დიუშენი - ბრძოლა წამზომით / ღია სივრცე [28.02.2026] скачать в хорошем качестве

დიუშენი - ბრძოლა წამზომით / ღია სივრცე [28.02.2026]

გადაცემაში ვსაუბრობთ იმ ადამიანებზე, რომლებიც სიხარულის ნაცვლად შიშით უყურებენ, როგორ იზრდებიან მათი შვილები. წამალი დაიდოს! ყველას გვახსოვს მშობლების რამდენიმეთვიანი ბრძოლა აქონდროპლაზიის სამკურნალო მედიკამენტის მოსაპოვებლად. ახლა კი მთავრობის კანცელარიასთან იგივე მოთხოვნით ჯანმრთელობის სხვა პრობლემის მქონე ადამიანები იკრიბებიან. დღეს ჩვენი ყურადღების ცენტრშია დიუშენის კუნთოვანი დისტროფია - მძიმე გენეტიკური დიაგნოზი, რომელიც ბავშვებს დამოუკიდებლად გადაადგილების უნარს ართმევს. მიუხედავად იმისა, რომ მსოფლიოში უკვე არსებობს ინოვაციური თერაპია, რომელიც დაავადების პროგრესირებას აჩერებს, ქართველი მშობლებისთვის ეს ერთადერთი იმედი კვლავ ხელმიუწვდომელია. რატომ უწევთ დედებს ქუჩაში ბრძოლა შვილების სიცოცხლის გადასარჩენად და რა უშლის ხელს სახელმწიფოს დროული გადაწყვეტილების მიღებაში? • რეპორტაჟი - დიუშენის ბავშვები წამლის მოლოდინში სტუდიაში სტუმრად: • ნანა დაბრუნდაშვილი - დიუშენის დიაგნოზის მქონე ბავშვის დედა; • ესმირა გუსეინოვა - დიუშენის დიაგნოზის მქონე ბავშვის დედა; • ნანა ტატიშვილი - მ.იაშვილის სახელობის ბავშვთა ცენტრალური საავადმყოფოს ბავშვთა ნევროლოგიისა და ფსიქიატრიის დეპარტამენტის ხელმძღვანელი; • გია კაკაჩია - სოციალური პოლიტიკის ექსპერტი, ჯანდაცვის სამინისტროს სოციალური დაცვის დეპარტამენტის ყოფილი უფროსი. გადაცემის მეორე ნაწილში: • ბელა წვერაძის საქართველოს ამბავი 85 წლის ბელა წვერაძე დუშეთიდან თბილისში, საპროტესტო მარშებზე დასასწრებად დღემდე სისტემატურად ჩამოდის. მისი სიმტკიცე შემთხვევითი არ არის. ის საბჭოთა რეჟიმის მიერ ნაწამები ნაზი შამანაურის თანაკლასელია და საკუთარი თვალით აქვს ნანახი, როგორ უსწორდებოდა სისტემა სიმართლის მთქმელ ადამიანებს.