පෙමට පිටුපෑවාට ගත්ත පලිය කහතුඩුවෙන් ඇසෙන හද පාරන ඛේදවාචකය - Hiru News скачать в хорошем качестве

පෙමට පිටුපෑවාට ගත්ත පලිය කහතුඩුවෙන් ඇසෙන හද පාරන ඛේදවාචකය - Hiru News

කහතුඩුව ඇඟලුම් කර්මාන්ත ශාලා භූමියකදී එහි සේවකයෙකු විසින් සේවිකාවකගේ ගෙල කපා ඝාතනය කර ඇතැයි කහතුඩුව පොලිසිය සඳහන් කරනවා. මෙලෙස ඝාතනයට ලක්ව ඇත්තේ, බුලත්සිංහල ගෝවින්න නාරාගල වෙදගෙ වත්ත පදිංචිව සිටි එම ඇඟලුම් කර්මාන්ත ශාලාවේ සේවය කළ 25 හැවිරිදි අවිවාහක තරුණියක්. ඝාතනය සිදු කළ බව කියන එම ඇඟලුම් කර්මාන්ත ශාලාවේ සහායකයකු ලෙස සේවය කළ සැකකරු ඝාතනයෙන් අනතුරුව පලා ගොස් ඇති බවයි පොලිසිය සඳහන් කරන්නේ. ඝාතනයට යොදා ගත් බවට සැක කෙරෙන රුධිරය සහිත පිහියක් පොලිසිය සොයාගෙන තිබෙනවා. ඝාතනයට ලක් වූ තරුණිය ඉකුත් වසරේ පෙබරවාරි මස 18 වැනිදා ඇඟලුම් ආයතනයේ කර්මාන්ත ශාලාවේ රැකියාවට පැමිණ ඇති අතර, සැකකරු රැකියාවට පැමිණ ඇත්තේ 2024 වසරේ අගෝස්තු මස 06 වැනිදා බවටයි පොලිසිය සිදුකළ මූලික විමර්ශනවලදී අනාවරණය වී ඇත්තේ. බදුල්ල කැප්පෙටිපොළ ප්‍රදේශයේ පදිංචිකරුවෙකුවන එම සැකකරු විවාහක පුද්ගලයෙකු වන අතර, කහතුඩුව ප්‍රගතිමාවත උක්කොටුව පාර තාවකාලිකව පදිංචිව සිට රැකියාවට පැමිණ ඇතැයි පොලිසිය පවසනවා. මොහුන් දෙදෙනා අතර මීට වසරකට පමණ ආසන්න කාලයක සිට ප්‍රේම සබඳතාවයක් හට ගෙන ඇති අතර, දින කිහිපයක සිට තරුණිය සැකකරු හා කතා නොකර මගහැර ඇති බව පොලිස් විමර්ශනවලදී අනාවරණය වී තිබෙනවා. අද පෙරවරුවේ තරුණිය රැකියාවට වාර්තා කිරීම සඳහා ඇඟලුම් කර්මාන්ත ශාලාවේ ප්‍රධාන දොරටුවෙන් ඇතුළු වි අත් බෑගය තැබීම සඳහා වෙන්කර තිබෙන කොටස කරා යමින් සිටියදී සැකකරු තරුණිය හා ඇතිවූ බහින් බස් වීමකින් අනතුරුව මෙම ඝාතනය සිදු කරන්නට ඇතැයි පොලිසිය පවසනවා. තරුණියගේ ගෙල කැපීමෙන් අනතුරුව සැකකරු එම ස්ථානයෙන් පලා ගොස් නවාතැන්ගෙන සිටින නිවසට පැමිණ ඇඳුම් බෑගයක් රැගෙන එම ස්ථානයෙන් ද පලා ගොස් ඇති බවයි පොලිසිය සිදු කළ වැඩිදුර විමර්ශනවලදී අනාවරණය වී ඇත්තේ. බරපතල තුවාල ලද තරුණිය වෑතර දිසා රෝහල වෙත ඇතුළත් කිරීමෙන් අනතුරුව මියගොස් තිබෙනවා. තරුණියගේ ගෙල ප්‍රදේශයට බරපතල තුවාල සිදුවී ඇති බවයි රෝහල් ප්‍රකාශකයෙකු පැවසුවේ. සිද්ධිය සම්බන්ධයෙන් කහතුඩුව පොලිසිය පරීක්ෂණ පවත්වනවා. #HiruMedia #HiruSinhalaNews #HiruEnglishNews #LKA #Srilanka #TruthAtAllCosts