#કચ્છના скачать в хорошем качестве

#કચ્છના

#કચ્છના ૯૧૦ તળાવોને મળ્યો સત્તાવાર મહેસૂલી દરજ્જો... #કચ્છ જિલ્લાની જળસંપત્તિ સંરક્ષણ અને સંવર્ધનની દિશામાં એક ઐતિહાસિક પગલું લેવામાં આવ્યું છે. ગુજરાતમાં સૌપ્રથમ વખત કચ્છ જિલ્લાના ૨૮૧ ગામોના કુલ ૯૧૦ તળાવોને સત્તાવાર મહેસૂલી રેકર્ડમાં સ્થાન અપાયું છે. કલેક્ટરશ્રી આનંદ પટેલના માર્ગદર્શન હેઠળ મહેસૂલ તંત્ર દ્વારા વૈજ્ઞાનિક ઢબે માપણી અને વ્યવસ્થિત પ્રક્રિયા દ્વારા આ કામગીરી પૂર્ણ કરવામાં આવી છે. કચ્છ જિલ્લો ભૌગોલિક વિસ્તાર હોવાથી પાણી અહીં જીવનની સૌથી મોટી જરૂરિયાત છે. પીવાના પાણી, કૃષિ અને પશુપાલન માટે તળાવો અને વોટરબોડીનું સંરક્ષણ અત્યંત જરૂરી હોવાથી ત્રણ મહિના પહેલાં “તળાવ નીમ” અભિયાન શરૂ કરવામાં આવ્યું હતું. આ અભિયાન અંતર્ગત વૈજ્ઞાનિક ઢબે જમીનની માપણી, ફિલ્ડ વિઝિટ અને સત્તાવાર હુકમ દ્વારા તળાવોને મહેસૂલી દરજ્જો આપવામાં આવ્યો છે. કચ્છના તમામ ૧૦ તાલુકાઓમાં કુલ અંદાજિત ૫૬૯૧ એકરથી વધુ જમીન તળાવ માટે નીમ કરવામાં આવી છે. તાલુકાવાર આંકડા મુજબ ભુજમાં ૩૧૩, નખત્રાણામાં ૧૬૩, અંજારમાં ૧૩૨, અબડાસામાં ૮૭, ભચાઉમાં ૭૮, માંડવીમાં ૩૮, મુન્દ્રામાં ૨૫, લખપતમાં ૪૫, રાપરમાં ૧૮ અને ગાંધીધામમાં ૧૧ તળાવો નીમ કરાયા છે. ભુજ શહેરમાં પણ ૨૧ તળાવોને સત્તાવાર દરજ્જો અપાયો છે. તળાવોને સત્તાવાર ઓળખ મળવાથી હવે બ્યુટીફિકેશન, જળસંચય, સંરક્ષણ અને સંવર્ધન સંબંધિત યોજનાઓ સુચારુ રીતે અમલમાં મૂકી શકાશે. “સુજલામ સુફલામ યોજના”, અમૃત સરોવર સહિત વિવિધ યોજનાઓ હેઠળ સ્થાનિક સ્વરાજ્ય સંસ્થાઓના સહયોગથી વિકાસ કાર્ય શક્ય બનશે. સાથે જ ગેરકાયદેસર દબાણ અને કબ્જાઓ અટકાવવામાં મદદ મળશે. આ પહેલથી ભૂગર્ભ જળસ્તર સુધરશે, ટ્યુબવેલ અને કુવાઓમાં પાણીનું સ્તર વધશે અને પાણીની ગુણવત્તામાં સુધારો થશે. માઇક્રો-ક્લાઈમેટમાં સુધારો, ખારાશમાં ઘટાડો, કૃષિ ઉત્પાદન વધારું અને પશુ-પંખીઓ માટે વિશ્વસનીય પાણીના સ્ત્રોત સર્જાશે. કચ્છ કલેક્ટરશ્રી આનંદ પટેલની આગેવાનીમાં હાથ ધરાયેલી આ ઝુંબેશ પર્યાવરણ સંરક્ષણ અને ભવિષ્યની પેઢી માટે જળસંપત્તિ બચાવવાની દિશામાં એક મહત્વપૂર્ણ અને ઐતિહાસિક પહેલ બની છે.