Brotoys Female Spy Ada Wong Resident Evil 艾達王 生化危機 惡靈古堡 скачать в хорошем качестве

Brotoys Female Spy Ada Wong Resident Evil 艾達王 生化危機 惡靈古堡

呢隻野一早訂左, 原本諗住唔要, 見到啲人影左啲相好似個樣好唔掂, 但齋睇相有時又好難肯定真實個樣係未真係咁, 因為攝像頭始終有限制, 結果開箱, 真係驚為天日, 比見到啲相都要好得多, 真係估唔到由上次 Brotoys 隻 Neil 吉爾, 即係 Jill Valentine 去到而家隻 Ada Wong, Brotoys 既臉雕竟然進步神速, 個樣好有神韻, 同埋啲頭髮紋理好細緻好逼真, 佢開模精度相當高, 真係無買錯, 而家日本啲公司係性價比同像真度方面都難以同呢啲大陸廠媲美, 大陸內捲真係利害, 捲到去玩具到, 睇嚟又係要佔據全球玩具市場既市場既一個相當高既份額, 開始時買家點都係得益既, 初頭由買第一隻大陸公司既玩具, 到之後越黎越多買大陸公司, 反而減少左買左日本公司既產品。 呢隻身型比例一流, 恰到好處, 真係用毛冷做上身紅衣, 因為膠比唔到呢種質感, 但下身既皮鞋膠就比到應有既質感, 同埋 brotoys 比出既質感相當強烈, 再加上黑皮上既銀色塗裝超精準, 感覺 brotoys 既塗裝技術真係可以出 SHF 真骨雕既幪面超人或假面騎士系列, 頭雕就上面講左, 成隻放係枱面超逼真, 好似李冰冰或 Ada Wong 真係企左係到咁, 超正。 其實Resident Evil 最靚果兩個女主一定係 Jill Valentine 同 Ada, 仲有一個改良左樣亦好靚, 好似就係 Brotoys 嚟緊會出既, 唔記得係未叫 Ashley, 不過 Ashley 個人唔係咁鐘意佢啲衣著, 無 Ada 咁型成個戰鬥型打女格咁。Ada 個樣有時係幾似大陸女演員李冰冰, 而李冰冰亦做過 Resident Evil 呢個角色, 個頭雕某啲角度真係幾似佢, 係影片中可見, 有啲角度反而我覺似係巳經離世既香港藝人藍潔瑛。 個頭雕最重要係調對眼, 對眼珠下半圓最好係浪係個眼框之上, 咁對眼先有神韻, 好多時見到對眼珠唔係水平咁, 有一隻好似大家都係咁浪半圓低左時, 可以用個螺絲批自轉180 度, 佢就會向返上, 可能本身隻眼珠唔係咁置中呱, 雖然眼頭可轉動, 但要做到好斜視時, 果枝好似螺絲批既野係整到一隻眼, 另一隻眼往往因為枝批貼住臉框巳經無辦法將個眼珠移至鼻樑位, 只係做到眼珠移到去臉邊, 所以斜視時一邊係點都無咁斜, 做唔到應有斜視既效果, 比個考驗你, 試下整個鬥雞眼出嚟睇下你就知, 今次 Brotoys 第一次整可動眼球, 去到臉邊位時應該無留意所附帶既螺絲批都無空間再推進將個眼球移近鼻樑位, 估計下次佢地應該會作出改善。 雖然幫淘寶店預訂都例牌有預訂特典, 就係個細波既上身同兩對無活動關節既腳, 但無打算安裝上去, Ada 都係大波身材靚啲好, 同埋咁樣除晒啲裝備同啲衫去換個細波上身真係怕整爛果條黑色既帶同件紅色上衣, 係影片中細波上身係故意朝向地面, 費事意識不良啦, 而無活動關節係腳亦唔方便擺 pose, 只覺有活動關節既腳係令身啲, 表面既質感處理更好, 所以都係廢鬼事換, 好似 Patriot Studios 愛國者隻 Leon 里昂咁, 佢黑衫上既啡色皮帶連槍套巳經係整爛左兩個位, 拍片之前啱啱先用焊接膠痴返, 只怕 Ada 條黑帶連槍套都可能一樣容易整爛, 成個盒無說明書, 都唔知槍帶套個帶扣係未可以鬆開, 上面個槍套就咁都可以攝入枝槍, 唔洗開個扣, 下面個槍套就攝橿都攝唔入果把大既飛標槍, 用力又怕整爛, 所以影片中下面個槍袋都係空蕩蕩既, 有時間時繼續努力睇下個扣係未可以打開, 如果唔得可唔可以塞到把飛鏢槍入去, oh my god! 