Скачать с ютуб 情人節前考網友「1+1x0=幾」 黎天王開po引5千幾人爭5條頸鍊 в хорошем качестве

情人節前考網友「1+1x0=幾」 黎天王開po引5千幾人爭5條頸鍊

(14日)就係情人節喇，有情人嘅男士們準備好送咩情人節禮物俾另一半呢，未諗到?唔緊要，黎天王(黎明)為5為幸運兒準備好情人節禮物，仲拍埋片上載到自己嘅fb專頁教大家如何獲得由佢送出嘅情人節禮物------就係答啱問題喇。 黎天王喺噚日(12日)在自己fb專頁中上載咗一條影住一堆Tiffany飾物的短片，黎天王雖然冇喺短片中露面，不過佢有為片段旁述，除咗祝大家情人節快樂外，黎天王亦有喺短片中話，要將片段中的頸鍊送俾網友，但首先要答啱佢問嘅問題:「1+1x0=幾多?」佢更加表示，會親自回覆答啱問題嘅網友「答完我，我inbox你」。呢段短片更以由黎天王主演，並喺2月尾上映的電影《消失的愛人》主題曲為背景音樂，宣傳味道好濃喎! 此po一出必火，由開po到依家唔夠1日，已經有超過5千個留言答黎天王問題，反應非常踴躍;絕大部份人都係答1，但都有唔同嘅答案，例如「I do」、「1 又得 0又得」，甚至有人答「LEON」。不過答案係乜，Leon仲未開估，但就已經有答咗問題嘅朋友留言話Leon仲未inbox佢。其實到底係答咗就inbox定答啱先inbox，黎天王喺片段中就無講清楚喇。 四大天王中，其實黎明一向以文靜、斯文靚仔作賣點，但現年49歲嘅佢自從被網友封為「金句王」後，就開始豁出去走幽默搞笑路線。除咗經常爆出冇厘頭金句，近月佢更將手臂伸延至社交平台Facebook，開設個人fb專頁，更經常更新專頁，po搞笑短片。好似佢早前就惡搞咗一段四大天王嘅賀年短片;上個月佢又上載過一段自己一路揸車一路rap並爆出金句「鍾意就鍾意，唔鍾意就唔鍾意，唔好講咩l-i-k-e」，勁抵死！不過最估唔到嘅係黎明喺自己fb專頁入面，share咗早前瓊姐恥笑《消失的愛人》嘅海報嗰個post，仲留言：「多謝你咁留意我。」難怪連導演黃真真都話黎天王「成日都出人意表」啦。