မအူနယ်မြေရဲစခန်းကို ရေစကြို(ပ.က.ဖ) နှင့် မဟာမိတ်ပူးပေါင်းတပ်ဖွဲ့တို့ ပူးပေါင်း သိမ်းပိုက် скачать в хорошем качестве

မအူနယ်မြေရဲစခန်းကို ရေစကြို(ပ.က.ဖ) နှင့် မဟာမိတ်ပူးပေါင်းတပ်ဖွဲ့တို့ ပူးပေါင်း သိမ်းပိုက်

ရေစကြိုမြို့နယ် မအူနယ်မြေရဲစခန်းကို ရေစကြို(ပ.က.ဖ) နှင့် မဟာမိတ်ပူးပေါင်းတပ်ဖွဲ့တို့ ပူးပေါင်း သိမ်းပိုက် ၂၄ ဩဂုတ် ၂၀၂၄ ရေစကြိုမြို့နယ် မအူနယ်မြေရဲစခန်းအား ၂၀၂၄ ခုနှစ် ဇူလိုင်လ (၂၅) ရက်နေ့မှ စတင်၍ ပြည်သူ့ကာကွယ်ရေးတပ်ဖွဲ့ - ရေစကြို(ပ.က.ဖ) နှင့်အတူ မဟာမိတ်ပူးပေါင်းတပ်ဖွဲ့များဖြစ်သော Salingyi Special Task Force(SSTF)၊ မြိုင်(ပ.က.ဖ)၊ နွေဦးစစ်သည်ရေလယ်ကျွန်းဒေသစစ်ကြောင်း တို့နှင့် ပိတ်ဆို့ တိုက်ခိုက်ခဲ့ပါသည်။ ထို့နောက် ယနေ့ ၂၀၂၄ ခုနှစ် ဩဂုတ်လ (၂၄) ရက်နေ့ နံနက် ၂ နာရီ အချိန်မှ စတင်၍ အဆိုပါ မအူစခန်းအား ထိုးစစ်ဆင်တိုက်ခိုက်ခဲ့ရာ ၂ နာရီကျော်ကြာတိုက်ခိုက်ပြီးနောက်တွင် မအူနယ်မြေရဲစခန်းအား အပြီးသတ်တိုက်ခိုက်သိမ်းပိုက်နိုင်ခဲ့ပါသည်။ စခန်းအတွင်းရှိ Jammer စက်ကြီးတလုံး၊ M79 တလက်၊ ၆၀ မမ ၆ လုံး၊ အီနာဂါ ၄ လုံး၊ G3 ကျည် ၂၈၀ တောင့်၊ ၉မမ ကျည် ၅၀ တောင့်၊ ရှေ့ထွက်မိုင်း ၄ လုံး၊ မီးစက် ၁ လုံး၊ ဘထ္ထရီအိုး ၂ လုံး နှင့် အခြားသော ပစ္စည်းများ သိမ်းဆည်းရရှိခဲ့ပါသည်။ ပြည်သူ့ကာကွယ်ရေးရဲဘော်များအနေဖြင့် စခန်းကို ဖျက်စီးပြီး အထိအခိုက်မရှိဘဲ ပြန်လည်ဆုတ်ခွာနိုင်ခဲ့ပါသည်။ ယနေ့ စစ်ရေးဖော်ဆောင်မှုကို ပြည်သူ့ကာကွယ်ရေးတပ်ဖွဲ့ - ရေစကြိုမြို့နယ်(ပ.က.ဖ) နှင့် အတူ ပခုက္ကူခရိုင် အမှတ်(၉) တပ်ရင်းတို့ ပူးပေါင်းဆောင်ရွက်ခဲ့သည်ဟု သိရှိရပါသည်။