Дональд Трамп Иранның жаңа басшысына ескерту жасады скачать в хорошем качестве

Дональд Трамп Иранның жаңа басшысына ескерту жасады

Егер Иранның жаңа басшысы АҚШ-тың айтқанымен жүрмесе, Дональд Трамп оның да көзін құртпақ. Бұл туралы The Wall Street Journal басылымы жазып жатыр. Деректерге сүйенсек, жаңадан сайланған кіші Хоменейді өлтіруге бағытталған арнайы операцияны Израиль тарабы жүргізуі мүмкін. Бүгін Таяу шығыстағы текетіреске 11-ші күн. Таңда Иранның тағы бір мектебі Израиль мен АҚШ-тың шабуылына ұшырап, күл талқаны шықты. Төбеден түскен бомбалардан айналасындағы тұрғын үйлер де қираған. Әуе соққысынан оқу лагері, сауда орталығы және қалалық әкімшілік ғимарат та бүлінді. Тель-Авив пен Американың Исфахан өңірін атқылап, сондағы ядролық нысандарға айтарлықтай зақым келтіргені мәлім болды. Бұл деректі Тегеранның Ұлттық ядролық қауіпсіздік орталығы растады. Бірақ, радиацияның таралғаны туралы әзірге ақпарат жоқ. БЕНЬЯМИН НЕТАНЬЯХУ, Израиль премьер-министрі: Біздің мақсат - Иран халқын тиранияның бұғауынан құтылуына жәрдемдесу. Түптеп келгенде, бәрі де сол халықтың өз таңдауына байланысты. Алайда осы уақытқа дейін жасалған қадамдардың өзі қарсы тарапқа ауыр соққы болып тигені анық. Алдағы уақытта мұндай қысым бұдан да күшейе түседі. Израиль Иранның мұнай базаларына да шабуылдаған. Жауап ретінде бүгін Тегеран Хайфа қаласындағы газ өңдеу зауыттарына соққы жасады. Дрондар арқылы мұнай өндіретін нысандар мен жанармай қоймаларын жермен жексен қылды. АББАС АРАКЧИ , Иранның сыртқы істер министрі: Біз халықаралық құқыққа қайшы келетін ашық агрессиямен бетпе-бет келіп отырмыз. Ал біздің әрекеттеріміз -өзімізді қорғау ғана. 3 рет өткен келіссөзде Америка тарапы біздің айтарлықтай ілгерілеуге қол жеткізгенімізді мәлімдеген еді. Алайда сөйте тұра олар бізге шабуыл жасады. Америка қарулы күштері бүгінге дейін Тегерандағы 5 мыңнан астам әскери нысан мен әскери инфроқұрылымды талқандадық деп отыр. Ақ үй басшысы қақтығысты аз уақытта аяқтайтынын айтты. ДОНАЛЬД ТРАМП , АҚШ президенті: Біз Иранның ұшқышсыз ұшу аппараттары мен зымырандық әлеуетіне соққы беруді жалғастырып жатырмыз. Қазір олардың дрондары бұрынғыдай тиімді жұмыс істемейді, өндірісі де айтарлықтай тұралады. Зымырандық мүмкіндіктері шамамен 10 пайызға дейін, тіпті одан да төмен деңгейге құлдырады. Дональд Трамп тоқтаусыз шарықтап жатқан мұнай бағасын реттеу үшін кейбір елдерге қарсы салынған санкцияларды алып тастайтынын жеткізді. Бірақ, жеңілдіктер қай мемлекеттерге жасалатыны туралы айтпады. Қақтығыс салдарынан туындаған энергетикалық дағдарысқа байланысты - G7 халықаралық клубқа кіретін Ұлыбритания, Германия, Франция, Италия сынды елдердің қаржы министрлері өздерінің мұнай қорынан белгілі бір көлемді шығаруға дайын екендерін мәлімдеді. Дегенмен, соңғы шешім әлі қабылданған жоқ. #Информбюро #израиль #иран #АҚШ #трамп #нетаньяху #таяушығыс #Иранныңжаңабасшысы #ТельАвив