Әскери бөлімнің қос чемпионы өз үлестерін қосып келеді скачать в хорошем качестве

Әскери бөлімнің қос чемпионы өз үлестерін қосып келеді

Сарыөзек гарнизонында орналасқан 12740 әскери бөлімінде Отан алдындағы қасиетті борышын абыроймен атқарып жүрген спортшы сарбаздар аз емес. Солардың қатарында спорт шеберлігіне үміткер, қатардағы жауынгерлер Елдар Жамалбек пен Ғалымжан Қуанышбек те бар. Екеуі де бір өңірдің, яғни Түркістан облысының тумалары әрі спорттағы жетістіктерімен ерекшеленетін жігерлі жас сарбаздар. Елдар Жамалбек Түркістан облысы, Түлкібас ауданында дүниеге келсе, Ғалымжан Қуанышбек Түркістан облысы, Ордабасы ауданында дүниеге келген. Бала кезден спортты серік еткен олар бүгінде әскери қызмет пен спортты қатар алып жүріп, өзгелерге үлгі болуда. Қазіргі таңда қос спортшы сарбаз әскери бөлімнің бір ротасында мерзімді әскери қызметін атқарып жүр. Әскери өмірдің қатаң тәртібі мен жоғары жауапкершілігі Елдар мен Ғалымжанның бойындағы төзімдік пен тәртіпті одан әрі шыңдай түсті. Спортта қалыптасқан қайсар мінез, жеңіске деген ұмтылыс пен өзін-өзі жеңе білу қасиеттері олардың әскери дайындық барысында да айқын көрініс табуда. Олар бөлім ішіндегі спорттық іс-шараларда белсенділік танытып, жас сарбаздарға жігер беріп келеді.