Evini sökdürməyə razı olmadı - yolun ortasında qaldı скачать в хорошем качестве

Evini sökdürməyə razı olmadı - yolun ortasında qaldı

Evini sökdürməyə razı olmadı - yolun ortasında qaldına Tanıdığınız ən inadcıl adam kimdir? Yadınıza salın indidən. Çünki, videoda haqqında danışdığım insanlarla müqayisə aparmağınızı xahiş edəcəyəm. Beləliklə, dünyanın ən inadcıl ev sahiblərini tanıyaq... 6. Ticarət mərkəzinə inad... Vaşinqtonda böyük bir ticarət mərkəzinin inşasına başlanılır. Ərazidəki evlərin sahibləri yüksək təzminat qarşılığında evlərini tərk edir. Təkcə 84 yaşlı Edit Meysvil ona təklif edilən 1 mln dollara göz yumur. O, “evimi satmayacağam”-deyib inad edir. Nəticədə, inşaatçılar evin çevrəsinə dolanaraq işi başa çatdırırlar. Qısa zaman içərisində hadisə medianın marağını çəkir, Editin inadkarlığı onun məğrurluğu kimi dəyərləndirilir. Ordan keçən hər kəs evin həyətinə bir şar buraxır. Yəqin ki, Disneyin çəkdiyi “Yuxarı bax” cizgi filmini xatırladınız. Həmin cizgi filminin ilham qaynağı da Editin bu kiçik evidir. Sahibəsi 2008-ci ildə dünyasını dəyişsə də, ev hələ də damındakı şarlarla birgə gələnləri qarşılayır... 5. Yarıya bölünən ev... Bu ev Kanadanın Toronto şəhərindədir. Hekayəsi olduqca maraqlıdır. Bir inşaat firması Saint-Patrick küçəsində böyük bina tikmək istəyir. Yüksək məbləğə küçədəki evlərin hamısını satın alırlar, birindən başqa. 54 nömrəli böyük evdə iki ailə yaşayırdı. Sağdakı ailə də pulunu alıb evdən çıxır. Amma, soldakı Valkos ailəsi evlərini tərk etməyəcəklərini bildirirlər. Çətin vəziyyətlə üz-üzə qalan inşaat firmasının səlahiyyətliləri məcbur qalıb inşaata evin sağından başlayırlar. Burda əsas çətinlik Valkosların evinin yarısını sökmək idi. Evin sağ tərəfi elə sökülməliydi ki, sol tərəfə-Valkosların yaşadığı hissəyə heç bir ziyan dəyməsin. Uzun və çətin sökmə prosesindən sonra 54 nömrəli ev “Yarıya bölünən ev” kimi məhşurlaşdı. Və Valkos ailəsi hələ də orda yaşamaqdadır. S/T: Təsəvvür edin, hava limanında təyyarənizin qalxacağını gözləyirsiniz. Ən azı, 2 saat vaxtınız var. Birdən ürəyinizdən təzə tərəvəz, yaxud göyərti yemək keçir. Əgər Yaponiyanın Narita hava limanındasınızsa, problem deyil. Yaxınlıqdakı bostanda işləyən xaladan pomidor-xiyar ala bilərsiniz. Yanlış eşitmədiniz, hava limanında bostanlar var. K/A: 4. Hava limanındakı bostanlar... Tokionun Narita hava limanı inşa edilərkən burada 3 uçuş zolağının salınması nəzərdə tutulur. Amma, inşaat firmasının səlahiyyətliləri ərazidəki kiçik bostanları və onların sahiblərini hesaba qatmır. Nəticədə, üçüncü uçuş zolağının keçdiyi yerdə belə dolaylar əmələ gəldi. Bu dolaylar evlərini və kiçik əkin sahələrini satmaq istəməyən ev sahiblərinin inadcıllığının ən qeyri-adi görüntüsüdür. Hər gün, ən azı, 100 təyyarənin qalxıb-endiyi hava limanında yaşamaq da bir macəra sayılırmı? Hələ təyyarə motorlarının uğultusu... Nə bilim... 3. Düşmənlər... Onlar Londonda yaşayırlar. Düşmənçiliklərinin tarixi isə 1890-cı ildən başlayır. Həmin il Londonun zəngin ailələrindən biri böyük biznes mərkəzi inşa etmək qərarına gəlir. Küçənin bir tərəfində yerləşən kiçik dükanların hamısı təzminat qarşılığında alınır. Təkcə saatsaz və zərgər olan alman əsilli Şpigel öz dükanını satmaqdan imtina edir. Biznes mərkəzi dükanın arxasından dolanaraq inşa edilir, amma, iki ailə arasındakı məhkəmə çəkişmələri bir əsrdən çox davam edir. Yolunuz Londona düşsə, inadcıllığın simvoluna çevrilən kiçik dükanı görə bilərsiniz. 2. Mayamidə bir qızıldərili... Əcdadlarına olan ehtiramı ilə dillər əzbərinə çevrilən qızıldərililər haqqında əfsanələr çoxdur. Amma, bu kiçik evin hekayəsi əfsanə yox, həqiqətdir. Bura Mayaminin lüks küçələrindən biridir. Göydələnlərin əhatəsindəki balaca evin sahibi isə əslən Kolumbiya qızıldərililərindən olan İşmayel Bermudesdir. O, evi üçün təklif edilən 1 mlrd 8 mln dollar məbləği qəbul etməyib. Səbəb kimi də bağçasındakı su quyusunu göstərib və deyib: “Bu quyu əcdadlarımdan mənə qalan müqəddəs məkandır. Onun qiyməti yoxdur...”