FEGAMP INFORMA Nº12: A nova normativa para a xestión dos residuos téxtiles e a súa repercusión local скачать в хорошем качестве

FEGAMP INFORMA Nº12: A nova normativa para a xestión dos residuos téxtiles e a súa repercusión local

A Federación Galega de Municipios de Provincias (FEGAMP) está celebrando hoxe a “III Xornada sobre Economía Circular Local: prevención, reutilización e xestión de residuos no sector téxtil” no salón de actos do CERSIA, en Santiago de Compostela. A xornada ten por obxectivo analizar a modificación da Directiva de residuos para integrar a responsabilidade do produtor no sector téxtil, e o borrador de Real Decreto nesta materia impulsado polo Ministerio para a Transición Ecolóxica, así como a repercusión destes procesos na xestión local de residuos. E se enmarca dentro das iniciativas do Foro Galego Local de Economía Circular (FOGALEC), que vense desenvolvendo dende 2022 pola FEGAMP en colaboración co Foro de Intercambio de Coñecemento sobre Residuos e Economía Circular (FIREC) da Universidade da Coruña. Na inauguración da xornada interviñeron o concelleiro de Sustentabilidade de Santiago de Compostela, Xesús Domínguez; da directora xeral de Calidade Ambiental e Sustentabilidade da Xunta de Galicia, María José Echevarría; do adxunto de Sustentabilidade da Universidade da Coruña, Javier López, e do presidente da FEGAMP, Alberto Varela. Na súa intervención, o presidente da FEGAMP contextualizou cos datos do informe “Análisis de la recogida de la ropa usada en España”, elaborado por Moda-Re no ano 2021, No informe se destacaba que en España se refugaban unhas 900.000 toneladas de roupa ao ano, e o 88% acababa en vertedoiros, e que de media en España tan só o 12% desa roupa pasaba por un proceso de reciclado. “Melloraban esa media os datos de Euskadi (que superaban o 24%), de Navarra (16,5%) e a Comunidade Valenciana (16%). Por contra, Estremadura non chegaba ao 3% (2,8%), mentras que Castilla – La Mancha e Madrid apenas superaban o 9% (9,1%). No caso de Galicia, a porcentaxe de roupa procesada para reciclaxe foi do 10,3%” confirmou Alberto Varela que, ademais, engadiu que “as estimacións da Comisión Europea apuntan que a Unión Europea xenera 5,2 millóns de toneladas de residuos téxtiles ao ano (correspondendo uns 12 kilos por persoa/ano), dos que se estima que só en torno ao 22% se procesa axeitadamente”. O presidente da FEGAMP detívose na nova normativa en vigor “como a Lei de Residuos, que obriga a todos os concellos a dispoñer dunha recollida separada de residuos téxtiles. Nas grandes cidades xa son habituais nas rúas os colectores para depositar a roupa (uns 21.000 en total e xestionados na meirande parte por entidades sociais)” e a recente entrada en vigor “da revisión dirixida da Directiva Marco de Residuos, aínda que o Real Decreto previsto para á transposición da Directiva, regulando a recollida e xestión de residuos téxtiles segue atascado polas máis dun millar de alegacións recibidas. Este Real Decreto abordará a creación obrigatoria de Sistemas Colectivos de Responsabilidade Ampliada do Produtor de residuos (SCRAP) aglutinando a fabricantes, como xa ocorre co plástico (Ecoembes) ou co vidro (Ecovidrio)”. Chegados a este punto, Varela fixo fincapé no labor do o municipalismo estatal representado pola Federación Española de Municipios e Provincias (FEMP), que está a colaborar nun programa piloto de recollida de residuos téxtiles e calzado en seis municipios: Zaragoza, Rubí (Barcelona), San Miguel de Abona (Tenerife), Trujillo (Cáceres), Titulcia (Madrid) e Arbo, na provincia de Pontevedra, desenvolvéndose este programa desde o SCRAP RE-VISTE, impulsado por empresas líderes do sector téxtil co obxectivo de garantir a recollida, reutilización e reciclaxe de téxtiles e calzado en España, contribuíndo activamente á economía circular e situándose como unha solución innovadora para unha xestión sustentable dos residuos do sector. O presidente da FEGAMP concluíu resaltando “a aposta pola colaboración entre as entidades locais e os diversos axentes implicados nos sectores da economía circular e a xestión de residuos, que dende o FOGALEC promóvese para crear e divulgar coñecemento práctico e contribuír a desenvolver capacidades e iniciativas eficaces para a consecución dos obxectivos públicos locais no eido da xestión eficiente de residuos”.