សញ្ញាសំខាន់ៗ ប្រាប់ថាសង្រ្គាមលោកលើកទី៣ជិតមកដល់! скачать в хорошем качестве

សញ្ញាសំខាន់ៗ ប្រាប់ថាសង្រ្គាមលោកលើកទី៣ជិតមកដល់!

ពុកម៉ែបងប្អូនប្រិយមិត្ត សំរាប់អ្នកចូលចិត្តទស្សនាភាពយន្តហូលីវូដ ប្រហែលជាធ្លាប់លឺ ឬមើលហើយ នូវ ខ្សែភាពយន្តខាតធំដ៏ល្បាញល្បីរបស់អាមេរិក នោះគឺរឿង Avatar។ ចំពោះរឿង Avatarនេះ គឺជាFavorite របស់ខ្ញុំដែរ ហើយវាបានធ្វើឲ្យខ្ញុំនឹកឃើញអនុស្សាវរីយ៍តាំងពីក្មេងៗមក ពោលគឺរឿងហ្នឹង វគ្គ១ ឬ Avatar 1 ត្រូវបានស្ថានីយ៍ទូរទស្សន៍ប៉ុស៍លេខ៩ យកមកចាក់ផ្សាយ ខ្ទង់ឆ្នាំ២០០៩ ហើយជំនាន់ហ្នឹង ផ្ទះខ្ញុំនៅមើលទូរទស្សន៍សខ្មៅទេ អ្វីដែលរឹតធ្វើឲ្យខ្ញុំចងចាំមិនភ្លេចនិងគួរឲ្យអស់សំណើចនោះគឺ កំពុងតែជក់មើលសុខៗ ស្រាប់តែអាគុយអស់ភ្លើងមើលលែងច្បាស់ ព្រោះកាលហ្នឹងអត់ទាន់មានអគ្គីសនីប្រើទេ ពេលហ្នឹងសំណាងដែរ អាគុយធំអស់ភ្លើង នៅសល់អាគុយតូច អាគុយឆ្លុះកង្កែបយើងហ្នឹង យើងយកវាទៅផ្គួបជាមួយអាធំ អាចមើលបានទៀត។ ស៊យធំបងប្អូនអ្ហើយ ចំថ្ងៃអាតូចខ្សោយភ្លើងដែរ មើលបានបន្តិច វាចាប់ផ្តើមល្ងឹតទៅៗម្តងទៀត តែអត់បញ្ហទេ ចេះតែទ្រាំៗមើលទៅ រហូតដល់ទូរទស្សន៍រលត់លែងឃើញមុខទើបបិទ ហើយមើលសៀវភៅម្តង។ មកដល់ពេលនេះ ភាពយន្តអាវតា ចេញបាន៣វគ្គមកហើយ ពោលគឺអាវតា១ អាវតា២ និង ចុងឆ្នាំ២០២៥កន្លងទៅ អាវតាវគ្គ៣ បានចេញផ្សាយជាផ្លូវការ។ លើសពីនេះទៅទៀត ផលិតករ ក៏ដូចជាអ្នកដឹកនាំរឿង លោក Jame Cameroon បានបង្ហាញពីគម្រោងផលិត រឿងអាវតាវគ្គ៤ និងវគ្គ៥បន្ត ក្នុងករណីប្រសិនបើ អាវតាវគ្គ៣ ដែលកំពុងចាក់បញ្ចាំងនេះ ទទួលបានជោគជ័យខ្ពស់។ បងប្អូន មូលហេតុដែលខ្ញុំ ផ្សាភ្ជាប់ភាពយន្តអាវតានេះទៅនឹង ជីវិតពិតនៃមនុស្សសញ្ជាតិរបស់យើង នោះគឺសង្រ្គាម។ ក្នុងភាពយន្តអាវតា តាំងពីវគ្គ១ រហូតមកដល់វគ្គ៣ សាច់រឿង បង្ហាញពីជីវិតក្រៅភព ជាពិសេសអំបូរមនុស្សមួយក្រុមដែលគេហៅថា ពួកណាវី រស់នៅលើភពPandora។ នៅលើPandora ពួកណាវី រស់នៅយ៉ាងរីករាយ សុខសាន្ត ជាមួយនឹងធម្មជាតិដ៏សម្បូរបែប ប៉ុន្តែជាអកុសល សន្តិភាពរបស់ពួកគេចាប់ផ្ដើមបាត់បង់ ដោយសារវត្តមានរបស់មនុស្សលោកយើង បានទៅដល់ទីនោះ ហើយចាប់ផ្ដើមធ្វើការឈ្លានពានទឹកដីដែលជាជម្រករបស់ពួកណាវី។ កម្មវត្ថុនៃ ការធ្វើសង្រ្គាម ទន្ទ្រានលុកលុយ ដល់ភពPandoraនេះ គឺដើម្បីស្វែងរកវត្ថុធាតុដើម ធនធានរ៉ែ និងសម្បតិ្តធម្មជាតិមានតម្លៃផ្សេងៗ។ ទាំងនេះគឺ មិនខុសនឹង សង្រ្គាមនៅលើភពផែនដីរបស់យើងទេ មនុស្សបង្ករសង្រ្គាម បង្ហូរឈាមគ្នា ក្នុងគោលដៅដើម្បីវាទី និង