សូមស្តាប់ចំណាប់អារម្មណ៍របស់សិស្សមន្ត្រីនៃសាលាភូមិន្ទរដ្ឋបាល скачать в хорошем качестве

សូមស្តាប់ចំណាប់អារម្មណ៍របស់សិស្សមន្ត្រីនៃសាលាភូមិន្ទរដ្ឋបាល

ស្របតាមអនុសាសន៍ផ្តួចផ្តើមរបស់ឯកឧត្តមឧបនាយករដ្ឋមន្ត្រី និងការឯកភាពជាឯកច្ឆន្ទនៃក្រុមប្រឹក្សាសាលាភូមិន្ទរដ្ឋបាល សាលាភូមិន្ទរដ្ឋបាល បានបន្ថែមមុខវិជ្ជា «ឧត្តមភាពមន្ត្រីរាជការ» នៅក្នុងឆ្នាំសិក្សា ២០២៥នេះ ជូនដល់សិក្ខាកាម និងសិស្សមន្ត្រីនៃសាលាភូមិន្ទរដ្ឋបាល។ មុខវិជ្ជា «ឧត្តមភាពមន្ត្រីរាជការ»នេះ សិក្សាដោយផ្តោតទៅលើបុព្វហេតុនៃការក្លាយខ្លួនជាមន្ត្រីរាជការ កាតព្វកិច្ច សិទ្ធិ និងអត្ថប្រយោជន៍នៃមន្ត្រីរាជការ ស្តង់ដារវិជ្ជាជីវៈ និងក្រមសីលធម៌វិជ្ជាជីវៈរបស់មន្ត្រីរាជការ វប្បធម៌ការងារស្ថាប័នសាធារណៈ និងការផ្សារភ្ជាប់នូវឧត្តមគតិរបស់មន្ត្រីរាជការទៅ នឹងទស្សនៈសង្គមជាតិ ព្រមទាំងមានកម្មវិធីទស្សនកិច្ចសិក្សា ដើម្បីសិក្សាឈ្វេងយល់អំពីឧត្តមានុវត្តន៍ក្នុងវិស័យសាធារណៈ។ មុខវិជ្ជា «ឧត្តមភាពមន្ត្រីរាជការ» ត្រូវបានរៀបចំឡើងក្នុងគោលបំណងបង្កើនវិជ្ជាសម្បទា បំណិនសម្បទា និងចរិយាសម្បទា ព្រមទាំងបុព្វហេតុក្នុងការក្លាយខ្លួនជា មន្ត្រីរាជការប្រកបដោយឧត្តមភាព និងជាមន្ត្រីរាជការគំរូក្នុងសង្គម ដើម្បីបម្រើផលប្រយោជន៍ដល់អង្គភាព ស្ថាប័នសាធារណៈ និងសង្គមជាតិទាំងមូល ជាពិសេសការផ្សារភ្ជាប់នូវឧត្តមគតិរបស់មន្ត្រី រាជការទៅនឹងទស្សនៈសង្គមជាតិក្នុងគោលដៅលើកកម្ពស់វិបុលភាពសង្គម។ សូមស្តាប់ចំណាប់អារម្មណ៍របស់សិស្សមន្ត្រីនៃសាលាភូមិន្ទរដ្ឋបាល ដែលបានឆ្លងកាត់ការសិក្សាមុខវិជ្ជាថ្មីនេះ ខណៈពួកគេកំពុងធ្វើទស្សនកិច្ចសិក្សា នៅមន្ទីរពេទ្យ ខេត្តកំពង់ចាម ដែលជាជ័យលាភី មួយក្នុងចំណោមជ័យលាភី១០ ចុងក្រោយ នៃកម្មវិធី វាយតម្លៃ និងទទួលស្គាល់អង្គភាពផ្តល់សេវាសាធារណៈគំរូ ឆ្នាំ២០២៤។ សូមអគុណ សារព័ត៌មានថ្មីៗ