ប្រធានក្រុមប្រឹក្សាខេត្ត នាំយកសារលិខិតរំលែកមរណទុក្ខរបស់ សម្ដេចធិបតី ជូនក្រុមគ្រួសារសពយុទ្ធជនពាលី скачать в хорошем качестве

ប្រធានក្រុមប្រឹក្សាខេត្ត នាំយកសារលិខិតរំលែកមរណទុក្ខរបស់ សម្ដេចធិបតី ជូនក្រុមគ្រួសារសពយុទ្ធជនពាលី

ប្រធានក្រុមប្រឹក្សាខេត្តសៀមរាប នាំយកសារលិខិតរំលែកមរណទុក្ខរបស់ សម្ដេចធិបតី នាយករដ្ឋមន្ត្រី ជូនក្រុមគ្រួសារសពយុទ្ធជនពាលី នៅព្រឹកថ្ងៃទី២៦ ខែធ្នូ ឆ្នាំ២០២៥ ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប និង លោក នាក់ ណេរ៉ុន អភិបាលរងខេត្ត ដឹកនាំប្រតិភូខេត្ត ចូលរួមគោរពវិញ្ញាណក្ខន្ធ និងបាននាំយកសារលិខិតរំលែកមរណទុក្ខ ព្រមទាំងថវិកា ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រគល់ជូនដល់គ្រួសារ លោកអនុសេនីយ៍ឯក ប៊ី សុគង់ ជំនួយការហ្វឹកហ្វឺនកងវរសនាតូចលេខ ៤៤៤ ដែលបានពលីក្នុងបុព្វហេតុការពារបូរណភាពទឹកដីពីការឈ្លានពានរបស់សៀម។ ក្នុងនាមប្រធានក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធ មន្ត្រីរាជការ ព្រមទាំងប្រជាពលរដ្ឋទូទាំងខេត្តសៀមរាប មានសេចក្តីរន្ធត់តក់ស្លុតឥតឧបមា ក្រោយពីបានទទួលដំណឹងយ៉ាងក្រៀមក្រំថា លោក អនុសេនីយ៍ឯក ប៊ី សុគង់ ជំនួយការហ្វឹកហ្វឺនកងវរសនាតូចលេខ ៤៤៤ ដែលបានពលីនៅសមរភូមិប្រាសាទតាក្របី ដែលបានពលីនៅសមរភូមិប្រាសាទតាក្របីកាលពីថ្ងៃទី១៥ ខែធ្នូ ឆ្នាំ២០២៥ ដោយសារយន្តហោះ F16 ទម្លាក់គ្រាប់ចំក្នុងពេលប្រយុទ្ធរវាងកងទ័ពកម្ពុជា-ថៃ នៅតំបន់ទិសប្រាសាទតាក្របី ស្រុកបន្ទាយអំពិល ខេត្តឧត្តរមានជ័យ។ ក្នុងបរិយាកាសដ៏សែនក្ដុកក្ដួលនេះ ឯកឧត្តមប្រធានក្រុមប្រឹក្សាខេត្ត សូមសម្តែងនូវការសោកស្ដាយ អាឡោះអាល័យជាអនេក និងសូមចូលរួមរំលែកទុក្ខ ដ៏សែនក្រៀមក្រំបំផុតជាមួយក្រុមគ្រួសារ។ មរណភាពលោក អនុសេនីយ៍ឯក ប៊ី សុគង់ គឺជាការបាត់បង់ដ៏ធំធេង មិនត្រឹមតែចំពោះក្រុម គ្រួសារប៉ុណ្ណោះទេ តែក៏ជាការបាត់បង់នូវវីរយុទ្ធជនខ្មែរដ៏អង់អាចក្លាហានម្នាក់ ដែលបាន បូជាសាច់ស្រស់ ឈាមស្រស់ ក្នុងកិច្ចការពារបូរណភាពទឹកដី ការពារអធិបតេយ្យជាតិ ពីការ ឈ្លានពានរបស់ពួកខ្មាំងសត្រូវលើសមរភូមិមុខ គួរឱ្យស្ញប់ស្ញែងជាទីបំផុត។ ជាមួយគ្នានេះ ឯកឧត្តម ប្រធានក្រុមប្រឹក្សាខេត្ត គណៈអភិបាលខេត្ត សូមគោរពថ្លែងអំណរគុណយ៉ាងជ្រាលជ្រៅបំផុត ចំពោះ សម្តេចមហាបវរធិបតី នាយករដ្ឋមន្ត្រី និងលោកជំទាវ បណ្ឌិត ដែលបានជួយគិតគូរ និងចូលរួមរំលែកទុក្ខដ៏សែនក្រៀមក្រំ និងសោកសង្រែកជាមួយនឹងក្រុមគ្រួសារ លោកអនុសេនីយ៍ឯក ប៊ី សុគង់។ សូមជម្រាបថា នៅព្រឹកថ្ងៃដដែលនោះដែរ ស្នាក់ដឹកនាំសាខាកាកបាទក្រហមកម្ពុជាខេត្តសៀមរាប ក៏បាននាំយកសារលិខិតរំលែកមរណទុក្ខ ព្រមទាំងថវិការបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចូលរួមរំលែកមរណទុក្ខដល់ក្រុមគ្រួសារ លោក អនុសេនីយ៍ឯក ប៊ី សុគង់ ផងដែរ៕ ‎អត្ថបទ និងរូបភាព៖ លោក ឡៃ បញ្ញា កែសម្រួល៖ លោក អ៊ុន ណារាជ្យ