លួចប្លន់ភោគទ្រព្យដែលជាកំណប់ដ៏មានតម្លៃរបស់ប្រទេសនីមួយៗលើសកលលោក ជាពិសេស គឺនៅពេលដែល មានបដិវដ្ឋឧស្សហកម្ម របត់នយោបាយពិភពលោក ចាប់ផ្ដើមប្រែប្រួល ដោយបណ្ដាប្រទេសដែលជាមហាអំណាច ចាប់ផ្ដើមអនុវត្តន៍នយោបាយឈ្លានពាន ក្រោមរូបភាពអាណានិគម ដើម្បីស្វែងរកវត្ថុធាតុដើម មកផ្គងផ្គង់ដល់សង្វាក់ផលិតកម្មក្នុងស្រុករបស់ពួកគេ។ អ្វីដែលធ្វើឲ្យខ្ញុំ ចាប់អារម្មណ៍ខ្លាំងនោះ បន្ទាប់ពីបានលឺលោក Jame Cameroon បានលើកឡើងនូវពាក្យមួយឃ្លាក្នុងបទសំភាសន៍មួយថា អាវតា៤ និងមានវត្តមាន ប្រសិនបើអាវតា៣ទទួលបានជោគជ័យ។ បងប្អូន បើយើងស្ដាប់ទៅ វាដូចជាធម្មតា តែចំពោះខ្ញុំវិញ អាវតាគឺជាសង្រ្គាម បើយើងរាប់តាំងពីវគ្គ១ មកដល់វគ្គ៣ គឺនិយាយពីសង្គ្រាមឈ្លានពានទាំងអស់ ហើយក្នុងករណី ប្រសិនបើវគ្គ៤ត្រូវបានផលិតឡើងមែននោះ ក៏មិនខុសពីវគ្គមុនៗដែរ សាច់រឿងនឹងផ្តោតសំខាន់ទៅលើសង្រ្គាមដដែល។ ក្នុងភាពយន្តដ៏ល្បីល្បាញនេះ គ្រប់វគ្គសុទ្ធតែបង្ហាញពីមហិជ្ជតារបស់មនុស្ស ក្នុងការប្រយុទ្ធ ការបង្ហូរឈាម ក្នុងកម្មវត្ថុដើម្បីឈ្លានពាន ដណ្ដើមយកធនធានឬភោគទ្រព្យពីភពដទៃ។ ការតស៊ូប្រយុទ្ធរវាងមនុស្សភពផែនដី និង មនុស្សក្រៅភពបានកើតឡើងជាថ្មីក្នុងវគ្គ៣នេះទៀត បើទោះបីជាមនុស្សបានរងបរាជ័យ ២ដងក្នុងការអនុវត្តន៍ ប្រតិបត្តិការឈ្លានពានមកលើទីតាំងរបស់ពួកណាវីយ៉ាងណាក្ដី ប៉ុន្តែ មនុស្សមិនព្រមបោះបង់គំនិត និងឆន្ទៈក្នុងការប្រយុទ្ធដើម្បីសំរេចគោលដៅនោះឡើយ ជាពិសេសនៅត្រង់ចំនុចដែលអ្នកនិពន្ធ បានរក្សាវត្តមាន តួអង្គមនុស្សចិត្តអាក្រក់ម្នាក់ ឈ្មោះ Miles Quaritch តាំងពីវគ្គ១ រហូតមកដល់វគ្គ៣ ហើយអាចបន្តដល់វគ្គ៤និងវគ្គ៥ទៀតក៏ថាបាន ហេតុផលនេះ បញ្ជាក់ថាមហិជ្ជតារបស់មនុស្សគឺនៅតែមានដដែល ហើយក៏គ្មានព្រំដែននោះទេ។ ក្នុងវគ្គ២ នៃរឿងអាវតា បានតម្រូវឲ្យ តួអង្គដែលមានឈ្មោះថាJack Sully ព្រមទាំងក្រុមគ្រួសារ បានសំរេចចិត្តចាកចេញពីទឹកដីកំណើតរបស់ពួកគេ ទៅកាន់ដែនដីថ្មីឆ្ងាយ ដើម្បីសុវត្ថិភាពផ្ទាល់ខ្លួន ព្រោះពួកគេបានដឹងថា មនុស្សមានមហិជ្ជតាធំ ដរ៉ាបណា មហិជ្ជតាមិនទាន់រលត់ ជីវិតរបស់ពួកណាវីទាំងអស់នឹងមិនមានសន្តិភាពឡើយ។ បន្ទាប់ពីដំណើស្វែងរកអស់ពេលយ៉ាងយូ ទីបំផុតទៅ គ្រួសាររបស់Jack បានទៅដល់ទឹកដីថ្មីដែលកាន់កាប់ដោយ កុលសម្ព័ន Metkeyina ដែលមានមេដឹកនាំឈ្មោះ Tonowari និងភរិយារបស់គាត់ឈ្មោះ Ronal។ ជាការពិតណាស់ មនុស្សទៅដល់ទីណា សង្រ្គាមទៅដល់ទីនោះដែរ មិនយូប៉ុន្មានមនុស្សបានត្រលប់មកវិញ និងរុករកឃើញទឹកដីរបស់ពួក.................