「認股證篇」第七課：窩輪到期的結算 скачать в хорошем качестве

「認股證篇」第七課：窩輪到期的結算

法巴學堂 | 法巴輪證課程 | 「認股證篇」第七課：窩輪到期的結算 https://education.bnppwarrant.com/tc/... 本課講解窩輪到期的結算方法。 上堂講完點樣計窩輪跳動敏感度，今日繼續講計數，而計嘅係當隻窩輪到期時，應該點樣做結算。 現金結算額 雖然大部分投資者，買賣窩輪一般都係做短線部署，不過如果買左之後，真係一直持有至到期都冇賣到，隻輪會自動進行結算，價內窩輪將會收到「現金結算額」，而價外輪的現金結算額係0，大家記唔記得之前已經講過，咩叫價外、到價同價內呀？ 窩輪結算方法 先講窩輪的結算方法，CALL輪同PUT輪嘅公式，分別係咁： 認購證現金結算額 = (結算價 - 行使價) ÷ 換股比率 認沽證現金結算額 = (行使價 - 結算價) ÷ 換股比率 公式好簡單，但咩係結算價呢，股份輪同指數輪嘅結算價，得出嘅方法都有啲唔同。 股份輪結算方法 先講股份輪，結算價其實係指同窩輪掛鈎嘅相關資產，到期日之前五個交易日嘅平均收市價，記住係「之前」嘅五個交易日，即係到期日當日係唔計架。 講好似好易，舉例子計下數最實際。 有隻匯豐認購證，行使價係50元，換股比率係10兌1，今年3月30日到期。 計30日之前的五個交易日，好似個日曆咁，唔計星期六同星期日，即係我地會拎23, 24, 25, 26 同 29號，呢五日匯豐收市價的平均數為結算價。 如果啲五日的收市價，分別係52, 52.5, 51.8, 51.3, 52.2元，結算價就係 (52 + 52.5 + 51.8 + 51.3 + 52.2)除5，等於51.96元，呢個係結算價；減去行使價50元，再除返換股比率10兌1，呢隻輪嘅現金結算價，就係每股0.196元。 指數輪結算方法 講完股份輪，就到指數輪，佢嘅結算方法簡單好多。例如一隻CALL輪，今年3月30日到期，3月24 日係最後交易日，如果投資者冇沽貨，一直揸到到期，結算價我地會拎到期當日嘅EAS (Estimated Average Settlement)，即係由官方公布，指數現貨的每五分鐘平均價，作為結算， 呢個數呢，港交所喺當日收市後就會公布架。 拎左結算價，代返入頭先講過嘅公式，無論CALL輪定PUT輪，一樣咁易計啦！ 值得一提嘅，係如果計價日遇上平安夜、除夕或農曆新年等半日市，半日收市價都會計埋落去； 不過，如果計價日有颱風、暴雨或正股停牌等突發因素出現，結算方法可能會有所不同，如果遇 到咁嘅情況，可以向相關發行商查詢啦。 法巴學堂 | 輪證 Q & A https://education.bnppwarrant.com/tc/... 法巴學堂 | 輪證教學日誌 https://education.bnppwarrant.com/tc/... 法國巴黎銀行輪證網站 http://www.bnppwarrant.com/tc/index 本短片之內容並不構成任何建議、邀請、要約或遊說買賣結構性產品。牛熊證備有強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。結構性產品並無抵押品，如發行人或擔保人無力償債或違約，投資者可能無法收回部份或全部應收款項。投資者購買時，所依賴是發行人及擔保人的信譽。產品涉及高風險，價格可急升或急跌，投資者或會蒙受全盤損失。過往表現並不反映將來表現。投資者應注意發行人可能為交易市場唯一流通量提供者，購買前應瞭解相關風險，並查閱基本上市文件及有關補充上市文件內的詳情，並諮詢專業意見。