பிப்ரவரி - 10 அனுதினமும் தேவனோடு : விவேகமுள்ள தெரிவு скачать в хорошем качестве

பிப்ரவரி - 10 அனுதினமும் தேவனோடு : விவேகமுள்ள தெரிவு

கர்த்தருக்கு ஸ்தோத்திரம்!! பிப்ரவரி - 10 கிறிஸ்துவுக்குள் பிரியமானவர்களே, அனுதினமும் தேவனோடு : இன்றைய தலைப்பு : விவேகமுள்ள தெரிவு 📘 “வீண் சிந்தனைகளை நான் வெறுத்து, உமது வேதத்தில் பிரியப்படுகிறேன்.” (சங்கீதம் 119:113) வீணான சிந்தனையின் வடிவம்: சிந்தனை என்பதற்கு விளக்கம் மனிதனுக்கு தேவையில்லை. ஒவ்வொரு வினாடிகளும் ஏதோ ஒரு சிந்தனை மனித மூளையில் வந்து செல்கிறது அல்லவா? இந்த எண்ணங்கள் நமக்கு இன்பத்தை தந்திடலாம், துக்கத்தையும், துயரத்தையும் தரலாம். இன்னும் மேட்டிமையையும் விதைத்திடலாம். இத்தகைய சிந்தனைகளால் நாம் எத்தகைய பலனையும் அறுவடை செய்கிறதில்லை. இவைகள் வீணான சிந்தனைகள் என்பதாக வேதம் தெரிவிக்கிறது. ஆனால் இவைகள் நம்மை அடிமைப்படுத்தாத வண்ணம் அவற்றை சிறைப்படுத்த வேண்டும். ஜனங்கள் விருதா காரியத்தை சிந்திப்பானேன்? என்பதாக வேதம் நம் ஒவ்வொருவரிடமும் கேள்வியை முன்வைக்கிறது. நீ தேவனுக்குரியவைகளை சிந்தியாமல் மனுஷருக்குரியவைகளை சிந்திக்கிறது என்ன? என்பதாக இயேசு பேதுருவிடம் கேட்டதை நாம் வேதத்தில் பார்க்கிறோம். சிந்தனையை வெல்லும் வேதம்: சிந்தனையை மேற்கொள்வதற்கு முதற்படியாக வேதத்தை படிக்க வேண்டும். தாவீதுராஜா வீணான சிந்தனைகளை வெறுத்து வேதத்தை தியானிப்பதில் தனது நேரத்தை செலவிட்டார். நம்முடைய கவலைகளுக்கும் கலக்கங்களுக்குமான தீர்வு வேதத்தின் மூலம் நமக்குக் கிடைக்கிறது. நம்முடைய நேரத்தை பயனுள்ள முறையில் செலவிட முதல்படியாக தாவீதைப் போல வேதத்தை கையில் எடுப்போம். எதிர்காலத்தைக் குறித்த கவலைகள், என்ன செய்வதென்ற தவிப்புகள், பிரியமானவர்களின் பிரிவால் ஏற்பட்ட மனமுறிவுகள், தனிமையின் தாக்குதல்கள், யாருமில்லையே என்றதான வேதனைகள் என நம்முடைய அனுதின வாழ்க்கையில் சிந்தனைகள் பல வதைத்தாலும் எல்லாவற்றையும் தேவனுடைய கரத்தில் ஒப்புவித்துவிட்டு புதியதொரு வாழ்க்கையை முன்னெடுப்போம். சிந்தனையினால் வாழ்க்கையை சிதைக்காமல், மனுஷருடைய மந்திரங்களுக்கு மயங்காமல், துணிவுடன் செயல்படுவோம். நம் உள்ளத்தை அறிகிற தேவன் தாமே நம் சிந்தனையை சீர்ப்படுத்தி, கவலைகளுக்கு காயங்கட்டி நம்மை ஸ்திரப்படுத்துவாராக!ஆமென். ******