પત્રકારત્વ ક્ષેત્રના સવાઈ ગુજરાતીછ દાયકાનું શબ્દતપ આર.કે. મિશ્રા | Ramesh Tanna | Navi Savar скачать в хорошем качестве

પત્રકારત્વ ક્ષેત્રના સવાઈ ગુજરાતીછ દાયકાનું શબ્દતપ આર.કે. મિશ્રા | Ramesh Tanna | Navi Savar

R. K. Mishraનું અમદાવાદમાં 22મી ફેબ્રુઆરી, 2026ના રોજ નિધન થયું. તેમને 76મું વર્ષ ચાલતું હતું. હમણાં પાંચમી ફેબ્રુઆરી, 2026ના રોજ તેમણે 75 વર્ષ પૂર્ણ કર્યાં હતાં. છ દાયકાનું જીવંત, લોકાભિમુખ, ધબકતું, ગહન અને અસરકારક પત્રકારત્વ કરનારા આર.કે. મિશ્રા ઉર્ફે મિશ્રાસાહેબ ઉર્ફે મિશ્રાજી એક મહાન પત્રકાર અને તંત્રી હતા. પત્રકાર અને તંત્રી તરીકેનો છ દાયકાનો સતત-સખત અનુભવ ધરાવતા વરિષ્ઠ પત્રકાર અને તંત્રી આર.કે. મિશ્રાના ભાથા અથવા થેલામાં કાયમ અણીદાર સ્ટોરીઝ જોવા મળતી. જો કાકાસાહેબ કાલેલકર અને ફાધર વાલેસ સાહિત્ય ક્ષેત્રના સવાઈ ગુજરાતી હતા તો આર.કે. મિશ્રા પત્રકારત્વ ક્ષેત્રના સવાઈ ગુજરાતી હતા. કાઠિયાવાડી લહેકામાં તેમને સાંભળવા એક લહાવો હતો. કાઠિયાવાડી બોલે તો લાગે કે ખરેખર તેઓ સૌરાષ્ટ્રના કોઈ ગામના જ હશે! ગુજરાતમય બની ગયેલા મિશ્રાસાહેબે એવો એકેય વિષય નહીં હોય જેના વિશે લખ્યું નહોતું લખ્યું. ગુજરાતને તેમણે આત્મસાત કર્યું હતું. ભારત અને વિદેશમાં કેટલાંક ટોચનાં સમાચાર પ્રકાશનો માટે તેમણે કામ કર્યું હતું. ટાઈમ્સ ઑફ ઈન્ડિયા, ધ પાયોનિયર અને બીજાં ઘણાં. મુંબઈનું ફ્રી પ્રેસ જર્નલ.. ન્યૂ યોર્કસ્થિત આંતરરાષ્ટ્રીય સમાચાર એજન્સી એસોસિએટેડ પ્રેસ (એપી), નાગપુરનાં સમાચાર દૈનિકો હિતાવહ, ચંદીગઢનું ડેઇલી પોસ્ટ અને દિલ્હીનું આઉટલુક મેગેઝિન, દિલ્હીમાં પ્રોબ ઇન્ડિયા અને તેના સિસ્ટર હિન્દી પ્રકાશન 'માયા' સાથે સિનિયર આસિસ્ટન્ટ એડિટર તરીકે અને ધ પાયોનિયર અને ઇન્ડો-એશિયન ન્યૂઝ સર્વિસ (IANS) ના સ્પેશિયલ કોરસપોન્ડન્ટ અને પછી રોવિંગ એડિટર તરીકે પણ તેમણે કામ કર્યું હતું. આતંકવાદની ચરમસીમાએ પંજાબ અને કાશ્મીર જેવા સંઘર્ષગ્રસ્ત વિસ્તારોના ક્રોસ-કન્ટ્રી કવરેજમાં તેઓ નિષ્ણાત પત્રકાર બન્યા હતા. તેમણે દુબઈના ગલ્ફ ન્યૂઝ અને સાઉદી અરેબિયાના અરબ ન્યૂઝ ઉપરાંત ચંદીગઢના ટ્રિબ્યુન અને બૅંગ્લૉરના વિજય ટાઇમ્સ માટે પણ કામ કર્યું હતું. જોકે, તેમની વિશેષતા હતી એ કે તેઓ ગુજરાતમાં જ રહેતા હતા. ગુજરાતના પત્રકારત્વમાં તેમનું ઘણું મોટું પ્રદાન હતું. ‘નવી સવાર’ YouTube