Biz qayıdacağıq (2007) скачать в хорошем качестве

Biz qayıdacağıq (2007)

12+ Filmdə Xocalı faciəsinin törətdiyi fəsadlar fonunda bir ailənin – ana və iki övladın başına gələnlər əks etdirilir. Zakirin atası Qarabağ müharibəsində şəhid olub. O, anası ilə yaşayır və atasının uğrunda həlak olduğu torpaqlara qayıtmaq onun əsas idealıdır. Qəhrəman Allahın ona verdiyi səsdən imtina edərək muğam sənətini yox, hərbi məktəbi seçir. Düşünür ki, vətənin belə ağır günündə əldə silah onu müdafiə etmək lazımdır. Çəkilişlər əsasən Qobustan, İmişli, Buzovna, Qobu (Xocalı ilə bağlı epizodlar) və Bakıda aparılıb. Film Xocalıda şəhid olanların əziz xatirəsinə həsr olunur. İstehsalçı: Azərbaycanfilm İlk baxış tarixi: 23.11.2007 Büdcə: 320 min manat Texniki göstəricilər: 35 mm, 4:3 Janr: müharibə, tarixi, dram Rejissor: Elxan Qasımov Ssenari müəllifi: Natiq Rəsulzadə Operator: Rafiq Əliyev (II) Rəssamlar: Rafis İsmayılov, Rafiq Nəsirov Bəstəkar: Rauf Əliyev Rollarda: Pərvaz İbrahimli (Zakir Qasımov), Ayan Mirqasımova (Nərgiz), Ömür Nağıyev (Xocalı qaçqını Nağıyev), İlham Əsgərov (müəllim), Mirzə Ağabəyli (Zakirin babası), Kamil Ağazadə (Zakirin qardaşı) Prodüser: Xamis Muradov Filmin titrləri: 1992-ci il fevralın 25-dən 26-na keçən gecə erməni hərbçiləri Rusiyanın 366-cı moto-atıcı alayının dəstəyi ilə Xocalıya-dinc əhaliyə hücum çəkib 613 azərbaycanlını(o cümlədən, 106 qadını, 63 uşağı, 70 qocanı) qətlə yetirdilər. Xocalı qırğınında 487 nəfər soydaşımız ömürlük şikəst oldu, 1275 nəfər əsir alındı, 150 nəfər itkin düşdü, 8 ailə tamamilə məhv edildi, 95 uşaq ata-anasız qaldı. Erməni işğalçıları dünyanın gözü qarşısında tarixdə ən ağır cinayətlərdən birini-Xocalı soyqırımını törətdilər...