ဘုတလင်မှာ စစ်အုပ်စု စစ်ကြောင်းထိုးတဲ့ ရွာတွေထဲ အလောင်းတွေ ထပ်တွေ့၊ скачать в хорошем качестве

ဘုတလင်မှာ စစ်အုပ်စု စစ်ကြောင်းထိုးတဲ့ ရွာတွေထဲ အလောင်းတွေ ထပ်တွေ့၊

ဘုန်းစိုး/ MFP ၊ နိုဝင်ဘာ - ၁၀ စစ်ကိုင်းတိုင်း၊ ဘုတလင်မြို့နယ်၊ သပြေပင်ရွာအနီးမှာ စစ်အုပ်စုက ဖမ်းဆီးခေါ်ဆောင်ပြီး သတ်ဖြတ် စွန့်ပစ်ခဲ့တဲ့ အလောင်း တစ်လောင်းကို နိုဝင်ဘာလ ၉ရက် ထပ်မံ တွေ့ရှိရတယ်လို့ ဒေသခံတွေက ပြောပါတယ်။ သေဆုံးသူဟာ သဖန်းကျေးရွာက အသက် ၅၀ အရွယ် ကိုတိုးတိုးမင်းဖြစ်တယ်ဆိုတာနဲ့ သူ့ကို ရွာခံတွေ တွေ့ရှိချိန်မှာတော့ လက်ပြန်ကြိုးတုပ်လျက်အနေအထား ဖြစ်ပြီး ရုပ်အလောင်းကလည်း ပုပ်ပွနေပြီလို့ ဆိုပါတယ်။ ဘုတလင်မြို့ရဲ့ အရှေ့ဘက်က အိမ်ခြေ ၂၆၀ ရှိတဲ့ သဖန်းကျေးရွာကို စစ်အုပ်စုက နို၀င်ဘာလ ၅ရက်က စတင်ကာ စီးနင်းပြီး ဒေသခံ ပြည်သူ တချို့ကို ဓားစာခံအဖြစ် ဖမ်းဆီးခဲ့ပါတယ်။ စစ်အုပ်စုဟာ သဖန်ကျေးရွာထဲ သုံးရက်ကြာ တပ်စွဲပြီး ထင်တိုင်းကျဲ ဖောက်ထွင်း လုယက် ဖျက်ဆီးကာ နို၀င်ဘာလ ၇ရက်မှာ ရွာကို တစ်နာရီကျော်ကြာ မီးရှို့ ဖျက်ဆီးပြီးနောက် ပြန်ထွက်သွားတာ ဖြစ်ပါတယ်။ နိုဝင်ဘာလ ၈ရက် မနက်ပိုင်း အဲ့ဒီ သဖန်းရွာထိပ်မှာ စစ်အုပ်စုက ဖမ်းဆီးပြီး သတ်ဖြတ်စွန့်ပစ်ခဲ့တဲ့ အသက် ၇၀ အရွယ် ဦးစန်းလွင်ရဲ့ အလောင်းကို တွေ့ရှိပြီး နိုဝင်ဘာလ ၉ရက် မနေ့က သဖန်းရွာနဲ့ သပြေပင်ရွာကြားမှာ စစ်အုပ်စုက ဖမ်းဆီးပြီး သတ်ဖြတ်စွန့်ပစ်ခဲ့တဲ့ အသက် ၅၀အရွယ် ကိုတိုးတိုးမင်းရဲ့ ရုပ်အလောင်းကို တွေ့ရတာလို့ ဒေသခံတစ်ဦး ပြောပါတယ်။ အောက်တိုဘာလကနေ ယနေ့အထိ ဘုတလင်မြို့နယ်က ဒေသခံ ၂၆ဦးကို စစ်အုပ်စု သတ်ဖြတ်ခဲ့ပြီး နေအိမ် ၅၀၀ကျော်ကို မီးရှို့ဖျက်ဆီးထားသလို ဓားစာခံ ဖမ်းခံရသူ ရာချီရှိနေပါတယ်။ MFP ရဲ့ သတင်း၊ ဆောင်းပါးနဲ့ ရုပ်သံတွေကို အောက်ပါချန်နယ်တွေမှာလည်း ကြည့်နိုင်ပါတယ်။ Website - https://mandalayfreepress.com Youtube -    / @mandalayfreepressmfp   Telegram - https://t.me/mandalayfreepress Facebook -   / mandalayfreepress   #Mandalay_Free_Press_MFP