"ГИКке өтсүн"/Айласы куруган эл, догурунган директор/ "Раян билдинг" чуусу скачать в хорошем качестве

"ГИКке өтсүн"/Айласы куруган эл, догурунган директор/ "Раян билдинг" чуусу

“Раян билдинг” курулуш компаниясынан жабыркагандар Арча-Бешик конушуна курулчу турак жайдын алдына чогулушту. Алар эки-үч жылдан бери үйү бүтпөй жатканына нааразы болуп, компанияны көзөмөлгө алууну суранып бийлик жетекчилерине кайрылууда. Алар "турак жайлар МИКке өтсүн, мамлекет куруп берсин" деп суранууда. Архитектура-курулушту көзөмөлдөө департаментинин директору Эрназар Сүйөркулов маселени жогорку органдарга жеткирүүнү убадалады. Кырдаал курчуп баратканын байкадыбы, айтор, буга чейин жооп берүүдөн качып жүргөн компаниянын директору Айжанат Абдразаков келип жооп берди. Ал "мамлекет өзүнө алып койбой, мага курууга уруксат берсин" деп айтууда. "Мыйзамсыз делген жагдайларды чечип бербей жатат" деп Курулуш министрлигине да кине койду. Ошол эле учурда ал подрядчик алып келерин, анда "үлүшчүлөр үстүнө акча кошуп бериши керек, 1 млн. сомго чейин төлөгөндөрдүн келишимин жокко чыгат" деген талап коюларын айтты. Мурда төлөнгөн акчалар кайда кеткенин сураганда так жооп бере алган жок. Эске салсак, 2025-жылы июнь айында үлүш ээлери арыз жазып “Раян билдингдин” директору Айжанат Абдразакова кармалган. Көп өтпөй ал үй камагына чыгып, кылмыш иши Свердлов райондук сотуна өткөн. Учурда сот процесси жүрүп жатат.