အီရန်စစ်ပွဲ၊ စစ်မျက်နှာ ၄ ခု скачать в хорошем качестве

အီရန်စစ်ပွဲ၊ စစ်မျက်နှာ ၄ ခု

ပထမဆုံး နိုင်ငံရေး အခင်းအကျင်းကို ကြည့်ရအောင်ပါ။ မနေ့က အမေရိကန်သမ္မတ ဒေါ်နယ်ထရမ့်က အီရန်ကို “ခြွင်းချက်မရှိ အရှုံးပေးဖို့” ပြတ်ပြတ်သားသား တောင်းဆိုလိုက်ပါတယ်။ အီရန်စစ်တပ် လုံးဝ ပျက်သုဉ်းသွားတဲ့အထိ၊ ဒါမှမဟုတ် အရှုံးပေးတဲ့အထိ စစ်ပွဲကို ဆက်ဆင်နွှဲသွားမယ်လို့ သူက ဆိုပါတယ်။ အီရန်ခေါင်းဆောင်တွေကတော့ ဒီလို တောင်းဆိုချက်ကို ပြောင်ပြောင်တင်းတင်း ပယ်ချထားပြီး နိုင်ငံကို ကာကွယ်ဖို့ အဆုံးထိ တိုက်သွားမယ်လို့ ဆိုပါတယ်။ ဒီအချိန်မှာပဲ သမ္မတ ပက်ဇက်ရှ်ကီယန်က အိမ်နီးချင်း ပင်လယ်ကွေ့နိုင်ငံတွေကို ဒုံးကျည်တွေ ကျရောက်ခဲ့တဲ့အပေါ် တောင်းပန်လိုက်ပြီး၊ သူတို့နယ်မြေတွေကနေ အီရန်ကို မတိုက်ခိုက်ဘူးဆိုရင် အီရန်ကလည်း တိုက်ခိုက်မှုတွေ ရပ်တန့်ပေးမယ်လို့ ကတိပေးခဲ့ပါတယ်။ ထရမ့်ရဲ့ အဆိုအရ အီရန်ရဲ့ ရေတပ်၊ လေတပ်နဲ့ ဒုံးကျည်စနစ် အများစုကို ဖျက်ဆီးပစ်နိုင်ခဲ့သလို၊ ရော့ကက်ပစ်စင် ၇၀ ရာခိုင်နှုန်းလောက်ကိုလည်း ချေမှုန်းနိုင်ခဲ့ပြီလို့ သိရပါတယ်။ လောလောဆယ်မှာ အမေရိကန်အနေနဲ့ ညှိနှိုင်းဖို့ စိတ်မဝင်စားသေးဘဲ၊ အီရန်ရဲ့ နျူကလီးယားစက်ရုံတွေကို ထိန်းချုပ်ဖို့ မြေပြင်တပ်တွေတောင် သုံးလာနိုင်တယ်လို့ အရိပ်အမြွက် ပြောထားပါတယ်။