🌱 አርኅው ኆኃተ መኳንንት 🌱 скачать в хорошем качестве

🌱 አርኅው ኆኃተ መኳንንት 🌱

🌱 አርኅው ኆኃተ መኳንንት 🌱 በቤተ ክርስቲያናችን ሥርዓት መሰረት በዕለተ ሆሳዕና የሚቀደሰው #ቅዳሴ_ጎርጎርዮስ ነው ። በዚች ዕለት ካህናቱ እንደተለመደው በምሥራቅ በር በኩል ሳይሆን #በምዕራብ_በር በኩል ቅዳሴ ይገባሉ ። በሰማይ የሚገኙ ድል የነሱ ቅዱሳን የድል ምልክት አድርገው በእጆቻቸው #ዘንባባ እንደሚይዙ ሁሉ ፤ በኢየሱስ ህማማትና ሞት የድል ተካፋዮች የትንሳኤ ህዝቦች ነን ሲሉ በዚች ዕለት ካህናቱ ዲያቆናቱና ሕዝቡ የዘንባባ ዝንጣፊ ይዘን ወደ ቤተ መቅደስ ይገባሉ ። ራዕ 7 : 9 ዲያቆናቱና ህዝቡ #በውጪ ቆመው፤ ካህናቱ የቤተክርስቲያኑን በር ዘግተው #በውስጥ ሆነው በመቀባበል ያዜማሉ። #ሰራዒው_ዲያቆን ከፊት  በስተምዕራብ በኩል ባለው በተዘጋው የቤተ መቅደስ በር ፊት ለፊት ቆሞ ሦስት ጊዜ በዕዝል ዜማ እንዲህ ይላል ። 📌 አርኅዉ ኆኃተ መኳንንት X3 ( መኳንንት በሮችን ክፈቱ ) ይላል ። #ካህኑም ከቤተ መቅደሱ ውስጥ ሆኖ ፤ ፊቱን ወደ ምዕራብ አዙሮ ፤ በተዘጋው የቤተ መቅደስ በር ላይ ቆሞ ከውስጥ በመቀበል እንዲህ ይላል ! 📌 መኑ ውእቱ ዝንቱ ንጉሠ ስብሐት X2 ( ይሄ የክብር ንጉሥ ማን ነው ? ) ብሎ ይጠይቃል ። ሰራዒው ዲያቆን በድጋሜ እንዲህ ይላል ! 📌 አርኅዉ ኆኃተ መኳንንት X3 ( መኳንንት በሮችን ክፈቱ ) ይላል ። ከዛም ካህኑ በድጋሜ እንዲህ ይላል ! 📌 መኑ ውእቱ ዝንቱ ንጉሠ ስብሐት ! X2 ( ይሄ የክብር ንጉሥ ማን ነው ? ) ብሎ ይጠይቃል ። ዲያቆኑ እንዲህ ብሎ ለካህኑ መልስ ይሰጣል ! 📌 እግዚአብሔር አምላከ ኃያላን ውእቱ ዝንቱ ንጉሠ ስብሐት! X2 ( የኃያላን አምላክ እግዚአብሔር እርሱ የክብር ንጉስ ነውና መኳንንት በሮችን /ደጆችን/ ክፍቱ ) ይላል ። ከዚህ በኋላ ካህኑ የቤተ መቅደሱን መዝጊያ #እየከፈተ እንዲህ ይላል ! 📌 " ይባዕ ንጉሠ ስብሐት ይባዕ አምላከ ምሕረት " ( የክብር ንጉስ ይግባ ፣ የምህረት አምላክ ይግባ ) ይላል ። ከዚህ በኋላ እንደተለመደው የቅዳሴው ጸሎት ተደርጎ የቁርባን ሥርዓት ይፈጸማል ። ወዳጄ ፊልጶስ እንዳለ ይሄንን ሰማያዊ ሥርዓት #መተህ_ካላየህ ሰምተህ / አንብበህ / ብቻ አትረዳውም ! " እናንት መኳንንቶች በሮችን ክፈቱ፥ የዘላለም ደጆችም ይከፈቱ፥ የክብርም ንጉሥ ይግባ። ይህ የክብር ንጉሥ ማን ነው? እግዚአብሔር ነው ብርቱና ኃያል፥ እግዚአብሔር ነው፥ በሰልፍ ኃያል። እናንተ መኳንንቶች፥ በሮችን ክፈቱ፥ የዘላለም ደጆችም ይከፈቱ፥ የክብርም ንጉሥ ይግባ። ይህ የክብር ንጉሥ ማን ነው? የጭፍሮች አምላክ እግዚአብሔር፥ እርሱ የክብር ንጉሥ ነው። " መዝ 24 : 7 - 10 👉 ተዋህዶ የቤተ መቅደስ ደጃፎቿን #ለኢየሱስ ብቻ የምትከፍት ቤተ ክርስቲያን !