Әскери қызметшілер арасында кешенді спорттық жарыс өтті скачать в хорошем качестве

Әскери қызметшілер арасында кешенді спорттық жарыс өтті

Сарыөзек гарнизонында орналасқан механикаландырылған бригаданың жеке құрамдары арасында әскери-спорттық жарыстар жоғары деңгейде ұйымдастырылды. Аталған шара әскери қызметшілердің дене дайындығын нығайту, жауынгерлік рухты көтеру және ұжымдық бірлікті арттыру мақсатында өткізілді. Жарыс бағдарламасына арқан тартыс, әскери эстафета, волейбол және теннис секілді спорт түрлері енгізілді. Әр бөлімше өз мүмкіндіктерін барынша көрсете отырып, жеңіске деген жігері мен ұйымшылдығын дәлелдеді. Әсіресе әскери эстафета барысында қатысушылардың шапшаңдығы, төзімділігі мен өзара үйлесімділігі әрекеті айқын байқалды. Арқан тартыс сайысы ерекше тартысты өтіп, жеке құрамдарға көтеріңкі көңіл күй сыйлады. Ал волейбол мен теннис жарыстары әскери қызметшілердің ептілігі мен спорттық шеберлігін көрсетті. Барлық қатысушылар жарысқа үлкен жауапкершілікпен қарап, жоғары белсенділік танытты. Іс-шара соңында үздік нәтиже көрсеткен командалар мен әскери қызметшілер марапатталды. Мұндай спорттық жарыстар жеке құрамның физикалық дайындығын арттырып қана қоймай, әскери қызметшілер арасында достық пен өзара қолдауды нығайтуға үлкен үлес қосатыны атап өтілді.