የቅኔ ሊቃውንት የተነጣጠቁበት ቅኔ = ነጠቃ ይሉታል፥ ይሄ ነው። скачать в хорошем качестве

የቅኔ ሊቃውንት የተነጣጠቁበት ቅኔ = ነጠቃ ይሉታል፥ ይሄ ነው።

●ቅኔ እም ኀበ መጋቤ ምሥጢር ያሬድ ዘርአ-ቡሩክ ●ጥር ፲፱/፳፻፲፮ ዓ.ም ●በአዲስ አበባ ሀገረ ስብከት በቦሌ ደብረ ሳሌም መድኀኔ ዓለም ካቴድራል በተከናወነው የመጋቤ ሐዲስ #ፍሥሓ ዐየለና የዶክተር #ሰማያት ባሳዝነው ሥርዐተ ከብካብ የተዘረፈ ሙሉ ቤት ቅኔ፦ ፩.፩. ግእዝ ጉባኤ ቃና ●አምላኪየ እንብብ ለዕበይከ ምሥጢሮ፥ ●ክፍለኒ ሊተ ዘኢይትከፈል አእምሮ። ፩.፪. ግእዝ ጉባኤ ቃና ●ባሕታዊ ተክሊል ዘእም ውስተ ዓለም ተግሕሰ፥ ●በብዙሕ ትዕግሥት መንግሥተ ሰማያት ወረሰ። ፪. ዕዝል ጉባኤ ቃና ●ኦ ድንግል ዘአግመርኪ እሳተ መለኮት በሥጋ፥ ●ይደልወኪ ፍሥሓ ዘእንበለ ሕፀፅ ወንትጋ። ፫.፩. ዘአምላኪየ ●ምሥጢረ ቅዱስ ቍርባን ወላዲተ ክርስቶስ አምላክ፥ ●ናስተበፅዕ ዕበየ ክብርኪ በጽባሕ ወሠርክ፥ ●ወንፌኑ ለኪ ፍሥሓ ምስለ ገብርኤል መልአክ። ፫.፪. ዘአምላኪየ ●በሐዲስ ኪዳን ድሕረ ሕገ ወንጌል ሐገገ፥ ●ክርስቶስ በቃለ ፍሥሓ ሰማያተ ዐርገ፥ (ሉቃ. ፳፬፡፶፩) ●ወምስለ መንፈሱ እም ደብር ሐዋርያቲሁ ሐደገ። ፬. ሚ በዝሑ ●አመ እም ቀዲሙ እግዚእ ቃለ ፍሥሓ ዜነወ በአፈ ነቢይ ዳዊት፥ ●አንጐድጐደ ቃለ (አስተዳለወ መንበሮ) እግዚአብሔር በሰማያት፥ ●ወልዑል ወሀበ ቃሎ ተክሊለ ለቤዛ ኵሉ ፍጥረት። (መዝ. ፻፪፡፲፱) ፭. ዋይ ዜማ ●ከመ ነገረነ ዮሐንስ እም ድሕረ መለኮት ነሥአ በተዋሕዶ ሥጋነ፥ (ዮሐ. ፩፡፲፬) ●መልአ አሜሃ ፍሥሓ አፉነ፥ ●ወአመ እም ርሑቅ ብሔር እንዘ በድካም ሀሎነ፥ ●ሠርዐ ለነ ሰንበተ ለዕረፍተ ዚኣነ፥ ● ፍሥሓ ወሰላም ለእለ አመነ። (ድጓ) ፮. ሐፂር ዋይ ዜማ ●ዐቢይ ፍሥሓ በሰማይ ኮነ፥ (ሉቃ. ፲፭፡፯) ●አሐዱ ሓጥእ እስመ በሰማያት ድሕነ። (●ዐቢይ ፍሥሓ በሰማይ ኮነ፥) ፯. ሥላሴ ●ተክሊል መድኅነ ኵሉ በቤተ ልሔም ዘይሁዳ አመ እም ድንግል ተወልደ በኢልማዳዊ ሕማም፥ ●ኮነ ፍሥሓ ለኵሉ ዓለም፥ (ሉቃ. ፪፡፲) ●መድሕነ ኵሉ ተክሊል ዘቅድመ ትማልም ወዮም፥ ●እስመ ከመ ያግዕዞ ለአዳም፥ ●እም ኆኅተ ነቢይ ሠረቀ በቃለ ሰላም፥ ●ወሕቱም በመንክር ማሕተም። ፰. ዘይእዜ ●ለእግዚአብሔር ተክሊል ፈጣሬ ኵሉ አሐቲ ድንግል ዘንጽህናሃ መንክር፥ ●ኮነቶ ማሕደረ ፍሥሓ በረቂቅ ምሥጢር፥ ●ወበእንተ ዝ ኵልነ መጠነ ክህልነ ንዜምር፥ ●እስመ በውስቴታ ተገምረ ዘኢይትገመር፥ ●ወእም ታሕቴሃ ይገኒ ሐይለ ሰማያት ወምድር። (●እስመ በውስቴታ ተገምረ ዘኢይትገመር፥) ፱. ሣህልከ ●አመ ኢየሱስ ተወልደ ወአስተርአየ፥ ●ለኖሎት ይብሎሙ መልአከ ሰማይ እም ህየ፥ ●ኢትፍርሑ እስመ ናሁ እዜንወክሙ ፍሥሓ ዐቢየ። (ሉቃ. ፪፡፲) ፲. ሐፂር ሣህልከ ●ድንግል ሣህልኪ ቃለ ፍሥሓ፥ ●ያስምዐነ ይምጻእ ለኢትዮጵያ ጽባሓ። (●ድንግል ሣህልኪ ቃለ ፍሥሓ፥) ፲፩. መወድስ ●እግዚአ ጥበባት ክርስቶስ መንፈሰ ቅኔከ በዕለተ እሑድ ዐባይ ሰማየ ሰማያት ወሰደኒ፥ ●ወለእመሂ ፈቀድከ ኢታርእየኒ፥ ●ለቤተ ክርስቲያን ሙስናሃ በአድኅኖትከ ፍሥሓ ዕስየኒ፥ (መዝ. ፶፡፲፪) ●ወሊተ ለገብርከ እም እደ ጸላኢ ወፀር ከመ ብንተ ዐይን ዕቀበኒ፥ ●ጸሎትየሂ በእዘኒከ እመ ሰማዕከኒ፥ ●ብዕለ ወንዴተ በኑኀ መዋዕል ኢተሀበኒ፥ (ምሳ. ፳፬፡፴፪) ●ባሕቱ፦ ሥራዕ ሊተ ዘየአክለኒ፥ ●ወኢትትኀየየኒ ለዝሉፉ ለእመ አ-ሕ-ጻከ ደጐጻኒ። ፲፪. ኵልክሙ መወድስ ●ክርስቶስ ይብለነ ማ-እ-ከሌክሙ ነያ ትሄሉ መንግሥተ ሰማያት ሀብተ አሚን፥ (ሉቃ. ፲፯፡፳፩) ●ወአመ ተሠይመ ጴጥሮስ ምሥጢረ ቅዱስ ቍርባን፥ ●ተወፈየ መርኆ ሰማያት በሐዲስ ኪዳን፥ (ማቴ.፲፮፡፲፱) ●ወበሕፅነ አብርሃም ወይስሃቅ መንግሥተ ሰማያት ይረሱ ይረፍቁ ብዙሓን፥ (ማቴ. ፰፡፲፩) ●ብፁዓንሂ በመንፈስ ነዳያን፥ (ማቴ. ፭፡፫) ●መንግሥተ ሰማያት እስመ ሎሙ በፍሥሓ ጽድቅ ትከውን፥ ●ወምስለ ፍሥሓ ሐዲስ አመ ይመጽእ መድሕን፥ (ማቴ. ፳፭፡፴፬) ●መንግሥተ ሰማያት ይወርሱ ኵሎሙ ቅዱሳን፥ (ማቴ. ፳፭፡፴፬) ●እስመ በፃማሆሙ ነሥኡ መንግሥተ ሰማያት ጻድቃን። (●መንግሥተ ሰማያት ይወርሱ ኵሎሙ ቅዱሳን፥) ፲፫. ሐፂር ኵልክሙ መወድስ ●ወልዶ መድሕነ አመ ውስተ ዓለም ፈነወ፥ ●አብ መልአከ ሰማይ ፍሥሓ ዜነወ። (ሉቃ. ፪፡፲)