İsrail Türkiyəni vursa, nə baş verəcək? скачать в хорошем качестве

İsrail Türkiyəni vursa, nə baş verəcək?

Beləliklə, Qətər 2023-cü ilin oktyabrından bəri İsrailin hücumuna məruz qalan altıncı ölkə oldu. Netanyahu hələ o zaman demişdi ki, HƏMAS-la mübarizə dünyanın hər yerində aparılacaq. İsrail o vaxtdan Qəzzaya, Livan, Yəmən, Suriya və İrana zərbələr endirib. Hətta ötən il Tehranın mərkəzində HƏMAS lideri İsmayıl Haniyəni öldürüb. Lakin bu ölkələrə hücum dünyada bu qədər rezonans yaratmayıb. Qətər son 20 ildə müxtəlif siyasi məsələlər üzrə danışıqların aparıldığı ölkədir. Elə İsraillə HƏMAS arasında da danışıqlar Dohada baş tuturdu. İsrailin zərbəsi ilə bu danışıqlar formatı dağıldı. 2023-cü ildən İsrailin Qəzzada əməliyyatları davam edir. Əslində bu, artıq hərbi əməliyyat olmaqdan çoxdan çıxıb. Qəzzalılar üçün sağ qalmaq yalnız bombadan qaçmaq deyil, bir qab yemək tapa bilməkdir. Bütün bunlara susan dünya üçün İsrailin Qətərə hücumu əslində təəccüblü olmamalı idi. Bəs bundan sonra nə olacaq? Qətər İsrailə cavab verəcəkmi? İsrailin regional hegemona çevrilməsindən narahat olan Ərəb dövlətləri hansısa addım atacaqmı? Bu suallara cavab axtarılarkən Netanyahu hədələməkdə davam edir. Bu dəfə deyəsən həm də Türkiyəni. İndi ən narahatedici məqam budur: İsrail Türkiyəyə də hücum edə bilər. Türkiyə isə Qətər deyil. Bizi İzləyin: Whatsapp: https://bit.ly/457kdup Facebook: https://bit.ly/3H6GtMT Instagram: https://bit.ly/46wEkoi Teleqram: https://bit.ly/3INUKP2 Sayt: https://bit.ly/3UzGQme Copyright © İCTİMAİ TV