Отырар ауданының шаруалары егістікке тамшы су таппай зар болып отыр скачать в хорошем качестве

Отырар ауданының шаруалары егістікке тамшы су таппай зар болып отыр

Түркістан облысы Отырар ауданының шаруалары егістікке тамшы су таппай зар болып отыр. Бес бірдей ауылдың диқандары жаздың басында-ақ кеуіп кеткен каналдарды күзетіп күн өткізуде. Бір ғана Талапты ауылына қарасты 220 гектар алқап қазір қурап барады. Тез арада тіршілік көзі жетпесе, 200 миллион теңгеден артық шығынға бататын түріміз бар дейді диқандар. Осылай деп шырылдаған шаруалар ағын судан азап тартқызған аудандағы Қазсушар мекемесінің басшылығын кінәлайды. МАҚСАТ ЖАҚСЫБАЙҰЛЫ, тілші: – Мынау ША-9 каналы Талапты ауылы құрылғалы осындағы алқапты суару үшін арнайы салынған екен. Әу баста судың көптігі соншалық, тіпті арнасынан асып жығылатын еді дейді жергілікті жұрт. Ал бірақ соңғы 2 жылдан бері каналдың суы тартылғаны соншалық, батпаққа айналып барады. Тартылып қалған атыздың түбіндегі шалшық суы төрт түліктен артылмайды екен. Канал басына келетін тіршілік көзін су шаруашылығының басшысы туыс-таныстарына бөліп береді дейді көпшілік. Соның кесірінен арықтың бел ортасынан төмен қарай орналасқан алқаптарға ағын су жетпейді деп жыларман. ҚОЙШЫҒҰЛ МАМЫРОВ, Талапты ауылының тұрғыны: – Мына каналдың бойында 200 гектар жер бар. Су ішпегелі қанша болды. Қауындары қалды, жүгерісі қалды. Қазір енді собықтайтын кез келді, бірақ әлі шашақ та шығарған жоқ. Су ішпеген, бірінші суын ішпеген. Ерте көктемде диқандар Қазсушар мекемесінің аудандағы өкілдігімен келісім жасасып, рұқсатын алған. Тіпті, тұтынатын тіршілік көзі үшін ақысын да төлеп қойғанбыз дейді. Ауыз суды алқапқа жеткізетін арнайы су тартқыш құрылғыны да әрқайсымыз сатып алып, канал бойына орнаттық, бірақ бәрі бекер деп ашынып отыр. БАҚТИЯР МАМБЕТӘЛІ, шаруа: – 20 миллион кредит алғам, бала-шағамның аузынан жырып. Өзбекстаннан өзбек диқандарды әкеп ектік. Көктемде бізге әкімшіліктен тапсырма келді, жер егіңдер деп. Екпесең жеріңді ап қояды. Ексең міне каналда су жоқ. Мал ішетін су болмай жатыр. Мал келсе, каналдан қуамыз. Диқандар қуады, қауынымыз ішсін деп. МАҚСАТ ЖАҚСЫБАЙҰЛЫ, тілші: – Талапты ауылындағы егістіктің жағдайы қазір өте нашар. Мәселен, мына жүгері алқабы, қазір тамыз айы болса да, тамшы су көрмепті. Сондықтан 20 гектар алқаптың тең жартысы қурауға шақ тұр. Каналға келуі тиіс су Арыс өзенінен алынуы керек екен. Бірақ оны тартатын тоғыз насостың тең жартысы істен шыққан. Кеше ғана жөндеуден өткен құрылғылар сапасыз дейді көпшілік. Бұны мойындаған су шаруашылығының басшысы бірінші кезекте ауданда ағын су тапшы деп ақталды. ХАМИТБЕК ЕЛКЕЙ, «ҚАЗСУШАР» РМК Отырар аудандық бөлімшесінің басшысы: – Жоқ суды қайдан алып берейін мен. Мен басшылықтарға барамын, қолымды жаямын. Олар да қолын жаяды. Қайдан енді источник жоқ қой. Арыс өзені бұзылып қалған. Бұл енді табиғат қой, табиғи ресурс қой. Көпшілікпен сөз бұйдаға келген басшы ауылдағы алқапқа ақыры су жеткізіп беретін болды. Бірақ тек 10 күнге ғана. Дегенмен, шаруалар мәселені түбегейлі шешіп беруді сұрайды. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал