Атырауда із-түссіз жоғалған Мейрамгүл Қарабалина мен Наурыз Мұқанғалиевтің денесі табылды скачать в хорошем качестве

Атырауда із-түссіз жоғалған Мейрамгүл Қарабалина мен Наурыз Мұқанғалиевтің денесі табылды

Атырау облысында екі ай бұрын із-түссіз жоғалған Мейрамгүл Қарабалина мен Наурыз Мұқанғалиевтің денесі табылды. Екі мәйітті қайда жасырғанын күдіктінің өзі айтып берген. Сұлтан Сәрсемәлиев әйелінің ағасын былтыр жазда, ал әпкесін желтоқсан айында жалдамалы баспанасының ауласына көміп тастады деген ақпарат бар. Болжам бойынша ата-енесін қараша айында өлтірген. Қанды қылмысты алдын ала жоспарлаған азаматтың жұбайы Ақбаян Мұқанғалиева қазір жындыханада жатыр. Мамандар оның психикалық жағдайын анықтамақ. Дүйім елді дүр сілкіндірген трагедияның жай-жапсарын әріптесім Жұлдыз Тілеухан айтып берсін. Қарабалиндер әулеті тағы қара жамылды. Мейрамгүл мен Наурыз тірі табылады деп үміт үзбей күтіп жүрген жанұяға соңғы жаңалық ауыр соққы болды. Қайғыдан жақындарының жүрегі қан жылайды. Туыстары әпкесі мен ағасын мәйітханадан алып, әке-шешесінің жанына жерлеуді жоспарлаған екен. ШАЛҚАР МҰҚАНҒАЛИЕВ, марқұмдардың туысы: Бір үміт болған бәлкім тірі шығар деген. Сондай үміт оянған. Сүйегі табылды деп естіген кезде оңай тиген жоқ. Сабыр еткеннен басқа қолдан келер шама жоқ. Қылмыскер келді өзінің қылмысын мойындап тұр. Сол себепті табылды. Сүйектің табылғанының өзі біз үшін оңай тимесе де оның өзі бізге жақсы жаңалық болды. Себебі, өмір бойы іздеп жүргеннен тірі ме деген үміттен гөрі. ЖҰЛДЫЗ ТІЛЕУХАН, тілші: Күдікті Сұлтан Сәрсемәлиев тұрған үйдің ауласы жақында қазылғаны байқалады. Баспана алдында тұрған дәл осы жарық бағанасының айналасында күректің іздері де тұр. Құзырлы орган өкілдері осы төңіректі қопарып, мәйіттерді жердің астынан алып шыққан. 29 жастағы азамат былтыр жазда Наурыз Мұқанғалиевті жалдамалы баспанасының тура алдына көміп тастаған көрінеді. Ал, Мейрамгүл Қарабалинаның денесін желтоқсан айында інісінің жанына қойған деген ақпарат бар. Сұлтан Сәрсемәлиевтің өзі бір отбасының төрт адамын өлтіргенін және қылмысты алдын ала жоспарлағанын елге жеткенде мойындапты. Күдіктілер Балиден Алматыға, одан кейін Атырауға экстрадицияланды. Оларды тінту барысында марқұмдардың жеке куәліктері, банк карточкалары тәркіленді. Ал, Ақбаян Мұқанғалиеваның атышулы іске қатысы бар-жоғы қазір тексеріліп жатыр. Бес баласы бар 30 жастағы келіншектің психикалық жағдайын анықтау мақсатында сараптама тағайындалып, ол медициналық мекеме жеткізілді. Анықталғандай, қанды қылмысқа ұзақ уақытқа созылған тұрмыстық жанжал себеп болған екен. ҚАНАТ НҰРМАҒАМБЕТОВ, ҚР ІІМ Криминалдық полиция департаментінің бастығы: Жедел тергеу шаралар нәтижесінде қаза тапқандардың мәйіттері табылды. Күдікті кінәсін толық мойындады. Қылмыстық іс екі немесе одан да көп адамдарды өлтіру бабы бойынша жүргізілуде. Тергеу жұмыстары жалғасып жатыр. Дүйім елді дүр сілкіндірген трагедияның жай-жаспары алдағы уақытта белгілі болмақ. Еске салсақ, былтыр желтоқсан айында бүтін бір отбасы мүшелері ізім-ғайым жоғалған еді. Төрт адамның із-түссіз кеткені туыстарын алаңдатып, олар полицияға хабар берген. Алтыншы қаңтарда Мақсот Қарабалин мен Нәсіп Өтешқалиеваның мәйіті сарайдың ішінен табылған еді. #Информбюро #31арна #БастыЖаңалықтар #Новости #31канал