ប្រវត្តិ ហ៊ូ យន់ និងការថ្លែងសុន្ទរកថានៅខេត្តកំពង់ស្ពឺ скачать в хорошем качестве

ប្រវត្តិ ហ៊ូ យន់ និងការថ្លែងសុន្ទរកថានៅខេត្តកំពង់ស្ពឺ

-យោងតាមសៀវភៅប្រវត្តិសាស្ត្រកម្ពុជា និងវរជនខ្មែរ និពន្ធដោយលោក សាគូ សាម៉ុត លោក ហ៊ូ យន់ ជាមេម្នាក់ នៃចលនាខ្មែរក្រហម គាត់កើតនៅឆ្នាំ១៩៣០ នៅខេត្តកំពង់ចាម មានមុខនាទីនយោបាយនៅចុងទសវត្សរ៍៦០ និង ពីឆ្នាំ១៩៧០ ដល់ឆ្នាំ១៩៧៥ ក្នុងសង្គ្រាម ៦ឆ្នាំនៅកម្ពុជា ដែលគាត់ស្ថិតនៅក្នុងជួរខ្មែរក្រហមជានិច្ច រហូតដល់ពេលគាត់ស្លាប់នៅឆ្នាំ១៩៧៥។ លោក ហ៊ូ យន់ ជាបញ្ញវន្តម្នាក់វាងវៃ មានចំណូលចិត្តទទួលគតិវិជ្ជាម៉ាក្ស តាំងពីយុវភាពម្ល៉េះ។ គាត់បានមកសិក្សានៅប៉ារីស ទសវត្សរ៍៥០ និងបានសេពគប់តែជាមួយពួកឆ្វេងនិយមដូចជា៖ សាឡុត ស (ប៉ុល ពត), អៀង សារី, ខៀវ សំផន, ហ៊ុយ នឹម …។ អ្នកទាំងនោះ បានបង្កើត «សមាគមនិស្សិតខ្មែរ» (A.E.K) ដែលមានមតិឆ្វេងជ្រុលនិយម ។ នៅឆ្នាំ១៩៥៥ លោក ហ៊ូ យន់ បានទទួលសញ្ញាប័ត្របណ្ឌិត និក្ខេបបទរបស់គាត់គឺ «ឋានៈអ្នកស្រែចម្ការនៃកម្ពុជា និងគម្រោងនគរវូបនីយកម្ម» (LA PAYSANNERIE DU CAMBODGE ET SES PROJETS DE MODERNISATION) ។ គាត់បានវិលត្រឡប់មកស្រុកខ្មែរនៅឆ្នាំ១៩៥៥ និងបានចូលជាសមាជិកគណបក្សសង្គមរាស្ត្រនិយម របស់សម្តេចសីហនុ។ គឺជាគណបក្សតែមួយគត់ អនុញ្ញាតឲ្យមានសកម្មភាព។ ក្នុងគណបក្សនេះ មានប្រជុំអ្នកនយោបាយមាននិន្នាការចម្រុះ៖ ឆ្វេង ស្ដាំ កណ្ដាល។ លោក ហ៊ូ យន់, ហ៊ុយ នឹម, ខៀវ សំផន ស្ថិតនៅក្នុង «ស្លាបឆ្វេងរបស់សង្គម» ដែលសម្តេច សីហនុ តែងតែនិយាយ ។ ដោយសារគុណសម្បត្តិចេះដឹងខាងសេដ្ឋកិច្ច និងនិន្នាការនយោបាយ លោក ហ៊ូ យន់ បានទទួលតំណែងជារដ្ឋលេខាធិការរបស់រាជរដ្ឋាភិបាលសង្គម ឆ្នាំ១៩៥៨ ក្រសួងពាណិជ្ជកម្ម និង ឧស្សាហកម្ម ក្រសួងថវិកាជាតិ ឆ្នាំ១៩៥៩ ក្រសួងផែនការ ក្រសួងសុខាភិបាលសាធារណៈ ឆ្នាំ១៩៦២ ក្រសួងហិរញ្ញវត្ថុ ក្រសួងផែនការ ។ ដូចជាបញ្ញវ័ន្តដទៃទៀតដែរ ដែលវិលពីស្រុកបារាំង អ្នកទាំងនោះ គ្មានបានទទួលតំណែងជារដ្ឋមន្ត្រីឡើយ ។ -ការចូលទស្សនារបស់បងប្អូន គឺជាកិត្តិយសរបស់ខ្ញុំបាទ ដែលជាអ្នកផលិត! ការពិតទៅ ខ្ញុំបាទមិនមែនជាអ្នកពូកែខាងប្រវត្តិសាស្រ្ដនោះទេ​ តែដោយចូលចិត្តប្រវត្តិសាស្រ្ដ ក៏ច្នៃអត្ថបទផ្សេងៗ ដែលខ្ញុំរកបានតាមរយៈ សៀវភៅ ឬក៏ពី Internet របស់អ្នកនិពន្ធជាន់ដើម ឬជាន់នេះ មកផលិតជាវីដេអូនេះឡើង។ ដូច្នេះខ្ញុំសូមគោរពរាល់ស្នាដៃរបស់អ្នកនិពន្ធទាំងអស់ដែលបានចែករំលែក ដែលធ្វើឲ្យខ្ញុំមានលទ្ធភាព អាចផលិតវីដេអូនេះបាន។ -ខ្ញុំបាទជឿជាក់ថា មិត្តអ្នកស្ដាប់គ្រប់ស្រទាប់វណ្ណៈ ដែលជារៀមច្បង ឬជាសិស្សប្អូន... នឹងមិនបណ្ដោយឱ្យចំណុចខ្វះខាតដែលកើតមាននៅក្នុងវីដេអូនេះ ត្រូវបន្ដរអត្ថិភាព ដោយគ្មានការកែលម្អរនោះឡើយ! -ខ្ញុំបាទសូមគោរពជូនពរបងប្អូនជនរួមជាតិ សូម សមប្រកប ជួបប្រទះ តែសេចក្ដីសុខ សុភមង្គលពេញមួយជីវិត។ សូមអរព្រះគុណនិងអរគុណ! #ប្រវត្តិហ៊ូយន់ #សុន្ទរកថាហ៊ូយន់ #ចលនាខ្មែរក្រហម