ახალი რეპრესიული კანონები - ღია სივრცე [07.03.2026] скачать в хорошем качестве

ახალი რეპრესიული კანონები - ღია სივრცე [07.03.2026]

მორიგი რეპრესიული საკანონმდებლო პაკეტი დამტკიცებულია. 78 მომხრე, 9 წინააღმდეგი - „ქართულმა ოცნებამ“ მესამე მოსმენით მიიღო ცვლილებები გრანტებისა და პარტიების კანონებში, ასევე სისხლის სამართლისა და ადმინისტრაციულ კოდექსებში. ამ ცვლილებებით, სისხლის სამართლის წესით დასჯადი ხდება კონსტიტუციური ორგანოების არაღიარება, გრანტის მიღება „ოცნების“ თანხმობის გარეშე და ბიზნესის პოლიტიკური აქტივობა. დღეს ჩვენ კიდევ ერთი ნაბიჯით დავშორდით სანუკვარ მიზანს, ევროკავშირში გაწევრიანებას. დღეს ჩვენ ვსაუბრობთ საკანონმდებლო ცვლილებებზე, რომელზეც ევროკომისიამ დამტკიცებამდე თქვა - „ეს სრულ წინააღმდეგობაში მოვა ევროინტეგრაციასთან“. სტუდიაში სტუმრები არიან: • მაია შიშნიაშვილი - შშმ პირთა და მშობელთა ორგანიზაციების კოალიციის გამგეობის თავმჯდომარე; • ვახტანგ კობალაძე - მომხმარებელთა უფლებების დაცვის პროგრამის მენეჯერი სტრატეგიული კვლევების განვითარების ცენტრში; • თამთა მიქელაძე - სოციალური სამართლიანობის ცენტრის დირექტორი (ჩართვით). 3 წლამდე პატიმრობა ხელისუფლების სისტემურად არაღიარებისთვის - ასეთ ქვეყანაში გავიღვიძეთ დღეს. ვიდრე ფეისბუკზე რამეს დავპოსტავთ, კარგად დავფიქრდეთ, ხომ არ ემსახურება ეს კონსტიტუციური ორგანოების არალეგიტიმურობის „აღქმის დამკვიდრებას“? ეს ამიერიდან სისხლის სამართლის პასუხისმგებლობას ითვალისწინებს. სტუდიაში სტუმრები არიან: • საბა ბუაძე - თბილისის საკრებულოს ყოფილი წევრი; • ნიკა სიმონიშვილი - ახალგაზრდა იურისტთა ასოციაციის ყოფილი თავმჯდომარე. მიუხედავად იმისა, რომ რეჟიმი სულ უფრო მძლავრად უჭერს მარწუხებს, პროევროპელი ქართველები წინააღმდეგობას არ წყვეტენ. დღესაც მარშის დღე იყო და გზა რუსთაველამდე ათასობით სხვა ადამიანთან ერთად გაიარა ჩვენი რუბრიკის გმირმაც. „საქართველოს ამბებს“ კი მან საკუთარ ვენახში, მშობლიურ სოფელში უმასპინძლა. მუსიკოსი, აქტივისტი, ჩვენებური სოლომონ გოგაშვილის საქართველოს ამბავი.