Скачать с ютуб 格仔山 - 向嵐行·山樂 в хорошем качестве

格仔山 - 向嵐行·山樂

今次教大家係市區嘅行山BB路徑 難度：⭐ 景觀：⭐⭐ 通訊接收：⭐⭐⭐⭐⭐ 路程：需時約 50分鐘 位置：樂富 （樂富港鐵站A出口） 格仔山（Checkerboard Hill），原名九龍仔山，又叫雷達山，係香港九龍九龍仔一座山仔。 九龍仔山畀人叫做格仔山，係同啟德機場有關嘅。九龍仔原本係一座山頭，1950年代，啟德機場跑道要伸長，咁啱呢個山頭位響13跑道降落航道。為咗安全，部份山頭就剷平，沙石就用來填九龍灣起跑道，淨返就起九龍仔公園。 而九龍仔山就係呢個山頭嘅東北角，係去啟德機場13跑道降落航道必經之路。啟德機場嘅儀標導航系統會將飛機引向九龍仔山，再由機師將飛機轉灣做目視降落。由於要引導機師將飛機行啱路綫，九龍仔山就髹咗紅白相間格仔，起埋導航燈同埋無線電導航設備，所以香港人又叫佢做雷達山。另外因為紅白格仔好搶眼，所以又叫格仔山。呢道亦係以前影相發燒友影飛機嘅地方。 如今想上格仔山山頂，可以由九龍城聯合道樂富公園行上去。想到格仔山山腳，可從九龍城延文禮士道九龍仔公園前往。 1998年啟德機場閂門大吉之後，格仔山就油到灰色重種埋樹，以免誤導機師。 從高眺望，打卡留個念一流🤗