İlham Əliyev Cahangir Hacıyevi niyə həbsə göndərdi? скачать в хорошем качестве

İlham Əliyev Cahangir Hacıyevi niyə həbsə göndərdi?

Rusiyanın “Novaya qazeta”sı Beynəlxalq Bankın 15 il həbsə məhkum edilmiş sabiq sədri Cahangir Hacıyevlə bağlı araşdırma dərc edib. “Milyarder olmaq istəyən həbsxanada oturacaq” başlıqlı araşdırmada Hacıyevlə ölkə başçısı İlham Əliyev arasında münasibətlərin gərginləşməsi, bu bankın Nəqliyyat filialı vasitəsilə ölkədən çıxarılan 2.9 milyard dolların ABŞ və Avropa siyasətçilərinin satın alınmasına xərclənməsi və başqa detallardan bəhs olunur. Cahangir Hacıyevin istefasından az öncə bankın səhmlərinin dünyadakı böyük birjalarda satışı üçün hazırlıq prosesi başlamışdı. Bunun üçün əvvəlcə “Beynəlxalq Bank”ın səhmlərinin dövlətə məxsus nəzarət paketi özəlləşdirilməliydi. “Beynəlxalq Bank”-ın səhmlərinin yarıdan çoxunun dövlətə məxsus olmasına baxmayaraq, o, tam dövlət bankı deyildi. O zaman banka rəhbərlik edən C.Hacıyev həm də bankın səhmlərini almağa başlamışdı. Artıq 2010-cu ildə səhmlərin 30 faizi şəxsən Cahangir Hacıyevin nəzarətində idi. Lakin onların cəmi 0.2 faizini öz adına rəsmiləşdirmişdi. Qalanı isə qohumları və yaxın dostlarının adına idi. Beynəlxalq Bankın özəlləşməsi prosesi 15 iyul 2015-ci ildə, İlham Əliyev dövlətə məxsus səhmlərin özəlləşdirilməsi barədə fərman imzaladıqdan sonra başladı. Məhz həmin vaxtda İlham Əliyevə çatdırıblar ki, Cahangir Hacıyev “Beynəlxalq Bank”ın dövlətə aid olan nəzarət paketini əldə etmək niyyətindədir. Bu işi reallaşdırmaq məqsədilə kredit almaq üçün artıq Qərbdə danışıqlara da başlayıb. Danışıqlar əvvəlcədən hazırlanmış və Azərbaycanın hakim elitasıyla razılaşdırılmamışdı. Görünən budur ki, Cahangir Hacıyevə bunu bağışlamadılar...” deyə yazıda qeyd olunur. Maliyyə Nazirliyi Cahangir Hacıyevin ölkədən qeyri qanuni olaraq ofşorlara 5 milyard dollar çıxardığını iddia etmişdi. Hacıyev məhkəmələrinin birində Maliyyə nazirliyinə cavab olaraq əsl benefislərin kimliyini açıqlayacağı ilə hədələmiş, bununla da hakim ailəyə işarə etmişdi: "Bu gün xaricdəki təsisçi şirkətlərə sorğu verin, görün, benefislər kimlərə məxsusdur - Cahangir Hacıyevə, yoxsa Samir Şərifov və digərlərinə? Mənimsənildiyi iddia edilən vəsait layihələrə sərf olunub. Bu gün həmin layihələr öz əllərində olduğundan sənədləri vermirlər. Nə baş verdiyini siz də, mən də yaxşı bilirik. Şou göstərəndə, heç olmasa, yaxşı təşkil eləyin". Kanala abunə ol - https://goo.gl/TcM9Fm WebSite: http://www.meydan.tv Facebook: http://fb.com/MeydanTelevision Twitter:   / meydantv   Google+ https://plus.google.com/+MeydanTelevi... İnstagram:   / meydantv   __ Xəbərdən çox xəbər var. Çəkin göndərin yayımlayaq - whatsapp : +49 176 16263646