RELI YA TAZARA KUBORESHWA AMBAYO NI KIUNGANISHI CHA NCHI ZA KUSUNI MWA BARA LA AFRIKA (SADC) скачать в хорошем качестве

RELI YA TAZARA KUBORESHWA AMBAYO NI KIUNGANISHI CHA NCHI ZA KUSUNI MWA BARA LA AFRIKA (SADC)

Taarifa na Mako Mwamlima 0628710325 Mnamo tarehe 4 septembe 2024 Rais wa China Xi Jinping, Rais wa Tanzania Samia Suluhu Hassan na Rais wa Zambia Hakainde Hichilema kwa pamoja walishuhudia utiaji saini waraka wa maelewano kuhusu mradi wa ufufuaji wa Reli ya Tanzania na Zambia (TAZARA). Zoezi hilo lilifanyika katika Mkutano wa Baraza la Ushirikiano kati ya China na Afrika (FOCAC) wa mwaka 2024. Serikali ya Tanzania imeelezea kusainiwa kwa makubaliano muhimu kati yake na Serikali ya Zambia pamoja na Kampuni ya China kwa ajili ya kufufua reli ya TAZARA. Makubaliano haya yanatarajiwa kuimarisha usafiri wa reli unaounganisha Bandari ya Dar es Salaam na nchi za Kusini mwa Afrika, hususani zile za Jumuiya ya Maendeleo Kusini mwa Afrika (SADC). Waziri wa Uchukuzi, Profesa Makame Mbarawa, alitoa taarifa hiyo wakati wa mkutano wa ushirikiano kati ya Tanzania na China, ambapo alibainisha kuwa hatua hii ni ishara ya utayari wa pande zote tatu kushirikiana katika kufanikisha ufufuaji wa reli hiyo. “Reli ya TAZARA ni njia muhimu kwa uchumi wa nchi hizi kwani inaunganisha Dar es Salaam na mataifa ya SADC kupitia usafirishaji wa mizigo,” alisema Profesa Mbarawa. Reli ya TAZARA ilianza kujengwa mwaka 1970 na kukamilika mwaka 1975, ikiwa na urefu wa kilomita 1,860. Reli hii imejengwa kwa mfumo wa Cape Gauge, tofauti na reli nyingi ambazo zimejengwa kwa mfumo wa Meter Gauge na Standard Gauge. Umaalumu wa reli hii unalenga kuimarisha uhusiano wa kiuchumi kati ya Tanzania na nchi jirani. Kufufuliwa kwa reli ya TAZARA ni hatua muhimu kwa uchumi wa nchi zote zinazotumia reli hiyo. Awali, reli hiyo ilibuniwa kubeba mizigo yenye uzito wa tani milioni tano kwa mwaka, lakini haijawahi kufikia lengo hilo. Mwaka 1986, TAZARA iliweza kusafirisha tani milioni 1.2, ikiwa ni kiwango cha juu zaidi kilichowahi kufikiwa. Ufufuaji wa reli hii utahusisha pia uboreshaji wa Bandari ya Dar es Salaam. Ikiwa reli itafikia uwezo wa kusafirisha tani milioni 2 kwa mwaka, mapato ya Bandari ya Dar es Salaam yataongezeka kwa kiasi kikubwa, na kuifanya Tanzania kujipatia takriban shilingi bilioni 174 kwa mwaka. Ufufuaji wa reli ya TAZARA ni hatua muhimu si tu kwa Tanzania na Zambia, bali kwa nchi zote za Kusini mwa Afrika. Ni mradi unaolenga kuimarisha usafirishaji wa mizigo, kukuza uchumi wa kikanda, na kuongeza mapato kwa nchi zinazohusishwa. Serikali inatarajia kwamba kupitia ushirikiano huu mpya, reli ya TAZARA itarejea kwenye ufanisi wake wa awali na kuwa chombo muhimu kwa maendeleo ya kiuchumi ya eneo hili.