九龍城寨之圍城 無雷影評 十年內最出色武打片 重現港產片巔峰水準 2024必睇推介 скачать в хорошем качестве

九龍城寨之圍城 無雷影評 十年內最出色武打片 重現港產片巔峰水準 2024必睇推介

九龍城寨之圍城 無雷影評 十年內最出色武打片 重現港產片巔峰水準 2024必睇推介 請支持《十二紙》訂閱YouTube:    / @poweruphk   Follow《十二紙》IG:   / 12paper.hk   前言： 九龍城寨係唔同年代香港嘅縮影。 裡面嘅人憑自己嘅毅力、努力，築起各自的一個家，而每一個家又緊扣在一起，守望相助，建構起一個寨魂。 三不管之地有可能維持治安與穩定嗎？裡面自有一套秩序，有些隱世無名之輩，以私了去守護居民，這一切也許不是正途正道，但紀律原來不一定靠紀律部隊去維持，以民護民不代表治安倒退。 故事大綱： 狄秋（任賢齊）因為上一代恩怨，破壞江湖秩序，引果欄黑社會大老板（洪金寶）入城寨，一個動作，注定被人有機可乘搶奪家園，將城寨變夜總會，想歌舞升平，馬照跑舞照跳，夜夜繽紛。實際卻係王九（伍允龍）陰濕小人日日意欲謀朝篡位，最後城寨變天。 陰險歹毒會傳染，仁心俠義也會承傳，江湖新一代陳洛軍（林峯）、信一（劉俊謙）、十二少（胡子彤）、四仔（張文傑），就在上一代龍頭城寨守護者龍捲風（古天樂）耳濡目染下，盡得俠義心腸，以守護城寨為己任。 到底被仆街黑社會染指嘅九龍城寨，能否光復呢？留待觀眾入場找答案。 古老闆之寄望： 講到《九龍城寨之圍城》，當然一定要講天下一電影公司嘅老闆古天樂。如果《明日戰記》係古天樂一完自己科幻電影夢嘅作品，咁今次《九龍城寨之圍城》就係一套，佢用嚟對香港電影圈嘅寄語嘅作品。佢以呢套電影同香港嘅觀眾講，香港電影需要世代交替，需要薪火相傳，故事嘅選角，就好似係佢對於香港電影嘅寄望嘅一個縮影。 套戲裏面有好多上一代非常注目嘅電影超級明星，洪金寶、古天樂、任賢齊等等… 喺其他嘅港產片裏面，呢一班藝人，雖然已經全部年過50，但係仍然演繹年華正盛嘅男主角。不過喺《九龍城寨之圍城》裏面，導演就刻意將呢一班演員，完全飾演佢應該擁有嘅年紀，甚至老化佢哋，唔再俾呢一班票房有一定保證，上一代享負盛名嘅演員霸佔住主角光環。相反，導演係利用佢哋，帶出新一代香港男影星，無論上一代如何風光，亦都不得不正視歲月嘅過去，係時候要交棒比下一代，作出世代嘅傳承。 絕代功夫電影： 我夠膽寓言，下一屆香港電影金像獎最佳武術指導必然係《九龍城寨之圍城》，因為唔好話今年，我夠膽講近10年你都無見過打得咁狂，打得咁盡、狠、勁、爽、快通通發揮得淋漓盡致！每一拳你都感受到其他演員中拳嘅痛，嗰種真實感。還有由於其作品為武打小說亦被漫畫化過，所以電影裡嘅技擊格闘更是混入了一點漫畫式誇張，令功夫武術感更放大，每場打闘都目不暇給。將失落已久嘅絕代經典港產功夫片藝術，完完全全重現，再展武術指導嘅顛峰技藝。 國際級美指、視覺： 由電影第一個鏡頭，一座獅子山再延伸往那個還未發展成熟，人口過於密集而落後的發展中香港，每一個細節，每一寸陳設，都係細緻得誇張。《金手指》嘅紫醉金迷，也許你會覺重回昔日風光香港歲月，但總會有種美化濾鏡重手了的感覺，但《九龍城寨之圍城》是絕對的恰到樂處，而且嗰種細節，配合電影找來真正會昔日手藝及生活感嘅臨時演員加入，將演員與場景絕對100%地融合，觀眾唔會有一刻跳出那個九龍城寨的時空，是真真正正嘅國際級電影水準。 結語： 《九龍城寨之圍城》腫編會如此高度推介，並非因為佢係大品牌天下一電影、並非因為大曬金錢製作。而係因為佢好認真、好用心咁去研究原著小說，去對城寨做足資料搜集做足功課，將一個只有香港嘅奇特歴史而產生出的傳奇，賦予一個意義非凡嘅故事。 初出茅廬嘅小子，由一無所有，到可以憑毅力得到一個家、打出一片天。亦如電影結尾所言，香港真係變得好快，看著那個夕陽西下，身後就是快將清拆嘅九龍城寨，那個大家努力建立混亂又微小嘅家 ，九龍城寨終究都會喺歴史長河裡走向終結，但那群獅子山下嘅年輕人，一定不會放棄，會繼續努力築起下一個家，再努力去建立及守護它。 只要努力、只要心中正氣長存、只要無忘初心，心中有城寨，那裡都是城寨。城寨居民加油！ 《九龍城寨之圍城》 小齊以為今次做大佬唔使打，點知第一日開工已經同德斌、林峯打到飛起！ 另外黃德斌今次盲眼大佬造型十分特別，仲會耍出虎鶴雙形拳！而原來德斌細個都住過喺城寨附近，對城寨充滿好奇心，但入到去時又好驚冇行太入，今次多得美術組細心建構出價值3億的九龍城寨，德斌面對細緻場景都勾起幕幕小時候嘅寶貴回憶！ 封面插畫：Childe Abaddon 影片插畫推介：Childe Abaddon、Man僧、Pen So、Jackson Ng #九龍城寨之圍城 #古天樂 #洪金寶 #任賢齊 #林峯 #劉俊謙 #黃德斌 #伍允龍 #胡子彤 #張文傑 #廖子妤 #寰亞電影 #無限動力 #天下一電影 #銀都機構 #洲立影片 【監製】#莊澄 #葉偉信 【導演】#鄭保瑞【動作指導】#谷垣健治 【編劇】#歐健兒 #陳大利 #岑君茜 #黎俊 【原著小說改編】#余兒【漫畫】#司徒劍僑 【美術總監】#麥國強