中國人呃中國人！陰功咯！睇完315先醒水，原來自己成日畀人當水魚咁劏！全中國變白老鼠！想活過60歲，先學識睇穿包裝同商標，因為你買嘅唔係食物，係化學試劑！ скачать в хорошем качестве

中國人呃中國人！陰功咯！睇完315先醒水，原來自己成日畀人當水魚咁劏！全中國變白老鼠！想活過60歲，先學識睇穿包裝同商標，因為你買嘅唔係食物，係化學試劑！

中國人呃中國人！陰功咯！睇完315先醒水，原來自己成日畀人當水魚咁劏啊！ 講真一句呢，而家邊個話春晚好睇㗎？我話你知啦，每年嘅315晚會先至系真正嘅「娛樂之王」呀！包你睇完拍爛手掌之餘呢，仲會摸下自己個荷包，跟住仰天長嘯一句：「我呢世仔究竟畀人呃咗幾多次呀？」 你以為「千禾零添加」豉油真系零添加？天真！人哋只「零」字系註冊商標嚟㗎，全名叫做「千禾零」添加豉油，玩味十足，同你有冇落添加劑，一啲關係都冇啊。再講嚇「匯源百份百」果汁，聽落去純過蒸餾水系咪？Sorry，又系商標遊戲，「匯源百份百」系個品牌名，你飲落肚嘅系咪百份百果汁？自己參透下啦。連最普通嘅叉電器都識玩嘢，印住個「120瓦」大大隻字，你以為佢好猛料？查實「120瓦」只系個註冊商標，同佢實際輸出功率有冇120瓦，直情系兩個世界嘅事。 點睇？成班商家根本就系被耽誤嘅笑匠，去寫棟篤笑肯定好過喺度諗計玩謝我哋班消費者。但我話你知呢，以上呢啲都只系「小兒科」，系開胃前菜。315嘅精髓在於咩呢？就系你永遠估佢唔到，細廠就梗系捉佢大鑊嘢啦，大廠呢？就專門搵啲雞毛蒜皮嘅位嚟督，等你笑又笑唔出，喊又喊唔出。但系當你真系睇到後邊嗰啲呢，你就會由笑變喊，由喊變燥，最後成個人凍過雪條，透心涼到呢…… 先講嚇大家最鍾意「擦」嘅零食——泡椒鳳爪。你見佢哋白到發光，脹卜卜咁，以為好新鮮乾淨呀？錯啊！嗰啲白色，全部系工業雙氧水漂出嚟㗎！有冇諗過你食緊嗰只雞腳，之前經歷過啲咩？我都費事講,講多怕反胃啊,上兩日做過視頻,未睇嘅去睇下喇.你問佢哋自己敢唔敢食？啲工人個個耍手擰頭，話睇到都想嘔，但佢哋就夠膽死賣畀你，仲要賣到成行成市添！ 仲有啊，你以為食蝦仁就健康？醒下啦！市面上好多所謂嘅「新鮮蝦仁」，其實系「吸水海綿」嚟㗎！100斤蝦，畀佢哋用幾多種違規添加劑、保水劑咁「招呼」一輪，即刻變身做124斤，重咗成個碼！包冰衣仲狼死，可以超過七成！你話你買一斤蝦返屋企，解完凍，倒曬啲冰水出嚟，淨返嗰三兩，先至系蝦嘅真身。換句話講呢，你畀嘅錢，大部分系買咗藥水同埋冰，啲蝦只系配角。 講到離譜呢，點少得雲南嗰邊嘅凍干士多啤梨？聽講話抽檢出20幾種農藥殘留，仲要加埋重金屬「鎘」超標！20幾種呀！你估系食緊生果盤定系飲緊「農藥溝水」啊？成個「移動農藥庫」咁，仲要扮曬健康零食，真系陰功到痹啊。呢個年頭呢，想食啖安樂茶飯都難過登天，想食返啖純天然嘅嘢，隨時變咗做化學實驗室嘅白老鼠啊！ 食物呃你，你話最多自己煮囉，唔出街食囉。但點知呢，你連出個門都會出事！你以為掃部共享電單車代步就穩陣？哈囉、電驢哥呢啲大牌子，居然夠膽死公然破解限速！國家規定極速25公里，佢哋就幫你改到上80！80呀！仲快過你揸電單車！為咗呃過檢測，仲一早囤定舊款嘅合格證，套用假車牌，成個馬路當咗系佢哋嘅賽車場！人哋拍《狂野時速》要搵靚車，我哋而家是但‌掃部共享單車，就已經可以體驗貼地飛行嘅快感，真系多得呢班商家唔少，將我哋嘅生命安全當成笑話一則。 講到呢度呢，唔少得講嚇啲「慣犯」企業。舊年先至出曬事，喺電視機前道歉道歉再道歉，喊到生離死別咁，話一定會改過自新。點知呢？今年又系嗰班人，一樣咁嘅嘴面，完全當「整改」兩個字系公關稿，系用嚟應酬下輿論壓力咋。 好似「啄木鳥」呢間家電維修呢，舊年就畀人踢爆專呃街坊，細微嘅毛病就講到要換大零件，開天索價。今年仲離譜啊！上去整部燃氣灶，官網標價599，佢夠膽死開口問你攞1699！