Елімізде аяқ киім саудасымен айналысатын кәсіпкерлер таңбалауға қарсы петицияға қол жинап жатыр скачать в хорошем качестве

Елімізде аяқ киім саудасымен айналысатын кәсіпкерлер таңбалауға қарсы петицияға қол жинап жатыр

Елімізде аяқ киім саудасымен айналысатын кәсіпкерлер таңбалауға қарсы петицияға қол жинап жатыр. Онлайн форматтағы құжатқа 5 мыңнан астам адам қол қойған. Айтуларынша, биыл сәуірде қолданысқа енетін ережеге сәйкес бір де бір тауар таңбалаусыз сатылмауы қажет. Олай болмаған жағдайда әр кәсіпкерге қомақты айыппұл салынады. Ал осы тауарларды таңбалап, қадағалауға жауапты министрлік өкілдері болса, аталған өзгеріс аяқ киім саудасындағы көлеңкелі бизнесті жоюға бағытталған дейді. Астананың жайма базарында аяқ киім сатумен айналысатын Дәурен Дауылбаев сәуірде күшіне енетін ережеге қарсы. Ол Ресей мен Қытайдан келетін әр тауарды таңбалап, жүйеге енгізу барып тұрған машақаты көп тірлік дейді. Қосымша арнайы құрылғы мен ноутбукты да сатып алу жоспарында болмаған. Қалың қараша қысқы аяқ киімдерін "сайлап" қойғандықтан, қазір сауданың да дені саябырсып қалған. Әрі он аяқ киімді таңбалауға 700 теңге кетеді дегенді естіген кәсіпкерлер, «сонда өзімізге қалатын таза пайда қанша болмақ» деп ашынады. ДӘУРЕН ДАУЫЛБАЕВ, аяқ киім сатушы: — 700 теңге кеткен кезде, мен мына жақта 700-1000 аяқ киім сатсам бір бөлек. Мысалы мен мына шлепканы оптом алатын болсам, 3500 теңгеге аламын да, 4500-4000 теңгеге сатамын. Егер 700 теңгесін маркировкаға беретін болсам келген адамның қалтасы көтермейді ғой. Ол түсір дейді, ал түсіретін болсам, арғы жағында қалатын 200 теңге менің темекі, наныма да жетпейді ғой. Ал жалпы елімізге келетін тауарларды таңбалауға жауапты Индустрия министрлігі ортақ оператор ретінде Қазақтелекомды бекіткен. Олар таңбалау тез, тек markirovka.kz ақпараттық жүйесінде тіркелсе болғаны деп сендіруде. ЕРЛАН ҚАРАБАЕВ, «Цифрлық экономиканы дамыту орталығы» ЖШС жоба басқарушысы: — Әр аяқ киім 2023 жыл сәуірден бастап, таңбалау болуы керек. Оны шет елде таңбалауға болады немесе мына таможнядан өткен кезде, өзінің қоймасында сатуға алдын қойған кезде таңбалауға болады. Дегенмен осы кәсіпкерлердің құқықтарын қорғап жүрген заңгердің пікірінше, әр аяқ киімді таңбалауға біршама уақыт кетеді. Тіптен, барлық сатушылардың таңба енгізіп, аяқ киімдерді тізетін сауаттылық деңгейі әркімде әр түрлі. Кәсіпкерлер әзірге тек петицияға қол жинаумен шектелуде. АЙНҰР ҚАЙДАРОВА, заңгер: — Мысалы ауылдық жерлерде, әжелер аяқ киім сатады, тапочкалар. Сол 10-20 парасы үшін 900 мың теңгеге ноутбук алуы керек. Сканер алуы керек, сосын ана қағаз марка шығаратын. Ал, жауаптылар 1 сәуірден бастап аяқ киімдерін таңбаламағандарға қанша айыппұл салынатынын кесіп айта алмады. Қазір Индустрия мен сауда министрлігі өзара келісіп тағайындалатын жазаның құнын есептеп шығаруда. . . . . Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал