စစ်တပ်က စစ်ကိုင်းတိုင်းမှာ ပေါ်တာဆွဲလာသူ တွေကို နမခထဲ ပို့ | People's Spring скачать в хорошем качестве

စစ်တပ်က စစ်ကိုင်းတိုင်းမှာ ပေါ်တာဆွဲလာသူ တွေကို နမခထဲ ပို့ | People's Spring

စစ်တပ်က စစ်ကိုင်းတိုင်းမှာ ပေါ်တာဆွဲလာသူ တွေကို နမခထဲ ပို့   ဖေဖော်ဝါရီ-၁၉၊ ၂၀၂၆။ Peoples Spring   စစ်မှုထမ်း အပတ်စဥ် ၂၂ အတွက် စစ်ကိုင်းတိုင်းထဲမှာ ပေါ်တာဆွဲခံရသူတွေဟာ အနောက်မြောက်တိုင်းစစ်ဌာနချုပ်(နမခ)ထဲရောက်လာတယ်လို့ တပ်တွင်းသတင်းရင်းမြစ်က ပြောပါတယ်။   မုံရွာ၊ ကန့်ဘလူ၊ ကလေး၊ ဟုမ္မလင်းအစရှိတဲ့ မြို့နယ်တွေက အမျိုးသားတွေကို စစ်တပ်က နည်းမျိုးစုံအသုံးပြုပြီး ဖမ်းဆီးလာတာလို့လည်း စုံစမ်းသိရပါတယ်။   တချို့က လမ်းမှာ စစ်လို့ တွေ့ရင်း ဖမ်းခံရတာဖြစ်ပြီး တချို့ကတော့ စစ်ကြောင်းထိုးရင်း ဖမ်းဆီးခံရတာလို့ ဖြစ်စဥ်ကို သိရှိသူက ပြောပါတယ်။   ပေါ်တာဆွဲခံရတဲ့သူတွေကို ရှမ်းပြည်နယ် ဟိုပုံးမြို့နယ်က စစ်သင်တန်းကျောင်းကို ပို့မယ်လို့ သိရပါတယ်။   ပေါ်တာဆွဲဖမ်းဆီးခံရသူတွေထဲမှာ အသက် ၁၄ နှစ်သားအရွယ်၊ လက်ကျိုးနေသူတွေ၊ ခန္ဓာကိုယ် မစုံသူ၊ ဉာဏ်ရည်မပြည့်သူတွေ ပါလာပြီး ရသမျှ ဆွဲလာတဲ့အခြေအနေဖြစ်တယ်လို့ နမခတပ်တွင်းသတင်းရင်းမြစ်က ဆိုပါတယ်။   စစ်တပ်ဝါဒဖြန့် တယ်လီဂရမ်အကောင့်တချို့ကလည်း စစ်မှုထမ်းအပတ်စဥ် ၂၂ ကို ဖွင့်ဖို့ ပြင်ဆင်နေတယ်လို့ ဖေဖော်ဝါရီ ၁၈ ရက် မနေ့က ဖော်ပြထားပါတယ်။   စစ်တပ်ဟာ၂၀၂၄ ခုနှစ် ဖေဖော်ဝါရီက စစ်မှုထမ်းဥပဒေကို ပြဌာန်းခဲ့ပြီး အပတ်စဥ်တစ်ခုမှာ အမျိုးသား ၅,၀၀၀ ကို စုဆောင်းခဲ့တာကြောင့် လက်ရှိမှာ လူငယ်တွေနဲ့ အမျိုးသားတစ်သိန်းကျော်ကို စစ်တပ်က စု ဆောင်းခဲ့ပြီ ဖြစ်ပါတယ်။   စစ်မှုထမ်းတပ်သားတွေကို စုစည်းပြီးနောက်ပိုင်း နိုင်ငံ့အနှံ့ တော်လှန်ရေးအင်အားစုတွေ ထိန်းချုပ်ထားတဲ့ နယ်မြေတွေကို စစ်တပ်က ထိုးစစ်ဆင်နေပါတယ်။ ထိုးစစ်တွေမှာ သေဆုံးသူအများစုက စစ်မှုထမ်းတပ်သားတွေ ဖြစ်တယ်လို့လည်း မြေပြင်က တော်လှန်ရေးတပ်ဖွဲ့ဝင်တွေက အသိပေးထားပါတယ်။   လက်ရှိမှာလည်း အဓမ္မစစ်သားသစ်စု ဆောင်းခံတဲ့ လူငယ် တွေဟာ ရှေ့တန်းပို့ခံရချိန်မှာ ထွက် ပြေးတာ၊ တော်လှန် ရေးတပ် တွေဆီအလင်းဝင်တာ၊ သေဆုံးဒဏ်ရာရတာ စတာ တွေလည်း အများအပြားရှိ နေပါတယ်။   အခုလက်ရှိ သင်တန်းဆင်း စစ်မှုထမ်းတပ်သားသစ်အများစုကို တပ်မ ၃၃ နဲ့ တပ်မ ၉၉ ဆီကို ပို့နေတယ်လို့ တပ်တွင်းသတင်ရင်းမြစ်တွေက လူထုနွေဦးကို ပြောထားပါတယ်။   အာဏာသိမ်းစစ်တပ်ဟာ စစ်ကိုင်း၊ မကွေးတိုင်းနဲ့ ရခိုင်ပြည်နယ်ကို မကြာမီ ထိုးစစ် အရှိန်မြှင့်ဖို့ ပြင်ဆင်နေတာလို့လည်း သိရပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA