ئیبن ڕوشد و نیتچە (دیالۆگێکی فەلسەفیی گەرم و کریمانەیی) скачать в хорошем качестве

ئیبن ڕوشد و نیتچە (دیالۆگێکی فەلسەفیی گەرم و کریمانەیی)

دیالۆگێکی گریمانەیی گەرم لەنێوان فەیلەسووفان (ئیبن ڕوشد) و (نیتچە) لەبارەی خوداوە: ئیبن ڕوشد: عەقڵ بوونی خودا دووپات دەکاتەوە. خودا بوونێکی پێویستە، هۆکاری یەکەمین و دواهەمینی هەموو هۆکارێکە. نیتچە: خودا مرد، ئێمە کوشتمان. مرۆڤایەتی پێویستە ڕووبەڕووی ئەو بۆشاییە ببێتەوە و خۆی مانا دروست بکا. لەبارەی هەڤدژیی "باوەڕ و عەقڵ": ئیبن ڕوشد: باوەڕ و عەقڵ دژی یەکتر نین، بەڵکو تەواوکەری یەکترن لە تێگەیشتنی هەقیقەتی ئیلاهیدا. نیچە: ئەودووانە دوو جەمسەری لەیەکتر جوودان. "باوەڕ" ئاسوودەیی دەستەبەر دەکا لە وەهم و خوڕافە و ئەفسانەدا، لەکاتێکدا "عەقڵ"، بەو کەموکوڕییەی خۆشییەوە، تێدەکۆشێ بۆ هەڵماڵینی ئەو ماسکەی باوەڕ. لەبارەی ئەخڵاقەوە: ئیبن ڕوشد: ئەخڵاق لە حیکمەتی ئیلاهییەوە هەڵدەقووڵێ، زەروورەتیشە بۆ ڕێکخستنی کۆمەڵگە. نیتچە: ئەخڵاق دروستکراوێکی لاوازەکانە بۆ کۆنتڕۆڵکردنی بەهێزەکان. فەزیڵەتی ڕاستەقینە بریتییە لە ئیرادەی هێز. لەبارەی ڕۆژی دواییەوە ئیبن ڕوشد: ڕۆح نەمرە و پاداشت و سزاکانیشی لە دوای مەرگەوە وەردەگرێ. نیتچە: ڕۆژی دوایی درۆیەکی دڵنەواییکەرە. دەبێ ئەو ڕاستییە قبووڵکەین کە تەنیا ئەو ژیانەی ئێرەمان هەیە. لەبارەی زانینەوە: ئیبن ڕوشد: لەڕێگەی لێکۆڵینەوە و تێڕامانەوە، لە زانینی ئیلاهی نزیك دەبینەوە کە باڵاترین فۆڕمی تێگەیشتنە. نیتچە: زانین دۆزینەوەی "هەقیقەتی ئیلاهی" نییە، بەڵکو دروستکردنی ئەو ڕوانگە و دیدگایانەن کە پاڵپشتی ژیان دەکەن. لەبارەی سروشتی مرۆڤەوە: ئیبن ڕوشد: مرۆڤ بوونێکی عەقڵانییە، تەرخان کراوە بۆ گەڕان بەدوای زانین و جێبەجێکردنی ئامانجی ئیلاهی. نیتچه: مرۆڤ پردێکە لەنێوان ئاژەڵ و مرۆڤی باڵا "سوپەرمان"، بوونەوەرێك کە دەبێ کۆنتڕۆڵ بکرێ. لەبارەی ئازارچەشتنەوە: ئیبن ڕوشد: ئازارچەشتن تاقیکردنەوەیەکی خودایە، ئامانجی پاك کردنەوەی ڕۆح و پتەوکردنی باوەڕە. نیتچە: ئازارچەشتن تاقیکردنەوە نیە، بەڵکو پێویستییە. لەڕێگەی ئازارەوەیە ئێمە بەهێز دەبین و، بەپڕاوپڕی باوەش بە ژیاندا دەکەین. لەبارەی ئیرادەی ئازادەوە: ئیبن ڕوشد: ئیرادەی ئازاد لە چوارچێوەی زانین و قەدەری ئیلاهییەوە بوونی هەیە. نیتچە: ئیرادەی ئازاد وەهمێکە لاوازەکان دایانهێناوە بۆ پاساودان بە بوونی خۆیان. لەبارەی ئایینەوە: ئیبن ڕوشد: ئایین ڕێنمایی و نەخشەڕێگایە بۆ ئاپۆرای خەڵکی ڕەشۆکی، بۆئەوەی چوارچێوەیەکی ئەخڵاقییان پێ بدا و مانای کۆتاییان پێ ببەخشی. نیتچە: ئایین ئامرازێکی کۆنتڕۆڵکردن و ڕامکردنە، عەقڵیەتێکی مێگەلگەراییە کە نکۆڵی لە ژیان دەکا و لاوازی و هەژاری و لاتوپووتی پەروەردە دەکا. لەبارەی مانای ژیانەوە: ئیبن ڕوشد: مانای ژیان دەبێ هاوڕێك بێ لەگەڵ نەزمی ئیلاهی و، بریتیی بێ لە جێبەجێکردنی ئەو ئامانجانەی خودا دایناون. نیتچە: ژیان هیچ مانایەکی خۆڕسکی نییە. لەسەر ئێمەیە خۆمان مانا و بەها و نرخ بە ژیان بدەین. لەبارەی پێشکەوتنەوە: ئیبن ڕوشد: پێشکەوتن لە هاوسەنگبوونی باوەڕ و فەلسەفەوە دروست دەبێ؛ بونیادنانی کۆمەڵگەیەکی پێکهاتووە لە هەریەکە باوەڕ و عەقڵ. نیتچە: پێشکەوتن سەرکەوتنی بەهێزەکانە بەسەر لاوازەکان، دەرکەوتنی بەهای نوێیە بەسەر دۆگما و باوەڕی کۆنەوە. لەبارەی مەزنێتییەوە: ئیبن ڕوشد: مەزنێتی لە حیکمەت و فەزیلەتەوەیە، لە هەناوی سیفاتە ئیلاهییەکانەوە گەڵاڵە دەبێ. نیتچە: مەزنێتی لە مرۆڤی باڵا (سوپەرمان)دا هەیە، کە ئەخڵاق تێدەپەڕێنێ و بەهای نوێ بۆ مرۆڤایەتی دروست دەکا. لەبارەی مردنەوە: ئیبن ڕوشد: مردن کۆتایی نییە، بەڵکوو دەروازەی چوونەژیانێکی هەتاهەتاییە لەگەڵ خودادا. نیتچە: مردن کۆتاییە، بەڵام هەر لەڕوبەڕووبوونەوەی ئەو مردنەوەیە ئێمە بوێریی ژیانێکی ڕاستەقینەمان دەبێ.