنا چاہتاہوں وہ بھی بتادیتاہوں پہلے یہ بتادؤں۔ فرمایا ہردُعاگناہگارسے گناہگارکی، بدکارسے بدکار آدمی، حتی ٰ کہ اللہ کونہ ماننے والا، مدینے ﷺ والے کوناماننے والا، غیرمسلم ہے اس کی بھی قبول ہوتی ہے اس کی شکل یہ ہے کہ کوئی آنے والی بلا، وباء ایسی ہوتی ہے کہ جس کویہ اندھاکردے، لولاکردے، کاناکردے، اس کابیٹاچھین کراس کی لاش اس کے ہاتھ میں دے دے، اب اپنے ہاتھوں سے اس کو دبایاچتاکوجلا یا ایسے اندازمیں کوئی بلائیں آئیں۔ پریشانیاں آئیں اوراس کو ایک پل میں پاگل کردیں، بے گھرکردیں، اس کاتن سے لباس ہٹا دیں، وہ دعائیں اس کوڈھانکیں رکھتی ہیں ان بلاؤں سے دُوررکھتی ہیں۔ کونسی دعائیں، وہ دعائیں جو کہتاہے میری قبول نہیں ہوئیں۔ اللہ اس کاصلہ یوں دیتا۔ دروازے پہ صدادینے والے کو خیرات نہ دی تومجھے سخی نہیں کہے گااورمیرا رب سخیوں کاسخی، جہاں سے غیرت خود نکلی ہے۔ غیرت اللہ کے خزانوں سے آئی ہے، حیا کہاں سے آئی ہے، جس کے دَرسے غیرت نکلی ہے جس کے دَرسے ہمیں حیاملا ہے وہ کریم کتنا غیرت اورحیاوالا ہوگا اورہے کہ میرا بندہ میرے دروازے کھٹکھٹارہا، اعمال کررہا، مناجات کررہا، فریادی بناہوا اورمیں اس کوخالی واپس بھیج دوں ، نہیں دوں گا۔ یہ نہیں تواس کے حق میں بہتر۔ بدلے میں جاتیری فلاں مصیبت دُورکردی، فلاں مسئلہ حل کردیا۔ جومیں نے ابھی کہاہے کہ آپ کو آنکھوں سے دیکھاؤں گا اس کابھی طریقہ بتادیتاہوں۔ میرے پاس ایک صاحب آئے اورآڑ گئے کہ میرافلاں مسئلہ حل نہیں ہوا۔ میں نے کہا تیرافلاں مسئلہ حل ہوا، اس نے کہا ہوا، پھرکہے مجھے کچھ نہیں ملا، میں نے بیرون ملک جاناہے میرا و یزہ نہیں لگا۔ میں نے کہا اللہ کے بندے اس میں خیرہوگی، اس نے کہا اللہ چاہے اس میں خیر ڈال دے ۔ میں کہوں، اس میں کوئی بہتری ہوگی کہے اسی جانے میں بہتری ہے۔ پھرمیں نے اس کووہ وظیفہ بتایاجو بتاتاہوں۔ میں نے کہا پڑھ یَاعَلِیْمُ عَلِّمْنِیْ یَا خَبِیْرٌ اَخْبِرْنِیْ یَاوَھَّابُ ھَبْ لِی مِنْ اِسْرَارِالدٌنْیَاوَالْآخِرَہ میں نے کہا روز رات کو ایک تسبیح دھیان توجہ ،خشوغ وخضوع سے پڑھ کر تصورسے توجہ سے پڑھ کردیکھ اوررب سے کہہ کہ یااللہ تونے میری فلاں دُعاقبول نہیں کی مجھے تیری حکمتوں کو، میں نے کہا اللہ کو ایک دلیل بھی دے دینا اورآپ بھی دے دینا۔ ابراہیم علیہ السلام نے فرمایا اللہ ٹھیک ہے مجھے یقین ہے تومارکرزندہ کرے گا پرمجھے دیکھا تودے۔ تیسرے پارے میں سورہ بقرہ میں ہے۔ روز ایک تسبیح پڑھ اورسوجااللہ پاک جلد تجھے غیب کے خزانوں سے دیکھائیں گے۔ تسلی کے لیے۔ اس نے پڑھنا شروع کردیا وہ تھا دیوانہ ۔ کرتے کرتے مجھے ایک دفعہ آکرکاغذپکڑادیا اورعجب بات بتائی۔ اس نے لکھا کہ میں نے دیکھا کہ میں کھجور پہ چڑھا ہوا ہوں اورمیں کھجورپہ چڑھا کراس میں سے کھجوریں چنتاہوں اوراس میں سے کچھ کھجوریں کھا لیں۔ پھرمیرے دل میں خیال آیا کہ میں اس کو چیک کروں اس میں کیڑاتونہیں ہے ۔ میں نے کھولا اس میں سارے کیڑے تھے، میں توکھاگیا۔ نیچے ایک بندہ کھڑاتھا کہنے لگاکہ شکرکرتیری دعائیں تیرے کام آگئیں ورنہ جتنی توکھجوریں کھاگیا ایک کھجورکھاکر مرجاتاہے میرے تین بھائی اس کھجورکوکھاکرمرگئے توبہت ساری کھاگیاتیری دعائیں تیرے کام آگئیں اس لیے وہ جو اندرکیڑے تھے دعاؤں نے ان کو ماردیا ہے اورتیری دعائیں کام آگئی ہیں شکرکر۔ اس نے کہا میں نے یہ خواب دیکھا میں نے کہا ابھی بھی توعقل کااندھاہے اللہ تجھے آنکھوں سے دیکھا رہا ہے۔ کتنی مصیبتیں، کتنے دُکھ، کتنی پریشانیاں، قریب آتی ہیں ، دعاؤں ان کو دورکردیتی ہیں۔ کیوں کہتاہے بال بال بچا، کوئی ہاتھ کادیا کام آیا ، کوئی دعاکام آئی۔