Tv Klan - PD zgjedh më 23 maj kryetarin e ri скачать в хорошем качестве

Tv Klan - PD zgjedh më 23 maj kryetarin e ri

Më 23 maj demokratët do të zgjedhin me votën e tyre kreun e ri të partisë, pas mbarimit të mandatit të Sali Berishës, i cili katër vite më parë garoi nën siglën e Komisionit të Rithemelimit. Vetë Berisha ka pohuar se do të rikandidojë në këtë post, proces që është paraprirë edhe nga zgjedhja e krerëve në degë, e që sipas Kryesisë duhet të përmbyllet brenda 30 prillit. Nga mbledhja e Kryesisë, Berisha vlerësoi ecurinë e deritanishme të procesit elektoral, duke e vënë theksin tek primaret.  “S’mund të zëvendësojmë në primare të drejtën e anëtarëve tanë… sa më shumë konsolidohet kjo traditë aq më shumë fuqizohet PD”. Me përmbylljen e zgjedhjeve në degë, demokratët do të thërrasin më 6 qershor edhe Kuvendin Kombëtar, që do të zgjedhë anëtarët e Këshillit Kombëtar, të cilët votëbesojnë anëtarët e rinj të Kryesisë dhe kupolën drejtuese të kësaj force politike, përfshirë nënkryetarët dhe Sekretarin e Përgjithshëm. Në Kuvend pritet të votohen edhe disa ndryshime statutore, që do të hartohen nga një grup prej 9 anëtarësh. Vetë Berisha paralajmëroi se menjëherë pas këtij procesi partia duhet të bëhet gati për betejën e radhës me kundërshtarin në pushtet. “Ta mbyllim këtë proces me Kuvendin në fillim qershorit dhe rikthehemi tek zgjedhjet vendore ku duhet të angazhohemi me gjithë forcën”. Krahas akuzave në adresë të kryeministrit si bllokues të integrimit europian të shqiptarëve, përpara anëtarëve të Kryesisë, Berisha nuk kurseu edhe ambasadorin e Bashkimit Europian në Tiranë. “Ambasadori i BE në Tiranë, në Bruksel sillet në mënyrë absolute sikur të jetë ambasadori i Edi Ramës në Bruksel. U bëj thirrje vendeve anëtare të informohen direkt nga përfaqësitë e tyre, parlamenteve të vendeve anëtare të dërgojnë misione faktmbledhëse, sepse të shpallësh AKSHI-n problem kulturor të shqiptarëve në Bruksel, siç ka bërë zoti Gonzato, ky është shërbimi më i keq që u bën shqiptarëve dhe unë i them atij zotërie se pengmarrje nuk është kulturë e shqiptarëve. AKSHI, shkëlqesia juaj, është problemi i baxhanakut të Edi Ramës, i bashkëshortes së Edi Ramës dhe vetë Edi Ramës”. Si në Kryesi ashtu edhe në mbledhjen e grupit, kryedemokrati tha se përgjigjen Edi Ramës do t’ia japin shqiptarët, ndaj nga të vetët kërkoi angazhim maksimal në protestën e të dielës. “Protesta e datës 22 frymëzim për çdo shqiptar në një kryengritje të fuqishme që duhet t’i japë përgjigjen më të merituar akteve antiligjore të Edi Ramës. Vazhdojmë kryengritjen tonë paqësore, ai me mandatet e krimit, ne me idealet fisnike”. Ndërsa në orët e para të mëngjesit nga SPAK, ku ishte në vijim të masës “Detyrim Paraqitje”, Berisha tha se opozita nuk do të bashkojë votat me mazhorancën për ndryshimet ligjore që prekin drejtësinë, të propozuara nga Rama. Tv Klan SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/