Përmirësohet gjendja e Aleksandër Pecit pas sulmit në Kandahar-(21 Shkurt 2012) скачать в хорошем качестве

Përmirësohet gjendja e Aleksandër Pecit pas sulmit në Kandahar-(21 Shkurt 2012)

Lajme Arkiva 2012 Gjendja shëndetësore e nën/tetarit Aleksandër Peci, i plagosur të hënën gjatë sulmit ndaj trupave speciale shqiptare në Kandahar, është përmirësuar ndjeshëm. Komandanti i Forcave Tokësore, Gjeneral Viktor Berdo, gjatë një deklarate për mediat, bëri me dije se pas ndërhyrjes kirurgjikale në Kandahar, parametrat jetësorë të 25-vjeçarit Peci, që ka marrë tre plumba në trup, është përmirësuar. Ai do të transportohet në Gjermani, në spitalin e bazës amerikane të Ramsteinit. Viktor Bërdo: “Gjendja shëndetësore e nën/tetarit Aleksandër Pecit vazhdon të përmirësohet pas ndërhyrjes kirurgjikale në spitalin ushtarak të bazës ajrore Kandahar Afganistan. Autoritetet ushtarake përgjegjëse të misionit ISAF po përmbyllin masat për transportimin e të plagosurit drejt Gjermanisë.” Gjatë të hënës, fillimisht autoritetet komanduese të ISAF njoftuan se nën/tetari Aleksandër Peci kishte humbur jetën. Por në mbrëmje, në një njoftim të dytë, ISAF lajmëroi se ai ishte në jetë. Në sulmin ndaj trupave speciale shqiptare mbeti i vrarë Kapiteni Feti Vogli dhe u plagos një tjetër efektiv i forcave aleate. Vogli ndërroi jetë gjatë transportit për në spital. Ministria e Mbrojtjes e ka shpallur atë Dëshmor të Kombit dhe po kujdeset për kthimin e trupit të tij në atdhe. Viktor Bërdo: “Varrimi i dëshmorit të atdheut, kapiten Feti Vogli do të bëhet në varrezat e dëshmorëve të kombit.”/tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/