Krimi horror në Mallakastër/Vjen nga Greqia për të varrosur kunatën, gjen shtëpinë e tij të grabitur скачать в хорошем качестве

Krimi horror në Mallakastër/Vjen nga Greqia për të varrosur kunatën, gjen shtëpinë e tij të grabitur

Kunati i 50-vjeçares Drita Saliaj, e cila u torturua dhe më pas u lidh me litar për t’u hedhur në rezervuar nga nip i burrit dhe dy shokët e tij, pasi ka mbërritur sot nga Greqia në fshatin Gjerbës të Mallakastrës ka konstatuar edhe grabitjen e banesës së tij. Kunati i viktimës, Mitat Saliaj ka gjithashtu një shtëpi në këtë fshat e cila është grabitur dhe dyshohet nga po të njëjtët autorë të vrasjes së 50-vjeçares. Në një prononcim për News24, kunati i viktimës tregon se nipi ka qenë djalë i keq. “Unë isha tek djali në Greqi. E kam kunatë Dritën. Erdha të hapja derën, e kanë shqyer derën, e kanë grabitur. Kisha gjëra në shtëpi, motorsharra, korrëse bari, mbi 2-3 milionë gjëra kisha. S'e di akoma çfarë kanë marrë. Kur isha në Shqipëri vija çdo 2 javë. Edhe mund të jenë ata djem. Ky nipi nuk ka qenë djalë i mirë. Të tërë këta që kanë bërë këtë gjë ashtu kanë qenë. Çun i keq, drogë e të gjitha gjërat i ka bërë. Të atin e ka brenda”, deklaroi Mitat Saliaj. Copyrighted by News24 Albania