如果睇影片圖像, ada 件紅衫心口係開窿既, 呢個設計係更性感仲靚, 但可惜遊戲裏面件衫又唔係咁, 當然係可以粗略做到, 羅把剪刀係心口橫剪一刀搞掂, 但要剪得準囉。 呢隻野有另一個唔好既地方就係條紅色上衣, 如果大腿要掹開既話, 條經色上衣就一定要扯高, 變左露出套住絲襪既褲浪位, 好似唔多見佢啲照片係咁, 因為絲襪下係底褲, 無理由咁樣露咖, 但都明白件紅色上衣要好大彈性先搞得掂, 最後就係佢手臂位略嫌係粗左啲, 欠缺Ada 本身柳臂既優美, 尤其手臂關節位有啲似兩舊蘿蔔連接埋一齊咁。 好彩呢隻最後有補款收貨, 因為見到個價巳經炒左上去, 咁買完就算唔要放返出去都唔會有問題啦, 起碼羅返 rmb50蚊訂先啦。先前只買 Brotoys Neil, 就無買 Brotoys Claire, 因為同一個模費鬼事, 只係個頭, 服飾同裝備唔同, 最大問題係又係咁矮, 今次 Ada 個高度終於做返正, Neil 同 Claire 實在太矮, 嚟緊係 Ashley 都應該係高妹。 以上都係純粹個人見解, 從來唔會比面任何人, 因為無收受任何利益嘛, 所以係絕對最主觀既把玩體驗評測, 不過應該唔多人會有耐性睇呢段文字, 如果係 youtube 吹水, 真係吹半個鐘都得, 哈哈。 唉, 終於入到把鈎爪槍入去大比個槍袋到, 原來把槍前面舊圓餅可以拔出嚟, 真係細心望把槍見有個接口位先意識到可以咁做, 因為塊圓餅無可能推得入把槍套到。 而家望住呢隻野做功的確係一流, 好靚, 最無買錯係呢一隻, Brotoys 嚟緊出 Ashley 都應該係呢種高挑身型都會好掂, 佢地都可以考慮再出返 Neil / Jill Valentine 或 claire 改良版, 呢兩隻做得太矮同頭雕亦太差, 卡通唔似卡通, 人樣唔似人樣, 改良版應該可以做到更正。呢隻都算係 brotoys 驚世之作, 傳神度無可置疑, 先前 resident evil 果三個女角, Alice, Neil, Claire 都唔係咁掂, 好彩有買, 先前仲諗住放棄添, 咁耐只係放棄左 Nwtoys 狼人便服版, 因為頭雕唔似加勁大, 睇下本頻道李小龍同 Nwtoys 狼人戰衣版兩條片就知啦。 嚟緊 Brotoys Ashley 就應該唔買喇, 個人對佢既衣著唔覺靚, 顏色配搭唔覺靚, 個樣就 ok 既, 同埋今次佢應該又係預訂特典係無可動關節雙腳仲要加多埋雙手, 但無咩意思, 因為玩親可動 figure 都係想擺自己鐘意既 pose, 唔係可動變做statute figure 又唔係果回事, 所以成套 Ashley 唯一睇中既係佢件配件, 就係個木水桶, 可以襯返 patriot studio captain silverblade 果條橙柱下個鐵罐, 希望買倒呢件配件啦。 特別嘉賓︰ 1) Brotoys Neil / Jill Valentine 吉爾 2) Lim Toys Leon 里昂 3) Patriot Studio Leon 里昂 4) Patriot Studio Captain Silverblade / Chris Redfield Deluxe 克里斯 5) Patriot Studio Beret Instructor Jack Krauser 傑克 穆勒