Ngapali Beach Vlog: Real life Fishing Village; Rakhine, Thandwe, Myanmar ရခိုင် ငပလီ တံငါရွာ မြန်မာ скачать в хорошем качестве

Ngapali Beach Vlog: Real life Fishing Village; Rakhine, Thandwe, Myanmar ရခိုင် ငပလီ တံငါရွာ မြန်မာ

#Ngapali #ngapalibeach #rakhine #Myanmar #fishingvillage #fishing #fisherman #realife @2023 I upload original sounds and colors to make you feel the real-life taste of them. သာလီစွပါ။ ဂျူးရဲ့ ငပလီခရီးက ဗီဒီယိုအရှည်လေးကို ကိုယ်တိုင် ၁၂ နာရီကြာ ကားစီးရတဲ့ဒုက္ခမခံစားရဘဲ (နည်းနည်းဖြစ်ဖြစ်) တကယ်ရောက်သွားရသလို ခံစားရနိုင်အောင် သဘာဝအသံ၊ သဘာဝအရောင်လေးအတိုင်း edit ဆက်ထားပါတယ်။ ငပလီ ဂျိတ်တောက တံငါရွာကို မရောက်ဖူးသေးသူတွေ ဂျူး ၅ ရက်သွားပြီး ၃ မနက်ရိုက်ခဲ့တာတွေကို အချိန် ၉ မိနစ်လောက်နဲ့ အလည်လိုက်ကြည့်ဖို့ ဖိတ်ခေါ်ပါရစေ... ဂျူးတွေ့ခဲ့ရသလောက်... ရေလုပ်သားတွေဟာ ညဘက်မှာ လှေနဲ့ငါးသွားဖမ်းကြတယ်။ သူတို့ငါးဖမ်းလှေလေးတွေကို ညဘက်ဆို မီးစိမ်းစိမ်းလေးတွေအဖြစ် ကမ်းစပ်ကနေလှမ်းတွေ့နိုင်မှာပါ။ မနက် ၆ နာရီကျော်ဆို ကမ်းစပ်မှာ အမျိုးသမီးတွေက ငါးလှမ်းမယ့် အခင်းတွေကို ရေဆေးကြပြီး ခင်းကျင်းကြတယ်။ မနက် ၇ မတိုင်ခင် လှေတစ်စီးပြီးတစ်စီး ကပ်လာပြီး ‌ရေလုပ်သားတွေက ငါးတောင်းတွေသယ်လာချပြီး ချိန်ကြ အမျိုးအစားခွဲကြ ငွေရှင်းကြနဲ့။ ငါးလှမ်းသူက လှမ်း၊ ဧည့်သည်တွေက စိတ်ကြိုက်လက်ညှိုးထိုးဝယ်သူကဝယ်၊ ကလေးငယ်လေးတွေက မိဘနား ဆော့ကစားနေပြီး ခွေးကလေးတွေကလည်း (အားကျချင်စရာကောင်းလောက်အောင်) ခုန်ပေါက်ရင်းပေါ့။ ဒေသခံတွေက လူစိမ်းတွေကို အပြုံးချိုချိုနဲ့ မကြိုတတ်ပေမယ့် ရိုးရှင်းတဲ့စိတ်ရင်းတွေကို အထင်းသားမြင်ရပါတယ်။ သိရသလောက်တော့ တချို့က သံတွဲကပေမယ့် တချို့ကျတော့ (ရခိုင်) မြောက်ပိုင်းက လာကြပါတယ်တဲ့။ မြန်မာလို ဝဲတဲတဲလေးတွေဆို သံတွဲဒေသခံများပြီး ရခိုင်သံပီပီသသကြီးတွေဆို တခြားနေရာက ပြောင်းလာကြသူတွေပါတဲ့လေ။ ဂျူးက ရခိုင်လိုပြောပေမယ့် ဗမာလိုပြန်ဖြေတဲ့သူက ဖြေ၊ ရခိုင်အချင်းချင်းမှန်းသိတော့ စကားတွေ ပိုပြောကြတယ်။ ရေလုပ်သားလေးတွေကလည်း ကင်မရာတကားကားနဲ့ ဂျူးကို နည်းနည်းစပ်စုရင်း မိတ်ဆက်ကြပြီး ဂျူး page လေးတောင် ကြော်ငြာဝင်ခဲ့သေး။ တချို့ကတော့လည်း ပုံပို့ပေးမယ်ဆိုပြီး ဖုန်းနံပါတ်တောင်းတာ ဖုန်းမရှိလို့ မသိလို့ မရခဲ့သူတွေလည်းရှိတယ်။ ဘာပဲဖြစ်ဖြစ် အေးချမ်းတဲ့အခါဖြစ်ဖြစ် မြို့ပေါ်မှာ စိတ်မွန်းကြပ်လွန်းလာတဲ့အခါဖြစ်ဖြစ် ငပလီရောက်ရင် တံငါရွာလေးဘက်ကို ကိုယ်တိုင်သွားပြီး ပင်လယ်စာ လတ်လတ်ဆတ်ဆတ်တွေ ဝယ်နိုင်ပါကြောင်းပြောကြားရင်း ငပလီဗီဒီယို အပိုင်းရှည်လေးကနေ နှုတ်ဆက်လိုက်ပါတယ်။ တာ့တာ။