仲有單Case呢，上門睇漏水，搞咗一大輪，乜鳩問題都搵唔到，最後就話收你2000蚊「設備使用費」，仲要系硬食，唔畀錢唔走嗰只。呢啲咪就系擺明車馬，當你系水魚，當你系ATM，睇死你唔識反抗，食硬你啊！ 仲有眼鏡佬，呢行成日話人「呃人」呃咗幾十年，改過未？有記者去暗訪，你估下佢哋點玩法？一副眼鏡架，入貨價15蚊，擺上櫃檯，標價夠膽寫799！你副眼鏡系鑲金定系鑲鑽？就算佢之後扮曬好人，話做緊優惠，打個「感人」嘅三折畀你，你以為好抵啊？打完折都要240，佢依然賺緊你16倍！16倍呀！你話呢啲系賣眼鏡？直情系賣軍火嘅利潤啦！屢勸屢犯，零悔意，零底線，你吹得佢漲咩？ 淨系呃你錢都算啦，仲要呃到你屋企！專登揀啲最軟弱無助嘅落手——老人家同細路仔。你以為電視上嗰啲西裝骨骨嘅「養生專家」，真系養生專家啊？全部都系演員！佢哋拍幾輯虛假嘅所謂健康講座，講到天下無敵，跟住將成本幾蚊雞嘅保健產品，炒高几十倍，甚至上百倍，拎去氹老人家買，仲要氹佢哋囤貨，食足成年都食唔曬。有商家仲私下講呢，話就系趁315之前收斂嚇，等風頭一過，又繼續出嚟掠水！佢哋將老人家對佢嘅信任，當成系提款密碼，食到人哋骨頭都冇得剩。 細路仔嗰邊仲狼死，就系針對嗰啲為咗仔女身高而擔心到發癲嘅家長。呢啲所謂嘅增高中心，就系食住你呢份焦慮嚟發達！明明小朋友嘅骨骺線都已經閉合，醫學上講到明冇得再高，佢哋夠膽死同你講有得搞，可以「激活骨骼」，仲話可以簽約保證！去到最離譜嗰啲，仲搞到出咗咩「量子療愈」、「玄學增高」嘅騎呢嘢，講出嚟都笑死人。佢哋自己嘅負責人私底下都承認呢，呢啲全部都系呃人，就系貪呢行夠暴利，先至敢咁做。喺全國開幾十間分店，唔知吸乾幾多家長嘅血汗錢，真系慘過提款機呀。 你以為系咁多？太后生喇！而家仲有高科技幫手呃人，仲要呃到你搵唔到路返轉頭。有人專門去「毒害」AI大模型，塞一大堆假資訊入去，用AI大量生成唔存在嘅產品，再配上一排排虛假嘅好評同軟文，跟住擺上網。你知唔知，兩個鐘頭之內呢，AI就可以將呢堆垃圾嘢，推曬上去搜尋結果嘅第一位！你諗下喇，你而家上網搵嘢，十樣有八樣都系靠AI推薦，你以為好先進？其實你睇到嘅，可能全部都系人為製造嘅假象，你信以為真嘅好評，可能全部都系AI作嘅文！金融嗰邊仲死得人多，啲冇牌嘅投資公司，扮曬專業投資顧問，周圍打電話氹人買股票，講到識飛咁，話有內幕貼士，保證贏錢，贏咗就同你分傭，輸咗？對唔住，即刻潛水，人影都冇個。數據顯示，單系25年，金融消費投訴就多咗一倍幾！幾多人畢生積蓄，就咁化為烏有，凍過水啊。 睇完成個315晚會呢，再望嚇後邊嗰啲冷冰冰但又血淋淋嘅數字——舊年全國超過201萬宗消費投訴，平均每日就有5500人為咗討回公道而奔波，假嘢同虛假宣傳嘅投訴仲要繼續升緊。你話喇，系咪好唏噓？ 成件事最令人絕望嘅系咩？唔系老千多咗，而系佢哋嘅手段愈嚟愈高明，底線愈嚟愈低！點解啲違規企業敢屢教不改？咪因為違規成本太低囉！罰極都系嗰啲錢，九牛一毛，佢哋當交租咋。相反呢，你一個普通消費者，想維權？告得佢入咩？嘥時間、嘥精神、嘥金錢，最後多數都系不了了之，焗住食咗只死貓，畀人呃完仲要自己一殼眼淚。就系因為咁呢，呢班冇良商家先至會咁肆無忌憚，咁無法無天！ 講到底呢，315從來唔系咩消費者嘅節日，更加唔系一場熱鬧嘅show。佢系一塊照妖鏡，系一班無良商家嘅審判日，亦都系一劑狠狠咁兜巴聲摑醒所有人嘅「清醒針」。我話你知，商標嗰啲小把戲，我當笑話睇就算，但系牽涉到條命，牽涉到你我辛苦賺返嚟嘅每一分錢呢啲大鑊嘢，就唔可以睇完就算！ 晚會得幾個鍾，但系我哋消費者要保護自己權益，系365日，日日夜夜都要扎醒嘅事。唔敢奢求每日都系315，淨系希望平時買嘢消費嗰陣，可以少啲套路，多啲真誠，等我哋可以放心使錢，安心生活。大家賺錢真系好艱難，每一分一毫都應該使得其所，絕對唔可以畀呢班毫無底線嘅人，白白咁搶走！