Channel દ્વારા આશરે દોઢેક કલાકની તેમની મુલાકાત અમદાવાદસ્થિત તેમના નિવાસસ્થાને કુલ બે હપ્તામાં શૂટ કરી હતી. તેમણે દિલ ખોલીને ઘણી સરસ વાતો કરી હતી. ગુજરાતના ખ્યાતનામ વર્કિંગ જર્નાનિસ્ટનું દસ્તાવેજીકરણ કરવાવો પ્રકલ્પ ‘નવી સવાર’ YouTube Channel દ્વારા થયો તેમાં R. K. Mishraનો આર્કાઈઝ ઈન્ટરવ્યુ શૂટ થયો તેનો અમને આનંદ છે. આ સંવાદમાં તેમણે પોતાના જીવન અને પત્રકારત્વની કારકિર્દી બન્ને વિશે વિગતવાર વાતો કરી છે. આપ ‘નવી સવાર’ YouTube Channel પર બીજા વર્કિંગ જર્નાનિસ્ટની વિગતવાર મુલાકાતો પણ જોઈ શકશો. લેખકનો પરિચય: રમેશ તન્ના પત્રકાર, સંપાદક, લેખક, વક્તા અને સમાજસેવક છે. પહેલી ડિસેમ્બર, 1966ના રોજ ઉત્તર ગુજરાતમાં પાટણ જિલ્લાના સમી તાલુકાના અમરાપુર ગામમાં તેમનો જન્મ. માતા પ્રભાબહેન પાસેથી માતૃભાષા તથા સંવેદના, પિતા પ્રભુરામ પાસેથી ઉદારતા તથા સરળતા અને ગામ અમરાપુર પાસેથી સામાજિક દાયિત્વનો વારસો તેમણે ઝીલ્યો. બી.કૉમ થયા પછી તેમણે પત્રકારત્વ વિષયમાં પણ સ્નાતકની ઉપાધિ મેળવી. એ પછી મહાત્મા ગાંધી સ્થાપિત ગૂજરાત વિદ્યાપીઠમાંથી તેઓ પત્રકારત્વ વિષયમાં પારંગત (માસ્ટર) થયા. અહીં જ તેમણે બે વર્ષ પત્રકારત્વ વિભાગમાં પૂર્ણ સમયના વ્યાખ્યાતા તરીકે ફરજ બજાવી. સ્વતંત્ર રહીને સમાજ ઉપયોગી લેખન કરવાના પ્રયોજન સાથે તેમણે નોકરી છોડી. વિવિધ અખબારોમાં મુક્ત રીતે લખતા રહ્યા. થોડાં વર્ષો જીવનસાથી અનિતા જતકર સાથે 'અમદાવાદ ટુડે' સાપ્તાહિક અને 'સંગોષ્ઠિ ફીચર્સ એજન્સી'નું સંચાલન કર્યું. 1999થી 2013 સુધી, ચૌદ વર્ષ તેમણે અમેરિકાથી પ્રકાશિત થતા સાપ્તાહિક 'ગુજરાત ટાઇમ્સ'માં મનવાસ ભોગવ્યો. અહીં તેમણે પત્રકાર, પૂર્તિ-સંપાદક અને નિવાસી તંત્રી તરીકે ફરજ બજાવી. આદર્શ અને સત્ત્વશીલ સામયિકનું સર્જન કરવામાં તેઓ સફળ રહ્યા. સને 2013થી તેઓ મુક્ત રીતે લેખન કરે છે. ગુજરાતી ભાષામાં તેઓ પૉઝિટિવ પત્રકારત્વના પ્રણેતા ગણાય છે. તેઓ 1990થી સમાજોપયોગી, વિકાસલક્ષી અને વિધેયાત્મક લેખન કરી રહ્યા છે. સોશિયલ મીડિયામાં તેમણે 2013થી પૉઝિટિવ પત્રકારત્વનો પ્રારંભ કર્યો જેને વાચકો તરફથી સુંદર પ્રતિસાદ મળ્યો. તેમનાં પૉઝિટિવ શ્રેણીનાં પુસ્તકો સમાજમાં હકારાત્મકતા પ્રસારી રહ્યાં છે. તેની 55,000 પ્રતનું વેચાણ થયું છે. Instagram: https://www.instagram.com/navisavar/?... Facebook: / ramesh.tanna.5