Orol dengizi. 26.10.2025 скачать в хорошем качестве

Orol dengizi. 26.10.2025

Orolga borishni qoraqalpoq yozuvchisi To‘lapbergan Qayipberganovning “Mamanbiy afsonasi” asarida bolsheviklar kelishidan oldingi hayot, Orolbo‘yi odamlari, ularning shijoati va og‘rig‘i haqidagi manzaralarni o'qiganimdan beri orzu qilib kelardim. Keyinchalik dengiz haqidagi eshitganlarim va ko'rganlarim bu joyni o‘z ko'zim bilan ko'rishim kerakligi haqidagi maqsadimni qat'iylashtirdi. Vaqtim bemalol bo‘lgani uchun Toshkentdan Nukusgacha avtobusda bordim. Nukusdan erta tongda, soat 4 da Sherzod aka va amerikalik sayyoh Daniel bilan yo‘lga chiqdik. Muynoqqacha 200 km, taxminan uch soatlik yo‘l. Qiziq tomoni — ob-havo men kutganchalik og‘irmas, aksincha toza va yoqimli tuyuldi. Balki yomg‘ir yog‘ib o‘tganidan bo‘lsa kerak. Orol haqida internetda ma'lumot ko'p, lekin dengiz o'rnidagi cho'l va saksovulzor oralab, suvgacha yetib borish umuman boshqacha tuyg'u. Qachonlardir dunyodagi eng katta ko‘llardan biri bo‘lgan Orolning bugungi holati og‘riqli, lekin hali qolgan suv qismi ham bahaybat — qaraganingda oxiri ko‘rinmaydi.