Śrīmad-Bhāgavatam (Bhāgavata Purāṇa) || 3.19.37 || by HG Nitya Mukta Prabhu || 13.02.2026 Friday скачать в хорошем качестве

Śrīmad-Bhāgavatam (Bhāgavata Purāṇa) || 3.19.37 || by HG Nitya Mukta Prabhu || 13.02.2026 Friday

3.19.37 యో వై హిరణ్యాక్షవధం మహాద్భుతం విక్రీడితం కారణసూకరాత్మనః | శృణోతి గాయత్యనుమోద తే ఞు సా విముచ్యతే బ్రహ్మవధాదపి ద్విజాః || యః—ఎవ రైతే; వై—నిక్కముగా; హిరణ్యాక్షవధం—హిరణ్యాక్షుని వధ; మహాద్భుతమ్ —మహాద్భుతమగు; విక్రీడితమ్ లీల; కారణ–సముద్రము నుండి ధరణిని ఉద్ధరించుట వంటి కారణములచే; సూకర వరాహరూపమున అవతరించిన; ఆత్మనః—భగవానుని యొక్క; శృణోతి—వినునో; గాయతి కీర్తించునో; అనుమోదతే—ఆనందించునో; అంజసా— శీఘ్రమే; విముచ్యతే—ముక్తుడగును; బ్రహ్మవధాత్- బ్రహ్మహత్యా పాతకము నుండి; అపి—కూడా; ద్విజాః—ఓ బ్రాహ్మణులారా. ఓ బ్రాహ్మణులారా! ధరణిని ఉద్ధరించుటకై ఆదివరాహముగా అవతరించిన భగవానునిచే హిరణ్యాక్షుడు వధింపబడిన మహాద్భుతముగు వృత్తాంతమును ఎవరు శ్రవణము చేసినను, కీర్తించినను లేదా అనుమోదించినను శీఘ్రమే బ్రహ్మహత్యా పాతకములతో సహా సమస్త పాపముల నుండి విడివడగలరు. భాష్యము : పూర్ణపురుషోత్తముడగు భగవానుడు పూర్ణత్వస్థితి యందు నెలకొని యున్నందున ఆతని లీలలు, రూపము నడుమ భేదముండదు. కనుక భగవల్లీలలను శ్రవణము చేయువాడు ఆతనితోనే ప్రత్యక్షముగా సాంగత్యము నొందినవాడగును. భగవానునితోనే ప్రత్యక్ష సాంగత్యమును బడసినవాడు బ్రహ్మహత్యా పాతకముతో (భౌతిక జగమున అతి ఘోరమగు పాపకార్యముగా పరిగణింపబడునది) సహా సమస్త పాపఫలముల నుండి నిక్కముగా విడివడును. కనుక ప్రామాణికమూలము (విశుద్ధభక్తుడు) నుండి భగవత్కర్మలను వినుట యెడ ప్రతియొక్కరు ఆసక్తిని కలిగియుండవలెను. ఎవరేని కథాశ్రవణము చేయుచు, భగవన్మహిమలను అంగీకరించినచో యోగ్యుడు కాగలడు. నిరాకారవాదపు తత్త్వవేత్తలు భగవత్కర్మలను అవగతము చేసికొనజాలరు; భగవత్కర్మ లన్నియును “మాయ” అని తలచుట చేతనే వారు మాయావాదులని పిలువబడుదురు. ప్రతిదియు వారికి మాయయే కనుక భగవత్కథలు వారికి సంబంధించినవి కావు. నిరాకారవాదులు శ్రీమద్భాగవత శ్రవణమునందు ఇష్టమును కనబరచరు. అయినను వారిలో పెక్కురు కేవలము ధనలాభము కొరకై భాగవతము నందు అభిరుచిని కనబరచుచుందురు. కాని నిజమునకు వారికి శ్రద్ధ ఏమాత్రము ఉండదు. పైగా శ్రీమద్భాగవతమును వారు తమ పంథాలో వర్ణింతురు. కనుకనే మాయావాదుల నుండి మనము శ్రవణము చేయరాదు. కథను యథాతథముగా వర్ణించునట్టి సూతగోస్వామి లేదా మైత్రేయుని నుండియే మనము శ్రవణము కావించవలెను. కేవలము అప్పుడే మనము కృష్ణలీలలను ఆస్వాదించగలము. లేనిచో భక్తి యందు ప్రారంభదశలో నున్న శ్రోతలపై అది విషపూరిత ప్రభావమును చూపగలదు. 38